InfoHub Logo

بارلىق كىشكەنتاي سابيلەردىڭ ىستەگەن ءىس ارەكەتى ۇلكەيگەن ادامداردىڭ جۇزىنە كۇلكى،قۋانىش اكەلەدى. ولار ويناي باستاعان ساتتە قالاي شارشاپ كەلكەنىڭدى دە ۇمىتىپ قالادى ەكەنسىڭ. ءار ءبىر سىڭعىرلاعان بىلدىرلاعىن سويلەگەن ءۇنى دە ءوزىڭدى ەرىكتىرىپ اكەتەدى. قازاق حالقى بالا ءتىلى بال دەپ بوسقا ايتپاسا كەرەك.كىشكەنتاي سابيلەر شاڭىراققا ولجا بولىپ كەلگەن باقىت سەكىلدى. ءبىر شاڭىراقتا ءبىر ەمەس،ەكى ەمەس ون بالا كەلسەدە اتا انا قۋانىشى سوزبەن جەتكىزەرلىكتەي وڭاي ەمەس.بالانىڭ ءتىلى بال بولاتىنى راس ەكەن اۋ. بالانىڭ جاسى جەتىپ،ءتىلى شىققانداعى ەڭ العاش ايتاتىن ءسوزىنىڭ ءبىرى «ماما» بولادى. سويلەگەن ءبىر سوزىنە انا جۇرەگىدە قۋانىپ قالادى. ونى  قىزىق كورگەن تۋمالاستارى ءوز ەسىمدەرىن قايتالاپ  ايتقىزا بەرەدى. يا وسىدان شىعار بالانىڭ ءتىلى بال بولاتىنى.

مەن دۇنيەگە كەلەردە انام مەنى توعىز اي قۇرساعىندا كوتەرگەن بولاتىن. كىشكەنتاي ءسابي ءۇشىن انادا اكەدە الاڭداۋمەن بولادى. ءبىر كۇنى كىشكەنتاي تەنتەك جارىققا شىققىسى كەلىپ،اناسىن ابدەن اۋرەگە سالادى. جاڭالىقتى ەستىگەن اكە تۇڭعىشىن كورۋگە اسىق بولادى. نە دەگەنمەن قۋانىشپەن قوسا قورقىنىشتا بىرگە جۇرەدى ەمەس پە؟ بالا مەن انانىڭ دەنساۋلىعىن ويلاپ بىرنەشە ساعاتتار بويى دارىگەردىڭ جاۋابىن كۇتۋمەن بولعان اكەنىڭ باسىنا كەلىپ كەتپەگەن ساۋالدارى وتە كوپ بولدى.

دارىگەر ەسىكتى اشا سالىسىمەن قۋانىشتى حاباردى دەرەۋ بالانىڭ زاڭدى تۇلعاسى تۋعان اكەسىنە ايتۋدى ءجون سانادى.ءسويتىپ مەنى وتباسىمنىڭ جانىنا اپاردى.مەنى كورگەن اتا انامدا تۋمالاستارىمدا ءماز بولعان بولاتىن.ال مەن باسقا بالالار سەكىلدى جىلاۋىق بولمادىم.انام مەن اكەمە قولىمنان كەلگەنشە كومەگىمدى ايامادىم.ءبىر قىزىعى مەن تۇساۋىمدى كەسكەن كەزدە عانا جەر باسىپ جۇرگەنمىن.تۇساۋىمدى كەسپەيىنشە ءوز ەركىممەن جۇرمەگەن ەكەنمىن.ءوزىمنىڭ كىشكەنتاي كەزىمدى ايتا بەرسەم وتە كوپ قىزىقتى وقيعالار مەن ءىس ارەكەتتەرىمدى ايتىپ وتىرۋعا ءبىر ەمەس بىرنەشە كۇن كەرەك.

ءار ءبىر ءسابيدىڭ ءوزىنىڭ ءتاتتى ءتىلى مەن ءىس قيمىلدارى بار. ءسابيدى تەك انا عانا جاقىن تانيدى. ونىڭ وعاش قىلىقتارىنا دا كونەدى، ونى تاماقتاندىرىپ،كيىندىرەدى. بالا اناسىز ەشقاشان ءبىرىنشى قادام جاسامايدى.

---