InfoHub Logo

ونلاين-ساۋدا — الەمدىك ەكونوميكاداعى جاڭا ترەند. ستاتيستيكالىق مالىمەتتەرگە سۇيەنسەك، 2017 جىلى الەمدىك ونلاين ساتىلىمدار 2،3 ترلن دوللاردى قۇرادى. ال، 2020 جىلى 3،2 ترلن دوللاردى كورسەتەدى دەپ كۇتىلۋدە.

ەلەكتروندى كوممەرسيا سالاسى بويىنشا دامىعان 10 ءىرى مەملەكەت تىزىمىنە: جۇڭگو، اقش، ۇلىبريتانيا، جاپونيا، گەرمانيا، فرانسيا، وڭتۇستىك كورەيا، كانادا، رەسەي، برازيليا ەنەدى.

اتالعان الپاۋىت مەملەكەتتەردە جاھاندىق دەڭگەيدەگى ۇلكەن ينتەرنەت-دۇكەندەر ورنالاسقان. بۇلار ءوز كەزەگىندە ە-سommerce دامۋىنا ايتارلىقتاي ۇلەس قوسىپ جاتىر. ماسەلەن، قىتايلىق كومپانيا AliExpress، اقش مەملەكەتىنە تيەسىلى Zappos، Ebay، Amazon مەن Itunes جانە ت.ب.

AliExpress

AliExpress ونلاين-ساۋدا نارىعىنداعى ەڭ ماڭىزدى ويىنشىلاردىڭ ءبىرىبولىپ سانالادى. ايتا كەتۋ كەرەك، AliExpress كومپانياسى الەمدىك دەڭگەيدەگى ونلاين-دۇكەن رەتىندە بارشامىزعا بەلگىلى. ول باستاپقىدا جۇڭگو ەلىنىڭ ونىمدەرىن الەمدىك اينالىمعا شىعارۋ ءۇشىن قۇرىلعان بولاتىن. دەسە دە، قازىرگى تاڭدا بۇل قاۋىمداستىقتىڭ قىزمەتىن تۇتىنۋشىلار سانى جىلدان جىلعا ارتۋدا. الەم ەلدەرىنىڭ 200 اسا مەملەكەتى وسى كومپانيانىڭ قىزمەتىن تۇتىنادى. ءتىپتى، افريكا ەلدەرىندەگى ەڭ كەدەي مەملەكەت سانالاتىن زيمبابۆە دە AliExpressء-تى پايدالانادى ەكەن. ويتكەنى، مۇنداعى تاۋار باعاسى ارزان، جەتكىزۋ ۋا قىزى دا تەز جانە ساپالى تاۋار تۇرلەرىن ۇسىنادى.

Zappos.com

Zappos.com – اياق كيىمدەردى ينتەرنەت ارقىلى ساتاتىن ەڭ ءىرى كومپانيالاردىڭ ءبىرى. ونىڭ جالپى اينالىمى شامامەن 1 ملرد دوللاردى قۇرايدى. 1990 جىلداردىڭ سوڭىندا قۇرىلعان بولاتىن. نەگىزىن سالعان امەريكالىق تۇرعىن نيك سۋينمۋر. كوپتەگەن ينتەرنەت-دۇكەندەر تۇتىنۋشىلاردى تارتۋ ءۇشىن باعالارىن ءتۇسىرىپ جاتادى. ال، Zappos بولسا سەنىم مەن ساپالى قىزمەتتى ەڭ الدىڭعى ورىنعا قويادى. ناتيجە دە جوق ەمەس، ونىڭ تۇتىنۋشىلارىنىڭ 40 پايىزى ودان قايتادان تاۋار ساتىپ الادى ەكەن. دەگەنمەن، Amazon كومپانياسى ونى 2009 جىلى 800 ملن دوللارعا ساتىپ العان بولاتىن.

Ebay.com

Ebay.com – الەمدەگى ۇلكەنينتەرنەت-دۇكەندەردىڭ ءبىرى. ينتەرنەت-اۋكسيونى رەتىندە دە تانىمالدىلىققا يە. ول 1995 جىلدىڭ 4 قىركۇيەگىندە قۇرىلعان بولاتىن. كوپتەگەن مەملەكەتتەردە وزدەرىنىڭ جەرگىلىكتى فيليالدارى بار.

ماسەلەن، ۇلىبريتانيا، گەرمانيا، نيدەرلاند، يسپانيا، اۋستراليا جانە ت.ب. Ebay ينتەرنەت-دۇكەنى ارقىلى تۇرمىستىق ومىرگە قاجەتتى بارلىق تاۋار ءتۇرىن الۋعا بولادى. ماسەلەن، تەلەديدار پۋلتىنەن باستاپ، سپورتقا قاجەتتى بارلىق زاتتى ساتىپ الۋعا مۇمكىندىك بار. 2018 جىلى Ebayء-دىڭ تازا تابىسى 1،049 ملرد دوللاردى قۇرادى.

Amazon.com

Amazon.com – حالىقارالىق دەڭگەيدەگى ەڭ ءىرى ينتەرنەت كومپانيا سانالادى. مۇندا تاۋار ءتۇرىنىڭ بارلىعى بار. ماسەلەن، ساعاتتان باستاپ، كولىك دوڭگەلەگىنە دەيىن ساتىپ الۋعا بولادى. بۇل ۇيىمنىڭ قىزمەتىن پايدالانۋشى الەمدىك مەملەكەتتەر اقش، برازيليا، كانادا، ۇلىبريتانيا، گەرمانيا، جاپونيا، فرانسيا، پولشا، يسپانيا، ءۇندىستان، جۇڭگو، تمد مەملەكەتتەرى. سونداي-اق، اتالعان مەملەكەتتەردە وسى كومپانيانىڭ فيليالدارى ورنالاسقان. Financial Timesء-تىڭ 2017 جىلعى مالىمەتىنشە، ونىڭ كاپيتاليزاسياسى 506 ملرد دوللاردى قۇراسا، جىلدىق تابىسى 3 ملرد دوللاردى كورسەتىپ وتىر. ال، 2016 جىلى جىلدىق تابىس 600 ملن دوللارعا تومەن بولعان ەدى.Bloomberg Billionaires Index ايتۋىنشا، Amazon نەگىزىن سالۋشىسى  دجەفف بەزوستىڭ جاعدايى 100 ملرد دوللارعا باعالانىپتى.

Itunes.com

ال، Itunes.com-نىڭ جارتىسى Apple نەگىزىن سالۋشىسى ستيۆ دجوبسقا تيەسىلى. اتالعان مەكەمە ينتەرنەتتە اۋديو ماتەريالداردى ساتۋمەن اينالىسۋ بويىنشا ەڭ جوعارى كورسەتكىشكە يە. مۇنداعى مۋزىكالار 99 سەنتپەن باعالانادى. الەمنىڭ 600 ملن تۇرعىنى وسى كومپانيانىڭ قىزمەتىن تۇتىنادى ەكەن. بۇل سەرۆيس Apple كومپانياسىنا تيەسىلى بولعاندىقتان، ونىڭ جىلدىق تابىسىن وڭ اسەر ەتكەن. 2018 جىلدىڭ ءبىرىنشى جارتىجىلدىعى بويىنشا الىپ كومپانيانىڭ تابىسى 83 ملرد دوللاردى قۇرادى.

وسىلايشا، اتالعان جاھاندىق كاسىپورىندار حالىقارالىق ەلەكتروندى ساۋدانىڭ وركەندەۋىنە اسەر ەتۋدە. ولاردىڭ ماقساتى – ونلاين-ساۋدانىدامىتۋ، سونداي-اق، تۇرعىندارعا ساپالى ءارى ارزان تاۋار ءتۇرىن ۇسىنۋ. بۇل ءوز كەزەگىندە الەم حالقىنا جايلىلىق پەن تيىمدىلىك كورسەتەتىن بولادى.

---