InfoHub Logo

الەمدە بارىپ كورۋگە تۇرارلىق ورىندار وتە كوپ. ءدامىن تاتىپ كورۋگە بولاتىن اس تۇرلەرى دە ءسوزسىز از ەمەس. كەيبىر مەيرامحانالار تەك ءدامدى تاعام جانە سەرۆيسىمەن ەمەس ءوزىنىڭ ەرەكشە ورنالاسقان جەرىمەن دە تارتادى. الەمدەگى ەڭ كەرەمەت جەرلەردە ورنالاسقان مەيرامحانالاردى بىرگە تاماشالايىق.

 

Grotta Palazzese، باري، يتاليا

pinterest

كەشكى استى تابيعاتتىڭ ءوزى جاساعان ۇڭگىردە ىشۋگە قالاي قارايسىز؟ تەڭىز شايىپ، سالدارىنان  بۇل جەردە ديامەترى 30 مەتردى قۇرايتىن ەكى ۇلكەن جارتىلاي دوڭگەلەك «زال» پايدا بولدى. ءبىر كەزدەرى بۇل جەردە بال جانە قابىلداۋلار وتكىزىلگەن. ال ءقازىر تاماشا يتاليان تاعامدارىن ۇسىناتىن مەيرامحانا ورنالاسقان.

 

Restaurant le Panoramic، شاموني، فرانسيا

chamonix

مەيرامحانا فرانسيانىڭ الپىلەرىندە تەڭىز دەڭگەيىنەن 3000 مەتر بيىكتىكتە بريەۆان تاۋىنىڭ شىڭىندا ورنالاسقان. بارلىق جاعىنان تاۋدىڭ تاماشا كورىنىسى كوز جاۋىن الادى. ال اسپازدار قوناقتارعا جەرگىلىكتى ءداستۇرلى تۇسكى اس جانە باسقا دا تاعامدار ۇسىنادى.  

 

Ithaa Undersea Restaurant، مالديۆ

conradhotels3.hilton

سۋ استىندا 5 مەتر تەرەڭدىكتە ورنالاسقان مەيرامحانا 14 قوناققا عانا ارنالعان.  بەرىك شاتىردىڭ ارقاسىندا مۇحيتتىڭ اسەمدىگىن 270 گرادۋستا كەڭ كولەمدە تاماشالاۋعا بولادى. قوناقتارعا جەرگىلىكتى جانە ەۋروپا تاعامدارى ۇسىنىلادى، ءبىراق كەلۋشىلەردىڭ باستى ماقساتى اس ەمەس.

 

Ali Barbour’s Cave Restaurant، دياني بيچ، كەنيا

enchantedlandscapes

كەنياعا جولىڭىز تۇسسە مىندەتتى تۇردە بۇل مەيرامحانادان ءدام تاتىپ كەتىڭىز. ول توبەسى اشىق ۇڭگىردە ورنالاسقان. ينتەرەر ءداستۇرلى افريكالىق ستيلدە جاسالعان. شامداردان تۇسەتىن جارىق رومانتيكا مەن تاڭعاجايىپ اسەر بەرەدى.

 

The Sierra Mar Restaurant، كاليفورنيا، اقش

postranchinn

تاۋدان مۇحيتقا قاراپ كۇننىڭ باتۋىن باقىلاپ، تاماشا تاعامداردىڭ ءدامىن تاتقىڭىز كەلسە كاليفورنيالىق مەيرامحانا ءسىز ءۇشىن. ول سان-فرانسيسكوعا جاقىن تابيعي قورىقتا ورنالاسقان. ناعىز كاليفورنيالىق ارمان!

 

The River Cafe، نيۋ-يورك، اقش

therivercafe

بۇل كورىنىستى تانىستىرماسا دا بولادى، بۇل قالا ميلليونداعان ادامداردىڭ ارمانى. قىمباتتىلىعىنا قاراماستان كەلۋگە تۇرارلىق مەيرامحانالاردىڭ ءبىرى. قالانىڭ كورىنىسى ءومىر بويى ەسىڭىزدە قالادى.

 

The Samaya Villas Bali، بالي، يندونەزيا

chandrabalivill

بالي ارالى تاماشا جاعاجايلارىمەن جانە كورىنىستەرىمەن تانىمال. مۇحيت جاعاجايى كەشكى اس ىشۋگە ارنالعان ورىن سەكىلدى. بۇل مەيرامحانا اتتاس قوناق ۇيمەن شەكتەسىپ جاتىر. مەيرامحانا الەم تاعامدارىن ۇسىنادى.

 

Le Jules Verne، پاريج، فرانسيا

restaurant.michelin

124 مەتر بيىكتىكتە ەيفەل مۇناراسىندا ءپاريجدىڭ ەڭ تانىمال مەيرامحاناسى ورنالاسقان. تۇسكى اسىڭىزدى ءىشۋ بارسىندا قالانىڭ اسەم كەلبەتىمەن دە تانىسىپ ۇلگەرەسىز.

 

Skyline Restaurant، كۋينستاۋن، جاڭا زەلانديا

skyline

كۋينستاۋن قالاسى بيىكتىكتەن سەكىرۋ، ياعني رافتينگ اۋەسقويلارى مەن ەكسترەمالدىق ساۋىقتى جاقسى كورەتىندەردىڭ ورتالىعى.  قارنىڭىز اشسا دا الىسقا بارۋدىڭ قاجەتى جوق، سەكىرۋگە ارنالعان كوتەرگىشتىڭ جانىندا مەيرامحانا ورنالاسقان. ول جەردەن جەرگىلىكتى تابيعات كورىنىسىنىڭ پانوراماسى ايقارا اشىلادى.

 

Delaire Graff Restaurant، ستەللەنبوس، وار

lifestyle-capetown

تاعى دا ءبىر ەستەن كەتپەيتىن  گاسترونوميالىق ساياحاتتى  وار-دا وتكىزە الاسىز. مەيرامحانادان سيمونسبەرگ تاۋىن جانە ەستەيت ءجۇزىم القابىن تاماشالاي الاسىز. بۇل جەردەن افريكانىڭ ەكزوتيكالىق تاعامدارىنان ءدام تاتۋىڭىزعا بولادى.

 

Ngorongoro Crater Lodge، نگورونگورو، تانزانيا

safariarchitects

تانزانيانىڭ نگورونگورو كراتەرىنىڭ شەتىندە ورنالاسقان قوناق ءۇي مەن مەيرامحانا ءسىزدى تاڭ قالدىرماي قويماس. مەيرامحانادان افريكانىڭ عاجايىپ كورىنىستەرىن باقىلاۋىڭىزعا بولادى. ءدۇربىڭىز بولعان جاعدايدا قورىق ايماعىنداعى جانۋارلاردى دا كورە الاسىز.

 

The Signature Room at the 95th، چيكاگو، اقش

pinterest

كەشكى چيكاگونى بيىكتىكتەن باقىلاۋ وسىندا كەلگەن كەز كەلگەن ساياحاتشىنىڭ ارمانى. مەيرامحانا John Hancock Center مۇناراسىنىڭ 95 قاباتىندا ورنالاسقان. مەيرامحانادان قالا مەن ميچيگان كولىنىڭ كەرەمەت كورىنىسى الاقانداعىداي كورىنەدى. كۇن باتاتىن ۋاقىتتا كەلسەڭىز، تۇڭگى چيكاگو ءسىزدى ءوز اسەمدىگىمەن تولىق باۋراپ الادى.

---