
- 12 قاز. 2017 00:00
- 478
الەمنىڭ ەڭ ادەمى تۇرمەلەرى
تۇرمەلەردىڭ بارلىعى بىر-بىرىنە ۇقساي بەرمەيدى. ءتۇسسىز بەتون قوراپتار تۇرىندەگى جانە قاپتاعان قارۋلى كۇزەتى بار تۇرمەلەردىڭ ورنىنا دامىعان ەلدەردىڭ پەتيسەنسيارلى جۇيەسى كەلۋدە. ولاردا جازالارىن وتەۋشىلەردى جازالاۋ ەمەس، قايتا تاربيەلەۋ ءبىرىنشى كەزەكتە تۇرادى. كەلەسى توپتامادان كادىمگى تۇرمەگە قاراعاندا، شيپاجايعا ۇقسايتىن تۇرمەلەردى كورۋگە بولادى.
Sbertoli ۆيللاسى
يتاليا
تۇرمە مەن پسيحياتريالىق ەمحانا بولىپ تابىلاتىن Villa Sbertoli XVIII عاسىردا سالىنعان عيماراتتا ورنالاسقان. ونىڭ قابىرعالارىنداعى فرەسكالار تاڭعاجايىپ ونەر تۋىندىلارى ىسپەتتەس.
شيلون زاموگى
شۆەيساريا
بۇگىنگى كۇنى مۇراجايعا اينالعان شيلون زاموگى دا ءبىر كەزدەرى تۇرمە بولعان ەكەن. بۇل جەردە كورولدەر وزدەرىنىڭ ماڭىزدى تۇتقىندارىن ۇستاعان كورىنەدى.
Halden
نورۆەگيا
بۇل تۇرمەدە قاماۋعا الىنعاندار تۇرمە اۋماعىندا ەمىن-ەركىن جۇرۋمەن عانا شەكتەلمەي، بەينەويىندار ويناپ، ورتوپەديالىق ماتراستاردا ۇيىقتايدى ەكەن. ولار ءتىپتى تۇرمە اۋماعىندا اقشا تابۋ مۇمكىندىگىنە دە يە بولادى. مۇنداعى باستى يدەيا ولاردىڭ بوستاندىققا شىققاننان كەيىن قوعامعا ءسىڭىسىپ كەتۋلەرىنە مۇمكىندىك جاساۋ بولىپ تابىلادى.
ادىلەت ورتالىعى
اۆستريا
ايگىلى دجوزەف حوۋشەنن ەسىمدى ساۋلەتشىنىڭ تۋىندىسى بولىپ تابىلاتىن بۇل تۇرمە قاماۋداعىلارعا بوستاندىقتا جۇرگەندەرىن سەزىندىرۋ يدەياسىمەن سالىنعان ەكەن. ۇلكەن تەرەزەلەر مەن ءبىرشاما كەڭىستىككە يە بۇل تۇرمەنى كوپشىلىك قاۋىم شيپاجايعا ۇقساتاتىن كورىنەدى.
Scenic Bastøy Prison
بۇل تۇرمە وسى توپتاماداعى ەڭ تاڭعاجايىپ تۇرمە بولىپ سانالادى، سەبەبى ول جەكە-مەنشىك ارالدا ورنالاسۋىمەن شەكتەلمەي، قاماۋداعىلارعا بوس ۋاقىتتارىن قالاعاندارىنداي وتكىزە الاتىنداي مۇمكىندىك بەرەدى. اتاپ ايتساق، ولار بالىق اۋلاۋمەن، جەر وڭدەۋمەن اينالىسىپ، تەننيس ويناۋ جانە اتپەن ساياحاتتاۋ مۇمكىندىگىنە يە بولادى.
گارستەن-اببي
اۆستريا
1851 جىلعا دەيىن موناستىر بولعان گارستەن-اببي عيماراتىن اۆستريالىقتار تۇرمە رەتىندە قولدانا باستاعان. باروككو ستيلىندە سالىنعان گارستەن-اببي الەمنىڭ ەڭ ادەمى تۇرمەلەرىنىڭ ءبىرى رەتىندە تانىمال.
پاتشا تۇرمەسى
انگليا
اۋىر ەسىكتەرىن ساناماعاندا، مەملەكەتتىك مەكتەپكە ۇقسايتىن بۇل تۇرمەدە سىنىپتار، سپورت زالى، بيليارد ۇستەلى مەن ۇستەل تەننيسى بار ەكەن.
فريمانت تۇرمەسى
اۆستراليا
باتىس اۆستراليادا ورنالاسقان بۇل تۇرمە وسىمەن 136 جىل بويى جۇمىس ىستەپ كەلەدى. مۇمكىن وسى سەبەپتى بولار، اتالعان تۇرمە يۋنەسكو الەمدىك مۇراسىنىڭ تىزىمىنە دە ەنگەن ەكەن.
مەملەكەتتىك تۇرمە
دانيا
شىعىس يۋتلانديانىڭ مەملەكەتتىك تۇرمەسى وسىدان شامامەن 10 جىل بۇرىن اشىلعان ەكەن. سىرتىنان قاراعاندا قاراپايىم ديزاينعا يە بۇل عيمارات جوعارى قورعانىس دەڭگەيىمەن، سونىڭ ىشىندە ينفراقىزىل كامەرالارمەن، قوزعالىس قۇرىلعىلارىمەن جانە ساۋساق ءىزتاڭبالارىنىڭ سكانەرىمەن جابدىقتالعان.
ادىلەت پاۆيلونى
نيدەرلاندى
نيدەرلاندىدا ورنالاسقان جاستار ورتالىعى بوستاندىقتى مۇلدەم شەكتەمەيدى ەكەن. مۇنداعى قاماۋداعىلار تابيعات اياسىندا سەرۋەندەۋ مۇمكىندىگىنە يە. ەڭ عاجابى – بۇل جەردەن ءالى ەشكىم قاشۋعا بەل بۋماعان.