InfoHub Logo

بۇگىنگى تاڭدا قوناقۇيلەردىڭ ادام ومىرىندە الاتىن ورنى وتە ەرەكشە. الىس-جاقىن شەت ەلدەرگە ىس-ساپارمەن شىعا قالساڭىز نەمەسە شىتىرمان وقيعالاردى ىزدەۋ ماقساتىندا ەل كەزەتىن بولساڭىز، ءقوناقۇيدىڭ كومەگىنسىز تىعىرىقتان شىعۋ مۇمكىن ەمەس. اسىرەسە، قوناقۇيلەر - تۋريستەر قاۋىمىنىڭ ەكىنشى ۇيىنە اينالىپ كەتتى دەسەك تە بولادى.

ەندەشە، بۇگىنگى تاقىرىبىمىز قوناقۇيلەرگە ارنالادى. Bilim-all.kz  الەمنىڭ ەڭ ەرەكشە 20 ءقوناقۇيىن ىرىكتەدى.

 

Attap’Reves

فرانسيا، جوعارى پروۆانس ءالپىسى

^{© Attrapreves/Facebook}

بۇل ءقوناقۇيدىڭ قوناقتارى كۇندىز ۋلتراكۇلگىن جارىق ساۋلەسىن وتكىزبەيتىن، ال تۇندە جاندىكتەر مەن ىلعالدان قورعايتىن ءمولدىر سەرپىمدى ماتەريالدان جاسالعان شاردا ومىردەن ءلاززات الادى. شوپتەن توسەلگەن ەدەن جانە تەلەسكوپ – جايلىلىققا جاعىمدى تولىقتىرۋ بولماق. ىشكى بولمەلەرگە ءسيليندرلى ءدالىز ارقىلى وتەدى.

ءومىر ءسۇرۋ قۇنى – 139 € باستاپ.

 

The Manta Resort

تانزانيا، پەمبا ارالى

^{© themantaresort}

سۋاستى بولمەلەرى بار قالقىمالى ءۇيى بولماعاندا، بۇل تەڭىز جاعاسىنداعى قاراپايىم كۋرورتتىق ءقوناقۇي بولار ەدى. Underwater Room جاعالاۋدان 250 م قاشىقتىقتا ورنالاسقان. ەكزوتيكالىق كونسترۋكسيالى پالۋبادا كۇندىز قولعا كوكتەيل الىپ كۇنگە قىزدىرىنىپ جاتۋعا، تۇندە جۇلدىزداردى تاماشالاۋعا بولادى. جاتىن بولمەنىڭ ۇلكەن تەرەزەلەرىنەن ريفتىك بالىقتار، مەدۋزا مەن كالمارلاردى باقىلاۋعا بولادى.

Underwater Room-دە ءومىر ءسۇرۋ – كۇندىگى 1000 € -دى قۇراسا، ءقوناقۇيدىڭ وزگە نومەرلەرى – 405 € -دان باستالادى.

 

Poseidon Undersea Resort

فيدجي

 ^{© PoseidonResorts/Facebook}

بۇل تاڭعاجايىپ ءقوناقۇيدىڭ 74 نومەرى بار، 25ء-ى سۋاستى 15 م تەرەڭدىكتە ورنالاسقان، ال قالعاندارى سۋ بەتىندە ورنالاسقان. سۋاستى نومەرلەرى ءدالىز سەكىلدى ءبىر-بىرىن جالعاعان 50 مەترلىك كاپسۋلا تۇرىندە جاسالعان. دەمالۋشىلار ءوز نومەرلەرىنەن تەڭىز جاراتىلىستارىنىڭ ءومىرىن باقىلاي الادى، ول ءۇشىن سۋاستى تۇرعىندارىن قىزىقتىراتىن ارنايى جارىقتى قوسۋ جەتكىلىكتى بولماق.

قوناقۇيدە ءبىر ساياحاتشىنىڭ 7 كۇن (6 ءتۇن) كولەمىندە تۇرۋ قۇنى 15 000$ نەمەسە 30 000$ قۇرايدى.

 

Arctic TreeHouse Hotel

روۆانيەمي، فيندىك لاپلانديا

^{© Arctic TreeHouse Hotel}

ءساندى ساۋلەتتى ۇلكەن بولمەلەرى بار اركتيكالىق ءقوناقۇي ورماننىڭ اراسىندا جانە سولتۇستىك شۇعىلانى تاماشالاۋعا ارنالعان تاماشا ورىندا ورنالاسقان.

ءومىر ءسۇرۋ قۇنى – 2 كۇنگە 850 €-دان.

 

Jumbo Stay

شۆەسيا، ستوكگولم

^{© wikipedia   © jumbostay}

بوينگ 747-212B (Jumbo Jet)،  2002 جىلى شىعىنعا ۇشىراعان شۆەدتىك كومپانياعا تيەسىلى ەدى، 2008 جىلى حوستەلگە اينالدىرىلىپ، ارلانداداعى ستوكگولمدىك اۋەجايدىڭ شىعا بەرىسىنە ورنالاستىرىلعان. وندا 29 جابدىقتالعان بولمە بار. ەڭ قىمبات، ءارى كەڭ نومەرى ۇشقىشتار كابيناسىندا ورنالاسقان. ۇشقىشتار كابيناسىنان اۋەجايدىڭ كورىنىسىن، ال جاي نومەرلەردەن – ۇشىپ-قونۋ جولاعىن تاماشالاۋعا بولادى.

ورنالاسۋ قۇنى – كۇندىگىنە 136 €  جۋىق.

 

Skylodge Adventure Suites

پەرۋ، ۋرۋبامبا

^{© Luna sin estrellas/Flickr   © Freeda/Facebook   © Bettina Mensch/Facebook} 

بۇل ەرەكشە ءقوناقۇي پەرۋدەگى قاسيەتتى كۋسكو القابىندا 120 م بيىكتىكتە ورنالاسقان 3 ءمولدىر كاپسۋلانى قامتيدى. ءقوناقۇي كونسترۋكسياسىنىڭ ديزاينى، تومەنگە قۇلديلاعان اڭعاردىڭ كورىنىسىمەن سۇيسىنۋگە مۇمكىندىك بەرەدى. قىزىقتى ەرەكشەلىگى – تاۋدىڭ قيىن سوقپاق جولدارىمەن ءوتىپ نەمەسە ورمەلەپ كاپسۋلاعا جەتۋ قاجەتتىلىگىمەن بايلانىستى بولماق.

ءومىر ءسۇرۋ قۇنى شامامەن ءبىر ادامعا كۇندىك ەسەپپەن 270 € (كاپسۋلا-نومەرلەر سيىمدىلىعى – 8 ادامعا دەيىن).

 

Sheraton Huzhou Hot Spring Resort

جۇڭگو، حۋچجوۋ

^{© Sheraton}

ەرەكشە ۇلگىدەگى ءساندى ءقوناقۇيدىڭ 27 قاباتى سۋدان جوعارى جانە 2 قاباتى سۋدان تومەن ورنالاسقان. الەمدەگى ەڭ قىمبات قوناقۇيلەر ءتىزىمىنىڭ 10-دىعىنا كىرەدى.

2 ورىندى نومەردەگى تۇرۋ قۇنى – كۇندىگىنە 200 € -دان.

 

Inntel Amsterdam Zaandam

نيدەرلاندى، امستەردام

^{© Inntel Hotels   © Inntel Hotels/Facebook}

بۇل ءقوناقۇيدىڭ قاسبەتى – امستەردامدىقتارعا ۇيرەنشىكتى سانالاتىن كوتتەدجدەردەن باستاپ قالالىق سىرتقى جۇمىس ۇيلەرىنە دەيىن قامتىلعان 70-كە جۋىق كۇردەلى ۇيدەن تۇرادى. نومىرلەرگە جەرگىلىكتى تاريحتىڭ رۋحى سىڭگەن.

2 ورىندى نومەردەگى تۇرۋ قۇنى – كۇندىگىنە 130 €-دان.

 

Free Spirit Spheres

كانادا، ۆانكۋۆەر ارالى

^{© freespiritspheres}

بۇل ءقوناقۇيدىڭ نومىرلەرى شار تۇرىندە جاسالىپ اعاشقا ىلىنگەن، سوندىقتان جەل تولقىنىمەن ازداپ تەربەلەتىن نومىردە ۇيىقتاي الاسىز.

ورنالاسۋ قۇنى – كۇندىگىنە 155 €  باستاپ.

 

The Boot Bed’n’Breakfast

جاڭا زەلانديا، تاسمان

^{© The Boot/Facebook}

The Boot Bed N’ Breakfast الىپ باتىڭكە ۇلگىسىندەگە جاسالعان قوس قاباتتى كوتتەدج جاڭا زەلانديانىڭ تاسمان اۋدانىنىڭ ەڭ ادەمى ورتالىعىندا ورنالاسقان. ءۇي 2 ادامعا ەسەپتەلگەن جانە رومانتيكالىق دەمالىس ءۇشىن تاماشا ورىن بولىپ تابىلادى.

ءومىر ءسۇرۋ قۇنى – شامامەن كۇندىگىنە قوس ادامعا 250 € بولادى.

 

Giraffe Manor

كەنيا، نايروبي

نايروبيدەگى تاڭعاجايىپ باقشاسى مەن كۇن تەرراساسى بار ەڭ اتاقتى عيماراتتاردىڭ ءبىرى. ەرەكشە ءقوناقۇيدىڭ باستى قىزىعى – ەسىكتەر مەن تەرەزەلەرىنەن قورەككە ۇمىتتەنىپ باس سۇققان روتشيلد كەرىكتەرىنىڭ اراسىندا كۇنىڭىزدى وتكىزۋ مۇمكىندىگى.

ءومىر ءسۇرۋ قۇنى – كۇندىگىنە ادام باسىنا 490  €  باستاپ.

 

ION Luxury Adventure Hotel

يسلانديا، نەسياۆەللير

يۋنەسكو-نىڭ قورعاۋىندا بولعان تينگۆەدلير ۇلتتىق ساياباعىنان 18 كم قاشىقتىقتاعى حەينگيدل جانارتاۋىنىڭ قۇزىندا ورنالاسقان ءقوناقۇي. جاقىن ماڭايداعى گەوتەرمالدى ىستىق بۇلاقتار نومەردى ىستىق سۋمەن قامتيدى.

ءومىر ءسۇرۋ قۇنى – 2 ورىندى نومەردىڭ كۇندىگىنە 496  €  باستاپ.

 

Giant Wine Barrel Room

گەرمانيا، زاسباحۆالدەن

گەرمانياداعى بۇل ەكو-قوناقۇي الىپ شاراپ بوشكەسى تۇرىندە ءجۇزىم القابىنا قاراتا جاسالعان نومەرلەرىمەن ەرەكشەلەنەدى. ءقوناقۇي تاماشا تاۋ شاتقالىنىڭ باۋرايىندا، اعاش وڭدەۋ مەن ءجۇزىم شارابىن شىعارۋمەن اتى شىققان ورماندى اۋىل ماڭايىندا ورنالاسقان.

ءومىر ءسۇرۋ قۇنى – 2 ەرەسەككە 156 € -دان.
 

Treehouse Lodge

پەرۋ، يكيتوس

امازوندىق نۋ توعايدا، ءان سالعان قۇستار مەن جاڭبىر دىبىستارىنا بولەنە ۇيىقتاۋ — ناعىز ارمان. ناقتى ايتقاندا قوناقتار اعاشتىڭ باسىندا ءومىر سۇرەدى — بارلىق بۋنگالولار اعاشتىڭ ۇشار باسىندا ورنالاسقان. ۇيشىكتەردىڭ سىرتقى ءپىشىنى قۇس ۇياسىن ەسكە سالادى. مۇنداي ەرەكشە ورنالاسىم قواقتارعا پەرۋاندىق جابايى تابيعاتىمەن تولىقتاي ءسىڭىسىپ كەتۋگە مۇمكىندىك بەرەدى.

ورنالاسۋ قۇنى – 2 كۇنگە قوس ادامعا 1238 € باستاپ.

 

Icehotel

شۆەسيا، يۋككاسيارۆي

Icehotel — شۆەسيانىڭ ناعىز مۇز مارجانى. ونىڭ قايتالانباس ينتەرەرى مەن ارحيتەكتۋرالىق ءانسامبلىن جىلسايىن ءوز يدەيالارىن جۇزەگە اسىرعىسى كەلەتىن الەمنىڭ تۇپكىر-تۇپكىرىنەن كەلگەن تالانتتى سۋرەتشىلەر جاسايدى. ءقوناقۇيدىڭ مۇز نومەرلەرىن ارلەۋگە سۆەتوديودتى شامدار، جانۋارلار تەرىسى، سۋرەتتەر مەن مۇز مۇسىندەر پايدالانادى. قوناقۇيدە ايالداعىسى كەلەتىن ساياحاتشىلارعا، مۇز بولمەلەردە قالاي تۇرۋ قاجەتتىگى جونىندەگى نۇسقاۋلىق وتكىزىلەدى.

ءومىر ءسۇرۋ قۇنى – شامامەن ەكى ادامعا 578 €. بۇل سۋىق بولمەلەردە ءبىر كۇننەن ارتىق تۇرۋعا كەڭەس بەرىلمەيدى.

 

Treehotel

شۆەسيا، حارادس

Treehotel تۇرعىلىقتى كەلۋشى قوناقتارىنا ءدال اعاشتاردا ورنالاسقان ەرەكشە نومەرلەر ۇسىنادى. كەلىشۋلەرگە ەكولوگيالىق ستيلدەگى ديزاينەرلىك نومەرلەردەن: پانورامالىق تەرەزەلى كاپسۋلا، ۇلكەن قۇس ۇياسى، اينا اينەكتى كۋب نەمەسە اۋادا تۇرىپ قالعان كەيىپتەگى ۇشاتىن تارەلكەنى تاڭداي الاسىز.

ءومىر ءسۇرۋ قۇنى – قوس ادامعا  503 € -دان.
 

LeapRus ەكو-قوناقۇيى

رەسەي، كاباردينو-بالكاريا

الەمدەگى ەڭ بيىك تاۋلى ايماق ورنالاسقان قوناقۇيلەردىڭ ءبىرى – تەڭىز دەڭگەيىنەن 3912 م جوعارىدا ورنالاسقان. ەندى ەلبرۋسقا بارۋ ءبىر ۋاقىتتا قاتەرلى ءارى جايلى بولۋى مۇمكىن: بولمەدە ىستىق سۋ، جىلى ەدەندەر، قۋاتتى Wi-Fi بار، ال تاماعى— تولىققاندى 3 تاعامنان تۇرادى(تاماق جاساۋ قيىن بولعانىنا قاراماستان، سەبەبى سۋ 80⁰ س -تا قاينايدى، سوندىقتان بىرنەشە ساعات بويى قايناتۋعا تۋرا كەلەدى). ءقوناقۇي عارىشتىق كاپسۋلانى ەسكە سالاتىن بىرنەشە بلوكتاردان تۇرادى. قوناقۇيگە ارقانجولمەن جەتۋگە بولادى( 3800 م  دەيىن)، ال ارى قاراي – تۋرا ءقوناقۇي ەسىگىنە دەيىن قار كەشكىش كولىكپەن بارۋعا بولادى.

تۇرۋ جانە تاماقتانۋ – ءار ادامعا كۇندىگىنە 130 دوللار، پانورامالىق تەرەزەسى بار ورىن – كۇندىگىنە 150  دوللار.
 

«يگلۋ، گورنايا تەرريتوريا» ءقوناقۇيى

رەسەي، ناچيكي اۋىلى

تۇرعىلىتى كولوريتتەگى ەكزوتيكالىق ءقوناقۇي كومپلەكسى تولىقتاي قاردان جاسالعان يگلۋلاردان تۇرادى (يگلۋ – ەسكيموستار ءۇيى). ۇلكەن كولەمدەگى يگلۋلار حولل، مۇزدى كامين جانە بارمەن جابدىقتالعان. تۇرۋعا ارنالعان يگلۋلار ەكى نەمەسە سەگىز قوناققا ەسەپتەلگەن. قارلى توسەكتەر ەڭ جىلۋ سۇيگىش بالالقايلاردىڭ وزىنە دە جىپ-جىلى بولاتىنداي ەتىپ جاسالعان.

ءومىر ءسۇرۋ قۇنى – كۇندىگىنە 2000-نان 9000 ر دەيىن.

 

Montana Magica Lodge

چيلي، نەلتۋمە

بۇل تاۋلى ۇيشىك ۋيلو-ۋيلو قورىعىندا ورنالاسقان. سىرتتاي ءقوناقۇي جانارتاۋ سەكىلدى كورىنەدى، ەگەر تەرەزە ويىعى بولماعاندا، بۇل كونسترۋكسيا سىرتتاي ورماندى پەيزاجدىڭ ءبىر بولىگى رەتىندە كورىنەر ەدى. سىرتقىندا ورتالىق دەڭگەيدە ىلىنگەن كوپىر – ىشكە كىرۋدىڭ جالعىز جولى.

ءومىر ءسۇرۋ قۇنى – شامامەن 2 كۇنگە 367 € .

 

Société Duvetnor

كانادا، كۆەبەك

1862 جىلى لاۆرەنتيا وزەنىنە قويىلعان شامشىراق 100 جىل وتكەن سوڭ قاراۋسىز قالدى، ال 1989 جىلى ءقوناقۇي ەسەبىندە قايتا جاڭعىردى. فەدەرالدىق ماڭىزى بار ارحيتەكتۋرالىق ەسكەرتكىشتە وتكەن عاسىرعا بەيىمدەلىپ بەزەندىرىلىپ جاسالعان 3 -اق 2 ورىندىق ءنومىر مەن ءبىر ورتاق قوناق بولمەسى بار.

ورنالاسۋ قۇنى – ءبىر ادامعا 175 $ باستاپ.

---