InfoHub Logo

«فوربس» جۋرنالى دەنساۋلىق ايدارىمەن جاريالاناتىن بەتتەرىندە دجونني بوۋدەننىڭ كىتابىنان الىنعان الەمدەگى ەڭ پايدالى ازىقتاردى جاريالادى.

پياز-سارىمساق: اسقازان، پروستات، وڭەش قاتەرلى ىسىگىنە (راك) قارسى قورعايدى. جۇرەك اۋرۋى ءقاۋپىن 20%-عا ازايتادى.

فاسول: سالماقتى رەتتەپ، قان قۇرامىنداعى شەكەردى قالىپقا كەلتىرەدى. ىشەك قاتەرلى ىسىگى جانە جۇرەك اۋرۋلارىنان قورعايدى.

بالىق: قارتايۋعا قارسى ەڭ جاقسى ازىق. ارقان بالىعى (لوسوس)، ساردينا، سكرۋمبيا بالىقتارىنىڭ قۇرامىنداعى ومەگا-3 ميدى جانە جۇرەكتى قورعايدى. Cءىڭىر ءتىزىمىن رەتتەپ، قان قۇرامىنداعى شەكەردى قالىپقا كەلتىرەدى.

ءسۇت: ۆيتامين، مينەرال جانە پايدالى باكتەريالارعا وتە باي. قاتەرلى ىسىككە قارسى كۇرەسەتىن CLA قىشقىلىن دا قامتيدى.

جاڭعاقتار: اپتادا 5 رەت جەۋ، ۇستامالى جۇرەك اۋرۋى جانە جۇرەك اۋرۋلارىنىڭ ءقاۋىپىن %30-50 اراسىندا ازايتادى. ءبىر كۇن ءۇشىن 25 گرامدىق، بادام (ميندال)، جاڭعاق، جەرجاڭعاق، ورمان جاڭعاعى جەتكىلىكتى.

قىزىل ەت: جايلاۋدا جايىلعان مالدىڭ ەتى، ياعني وڭدەۋدەن وتپەگەن قىزىل ەتتەر، ومەگا-3 ۆيتامينىنە باي بولىپ تابىلادى. قالىپتى مولشەردە قولدانىلعاندا قاتەرلى ىسىكتەن قورعايدى. اقۋىز (پروتەين) جانە B12 ءۆيتاميننىڭ قاينار كوزى.

جۇمىرتقا: ەڭ زيانسىز اس. اقۋىزعا باي ءبىراق كاللورياسى تومەن. ميدى قورعايدى جانە كوز ساۋلىعىن كۇشەيتەدى.

بروككولي: بارلىق قاتەرلى ىسىكتەردىڭ ءقاۋىپىن ازايتادى. مينەرال جانە ۆيتامين قورى وتە جوعارى. دەنەنى توكسيندەردەن تازالايدى. اسقاباق، قىرىققابات (كاپۋستا) قاتەرلى ىسىك ءقاۋىپىن ازايتادى.

الما: وكپەنىڭ قاتەرلى ىسىگى، استما جانە قانت ديابەتىنە قارسى پايدالى. قۇرامىندا سۇيەكتى قۋاتتاندىراتىن K ءۆيتامينى بار.

انار: انتيوكسيدانتتارعا باي. قان قىسىمىن رەتتەيدى، تامىرلاردى قورعايدى جانە ىسىكتەردىڭ ۇلكەيۋىنە توسقاۋىل بولادى.

كوك ءشاي: قۋىقتىڭ، ىشەكتەردىڭ، تىنىس جولى، ۇيقى بەزىنىڭ، تىك ىشەكتىڭ جانە اسقازاننىڭ قاتەرلى ىسىككە شالدىعۋ قاۋىپتەرىن ازايتادى. سالماق رەتتەلۋىن وڭايلاتادى.

قاراجيدەك (چەرنيكا): قاتەرلى ىسىكتەن قورعايدى، ەستە ساقتاۋ قابىلەتىن جاقسارتادى.