InfoHub Logo

ەۋروپاداعى سەكىلدى قازاقستاندا دا بالا التى جاستان مەكتەپ پارتاسىنا وتىرۋى كەرەك. بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمالىم  ەتتى.

مينيستر ءسوز اراسىندا 12 جىلدىق ءبىلىم بەرۋدىڭ نەگىزگى مىندەتىنە توقتالعان بولاتىن. ونىڭ ايتۋىنشا، بۇنداعى باستى مىندەت  ءبىرىنشى سىنىپتى التى جاستان باستاۋ.

«قازىرگى كۇنى التىعا تولعان بالالاردىڭ جارتىسى مەكتەپتە پارتادا وتىر، جارتىسى ءالى بارعان جوق. التىعا تولعان بالانى مەكتەپكە بەرۋ كەرەك، بۇل - اسا ماڭىزدى جاس. وسىنى ەكونوميكالىق ىنتىماقتاستىق جانە دامۋ ۇيىمى ەلدەرى باياعىدان تۇسىنگەن. ويتكەنى، بالا ميىنىڭ سينوپسياسى التى جاسقا دەيىن تولىعادى، سوسىن كىشىرەيە باستايدى. ەندەشە، بۇل جاستى دۇرىس پايدالانباساق، وندا ارى قاراي ءبارى قيىنداي تۇسەدى»، -دەدى ە. ساعادييەۆ.

ونىڭ ايتۋىنشا، التى جاستان باستاپ مەكتەپكە بارعان بالا مەن ودان كەش بارعان بالانىڭ دامۋىندا ەرەكشەلىكتەر بولادى. بۇل ءبىلىم بەرۋ دەڭگەيىندەگى ايىرماشىلىقتارعا دا اكەپ سوعادى.

«سوندىقتان دا، ەۋروپاداعى سەكىلدى قازاقستاندا دا بالا التى جاسىنان مەكتەپتە پارتاعا وتىرۋى كەرەك. بۇل باعىتتا ارنايى سىنىپتار دايىندالعان. بۇل باعدارلامانى الداعى ءتورت جىلدا ەنگىزىپ، اياقتاۋعا ءتيىسپىز»، - دەدى مينيستر.

ونىڭ سوزىنە قاراعاندا، قازىرگى كۇنى ەلىمىزدە 150  مىڭ بالا التى جاستان وقىسا، 180 مىڭ بالا مەكتەپكە بارماعان.

اۆتور: قانات مامەتقازى ۇلى