قازاقستاندا مۇعالىمدەردىڭ اپتالىق جۇكتەمەسى تالقىلاندى
قازاقستاننىڭ اتا-انالار قاۋىمداستىعى، مۇعالىمدەر جانە مەكتەپ ديرەكتورلارى مۇعالىمدەردىڭ اپتالىق جۇكتەمەسىن ازايتۋ ماسەلەلەرىن تالقىلادى، دەپ ق ر بعم باسپا ءسوز قىزمەتى حابارلايدى.
«ءبىلىم سالاسى ماسەلەلەرى مەن وندا بولىپ جاتقان وزگەرىستەردى مينيسترلىكتىڭ جۇيەلى تۇردە تالقىلاي باستاعانى ءبىزدى قۋانتادى. ءبىزدىڭ ۇسىنىستارىمىز الدەقاشان پىسىپ-جەتىلگەن ماسەلەلەر، - دەپ مالىمدەدى قاۋىمداستىق وكىلى سوفيا ەۆدوكيموۆا. - ماسەلەن، بۇگىندە وقۋشىلارعا تۇسەتىن جۇكتەمە وتە ۇلكەن. وسى ورايدا، ەڭ الدىمەن قازاقستانداعى 300 مىڭ ءمۇعالىمنىڭ جۇكتەمەسىن ازايتۋ قاجەت دەپ ەسەپتەيمىز. قازىرگى ۋاقىتتا ولاردىڭ جۇكتەمەسى اپتاسىنا 18 ساعاتتى قۇرايدى، ونى كەم دەگەندە 2 ساعاتقا ازايتۋ قاجەت. سىنىپتاردا وقۋشىلاردىڭ كوپ بولۋىنا بايلانىستى، پەداگوگتاردىڭ تاربيەلىك جۇمىس جۇرگىزۋگە ۋاقىتتارى جەتپەيدى. مينيسترلىكتى جۇرتشىلىقپەن، مۇعالىمدەر كاسىپوداعىمەن جانە دەپۋتاتتاردىڭ قاتىسۋىمەن باسقا دا ماسەلەلەردى تالقىلاۋدى جالعاستىرۋعا شاقىرامىز».
استاناداعى №77 مەكتەپ ديرەكتورىنىڭ ورىنباسارى ايمان سۇبەبايەۆانىڭ ايتۋىنشا، ءمۇعالىم جۇكتەمەسىن 2 ساعاتقا ازايتۋدىڭ جانە ونىڭ جالاقىسىن ساقتاپ قالۋدىڭ بىردەن-بىر جولى - جوعارى سىنىپ وقۋشىلارىنىڭ اپتالىق جۇكتەمەسىن 39 ساعاتتان 35 ساعاتقا دەيىن، نەگىزگى جانە باستاۋىش مەكتەپ وقۋشىلارىنىڭ وقۋ ساعاتتارىن دا وسىعان پروپورسيونالدى تۇردە قىسقارتۋ. ولاي بولماعان جاعدايدا وبلىستار مەن قالا مەكتەپتەرىندە كوپتەگەن جاڭا وقۋ ورىندارى اشىلۋى ءتيىس، وعان قاراجات تا، مۇمكىندىك تە ازىرگە از.
«بۇل يدەيا جوعارى سىنىپ باعدارلامالارىن 5 كۇندىك وقۋ اپتاسىنا كۇنىنە 7 ساباقتان اسىرماي سىيعىزۋدى تالقىلاۋ اياسىندا دا قاراستىرىلدى. ونى جۇزەگە اسىرۋعا بولادى، تەك تيپتىك وقۋ جوسپارلارىن عانا اۋىستىرۋ قاجەت»، - دەدى ق ر بعم مەكتەپكە دەيىنگى جانە ورتا ءبىلىم دەپارتامەنتى ديرەكتورىنىڭ ورىنباسارى اينۇر ماۋسىمبايەۆا.
اتا-انالار مەن پەداگوگتاردىڭ ءوزارا ارەكەتتەستىگىن نىعايتۋ شارالارىن ۇسىنعان سوفيا ەۆدوكيموۆا قاۋىمداستىقتىڭ بيىلعى كوكتەمدە ءار مەكتەپتىڭ ءار سىنىبىندا جۇرگىزىلىپ جاتقان اتا-انالار چاتتارى ارقىلى ەڭ وزەكتى ماسەلەلەر تۋرالى اقپارات تاراتۋ باستاماسىن جاريالادى.
«جاز بويى اتا-انالارعا بالا جادىنىڭ قالاي جۇمىس ىستەيتىندىگى، كريتەريالدى باعالاۋ، شەت تىلدەرىن وقۋدىڭ پايداسى، سىني كوزقاراس داعدىلارىن دامىتۋ جانە وزگە دە تاقىرىپتار بويىنشا وننان استام فيلم تاراتىلدى. سونىمەن بىرگە، اتا-انالارعا 15 ءتۇسىندىرۋ حاتتارى مەن سۇحبات جىبەرىلدى. ءقازىر ساباق كەستەلەرىنىڭ ءتيىمدى ۇلگىلەرى، قامقورلىق كەڭەستەرىنىڭ جۇمىسى، سپورتشى وقۋشىلاردى دەنە شىنىقتىرۋ ساباقتارىنان بوساتۋ جانە ت.ب. تاقىرىپتارداعى 30-دان استام شاعىن فيلم ازىرلەنىپ جاتىر. مۇنداي اقپارات توپتاماسىن تەك اتا-انالارعا باعىتتاپ وتىرمىز. ولاردىڭ بارىنشا پايدالى، سەنىمدى ءارى قىزىقتى اقپارات الۋى ءبىز ءۇشىن ماڭىزدى»، - دەپ ءوز ءسوزىن تۇيىندەدى س.ەۆدوكيموۆا.
You Might Also Like
-
تۇرمەلەردىڭ بارلىعى بىر-بىرىنە ۇقساي بەرمەيدى. ءتۇسسىز بەتون قوراپتار تۇرىندەگى جانە قاپتاعان قارۋلى كۇزەتى بار تۇرمەلەردىڭ ورنىنا دامىعان ەلدەردىڭ پەتيسەنسيارلى جۇيەسى كەلۋدە. ولاردا جازالارىن وتەۋ...
-
ءسابيت دونەنتايەۆ (1894—1933) سەمەي وبلىسىنىڭ پاۆلودار ۋەزiنiڭ اقسۋ بولىسىندا تۋعان. اكەسى دونەنتاي كەدەي ەدى. رۋى ارعىن ىشىندە باسەنتيىن. قاسىمقاجى ەرتىسبايەۆتىڭ مەدرەسەسىن بىتىرگەن سوڭ ولەڭ جا...
