InfoHub Logo

ەلىمىزدە ونلاين-ساۋدا نارىعى جىل سايىن 30 پايىزعا ارتىپ كەلەدى. ونداعى ەڭ ءىرى ينتەرنەت-دۇكەن Satu.kz. 2017 جىلى قازاقستاندىقتار وسى دۇكەنگە 20،144 ملرد تەڭگە قارجىلارىن جۇمساپ، 508 مىڭ تاۋار ساتىپ الىپتى. 2017 جىلى ق ر ەلەكتروندىق ساۋدا نارىعىنىڭ كولەمى 106،9 ملرد تەڭگەنى قۇراعان. ال، 2018 جىلدىڭ 5 ايىنداعى ەلەكتروندىق ساۋدا نارىعىنىڭ كولەمى 101 ملرد تەڭگەنى نەمەسە بولشەك تاۋار اينالىمىنىڭ جالپى كولەمىنىڭ 2،9 پايىزىن كورسەتكەن.

الەمدىك ە-كوممەرسيا قارقىندى دامۋ ۇستىندە. ەلەكتروندى ساۋداسى دامىعان الپاۋىت مەملەكەتتەرگە كەلەتىن بولساق، ەڭ الدىڭعى ورىندى 681 ملرد دوللارمەن جۇڭگو الادى. ارتىنشا، اقش (438 ملرد دوللار)، ءۇشىنشى ورىن بولسا ۇلىبريتانياعا تيەسىلى (196 ملرد دوللار).

الەمدىك ۇزدىك ينتەرنەت-دۇكەندەرگە جۇڭگو مەن اقش مەملەكەتتەرىنىڭ ەنشىسىندەگى كومپانيالار كىرەدى. ماسەلەن، قىتايلىق كومپانيا اليبابا، AliExpress، اقش مەملەكەتىنە تيەسىلى Zappos، Ebay، Amazon، Itunes جانە ت.ب.

قازاقستانداعى ينتەرنەت-دۇكەندەردىڭ وندىعىنا – تەحنودوم، Lamoda قازاقستان، Kaspi، Yves Rocher، Tickets.kz، Aliexpress، Flip.kz، Sulpak.kz، Chocotravel.com، Otto-trade.kz كىرەدى.

تەحنودوم

ەلەكترونيكا، تۇرمىستىق تەحنيكا، كومپيۋتەر ساتاتىن ەلىمىزدەگى ەڭ ءىرى ونلاين-دۇكەن — تەحنودوم. ونىڭ تاۋار كاتالوگىندا 15 مىڭ ءونىم كورسەتىلگەن. ساپالى قىزمەت پەن جاقسى ۇسىنىستار اتالعان دۇكەننىڭ تانىمالدىلىعىن ارتتىرۋدا. ماسەلەن، كەز كەلگەن تاۋاردى ونلاين ارقىلى 12 ايعا ءبولىپ تولەۋگە الۋعا بولادى. ول قازاقستاننىڭ 17 قالاسى بويىنشا جۇمىس ىستەيدى. ال، جەتكىزۋ ۋاقىتى 3 ساعاتتى قۇرايدى.

Lamoda قازاقستان

Lamoda كاتالوگىندا نەگىزىنەن كيىم تۇرلەرىمەن بىرگە اياق كيىم، كوسمەتيكا، اكسەسسۋارلار جانە ت.ب ۇسىنىلعان. كەڭ كولەمدى اسسورتيمەنتى مەن ەۋروپالىق دەڭگەيدەگى قىزمەتى ارقىلى تۇرعىندارعا جايلىلىق ۇسىنىپ جاتىر. دۇكەن 80-نەن اسا مەملەكەتتىڭ كاسىپورنىمەن كەلىسىم-شارتقا وتىرعان. 2017 جىلى ونلاين-دۇكەنى ارقىلى 23،1 ملرد تەنگە قاراجات تۇسكەن.

Kaspi

Kaspi ءموبيلدى باعدارلاماسى ارقىلى ۇيدەن شىقپاي-اق، ساۋدا جاساۋعا بولادى (ەلەكترونيكا، تەلەفون، گادجەتتەر، جيھازدار جانە ت.ب.). ينتەرنەت-دۇكەننىڭ بىلتىرعى تابىسى 54،8 ملرد تەڭگەنى قۇرادى.

Yves Rocher

Yves Rocher كومپانياسى فرانسۋز پارفيۋمدارى مەن كوسمەتيكاسىن ۇسىنادى. مۇندا شاش، بەت، دەنە كۇتىمىنە ارنالعان تاۋارلار بار. سونداي-اق، ەرلەر مەن ايەلدەرگە ءتيىمدى سىيلىق الۋعا بولادى. Yves Rocher 1959 جىلى قۇرىلدى. ونىڭ ءونىمىن 80-گە جۋىق ەل تۇتىنادى. مۇندا 700-دەن اسا تاۋار ءتۇرى بار.

Tickets.kz

Tickets.kz — بيلەتكە تاپسىرىس بەرۋگە ارنالعان قىزمەت. ول ءوز قىزمەتىن 2010 جىلى باستاعان بولاتىن. وسى سايتتىڭ كومەگىمەن تەمىرجول بيلەتتەرى مەن اۆيا بيلەتتەرگە الەمنىڭ قاي تۇكپىرىندە جۇرسە دە تاپسىرىس بەرۋگە بولادى.

AliExpress

AliExpress ونلاين-ساۋدا نارىعىنداعى ەڭ ماڭىزدى ويىنشىلاردىڭ ءبىرى. ول الەمدىك دەڭگەيدەگى ونلاين-دۇكەن رەتىندە بارشامىزعا بەلگىلى. ول باستاپقىدا جۇڭگو ەلىنىڭ ونىمدەرىن الەمدىك اينالىمعا شىعارۋ ءۇشىن قۇرىلعان بولاتىن. دەسە دە، قازىرگى تاڭدا بۇل كومپانيانىڭ قىزمەتىن تۇتىنۋشىلار سانى جىلدان جىلعا ارتۋدا. الەم ەلدەرىنىڭ 200 اسا مەملەكەتى وسى كومپانيانىڭ قىزمەتىن تۇتىنادى. ءتىپتى، افريكا ەلدەرىندەگى ەڭ كەدەي مەملەكەت سانالاتىن زيمبابۆە دە AliExpressء-تى پايدالانادى ەكەن. ويتكەنى، مۇنداعى تاۋار باعاسى ارزان، جەتكىزۋ ۋاقىتى دا تەز جانە ساپالى تاۋار تۇرلەرىن ۇسىنادى. اتالعان كومپانيا Alibaba كاسىپورنىنا تيەسىلى. ونىڭ تابىسى 2017 جىلى 9،791 ملرد دوللاردى قۇرادى.

Flip.kz

Flip.kz ينتەرنەت-دۇكەنى 2007 جىلدىڭ 20 قاراشاسىندا قۇرىلعان بولاتىن. وسى ۋاقىت ارالىعىندا كومپانيا تاۋار كولەمىن كەڭەيتىپ قانا قويماي، ەلىمىزدىڭ تۇكپىر-تۇكپىرىندە ءوز فيليالدارىن اشتى. باستاپقىدا بۇل كومپانيا تەك كىتاپتار عانا ساتاتىن، قازىرگى تاڭدا ويىنشىقتار، ۇيگە قاجەتتى تاۋارلار، كومپيۋتەرلىك ويىندار، باعدارلامالىق قامتاماسىز ەتۋ مەن بەينەجازبا ونىمدەرىن ساتىپ الۋعا بولادى. تولەم جۇيەسى بانك كارتاسى نەمەسە Webmoney جانە KZM ءموبيلدى باعدارلاماسى ارقىلى جۇزەگە اسادى.

Sulpak.kz

Sulpak.kz ءوزىنىڭ ينتەرنەت-دۇكەنىن 2009 جىلى اشقان بولاتىن. بۇگىندە بۇل كومپانيانى ينتەرنەت-گيپەرماركەت دەپ اتاساق تا بولادى. ويتكەنى، مۇندا تاۋارلار ءتۇرى كوپ. ماسەلەن، ەلەكترونيكا، كومپيۋتەرلەر، تۇرمىستىق تەحنيكالار، فوتو جانە ۆيدەو تاۋارلارى، كەڭسە تەحنيكاسى، تەلەفون جانە بايلانىس، ويىندار جانە باعدارلامالىق قامتاماسىزەتۋ باعدارلامالارى ەنەدى. اتالعان كومپانيانىڭ فيليالدارى قازاقستاننىڭ بارلىق قالاسىندا بار.2017 جىلى Sulpakكومپانياسىنىڭ تازا تابىسى 8،03 ملرد تەڭگەنى قۇرادى. ال، 2016 جىلى 1،79 ملرد تەڭگەنى كورسەتكەن بولاتىن.

Chocotravel.com

Chocotravel.com – 2013 جىلى قۇرىلعان قازاقستاننىڭ بارلىق اۋماعىن قامتىپ جاتقان ينتەرنەت-دۇكەن. قازىرگى تاڭدا Chocotravel.com ونلاين-ساۋدا نارىعىنداعى كوشباسشىلاردىڭ ءبىرى. اتالعان سايتتان ۇيدە وتىرىپ-اق، بيلەتتى ەلەكتروندى فورماتتا الۋعا بولادى. ورتا ايلىق قارالىم شامامەن 100 مىڭدى قۇرايدى.

Otto-trade.kz

Otto-trade.kz – ەۋروپالىق تاۋارلاردى تىكەلەي ساتىپ الۋعا بولاتىن ينتەرنەت-دۇكەن. «وتتو» كونسەرنى 70 جىل بويى نارىقتا الدىڭعى ورىنداردان كورىنىپ كەلەدى. ول ءوزىنىڭ تۇتىنۋشىلارىنا ەۋروپالىق ديزاينەرلەردىڭ كيىمدەرىن ۇسىنادى. ماسەلەن، Arizona، MixSixty، Adidas، Geox، Levi’s جانە ت.ب. Otto-trade كاتالوگىندا 1 ملن كيىم-كەشەك تۇرلەرى مەن اكسەسۋارلار قامتىلعان. سايتتاعى ورتا ايلىق قارالىم — 34 مىڭدى كورسەتىپ وتىر.

ەلىمىزدە ونلاين-ساۋدا كۇن وتكەن سايىن جاڭا قارقىنمەن دامىپ كەلەدى. وعان سەبەپ — حالىقتىڭ ينتەرنەتكە قولجەتىمدىلىگى مەن الەۋمەتتىك جەلىلەردىڭ دامۋى. ينتەرنەت ارقىلى ساتۋ دا، ساتىپ الۋ دا وتە وڭاي. سونداي-اق، ونلاين-ساۋدا نارىعىنداعى كاسىپكەرلەر لەگى ارتۋدا. بۇل ءوز كەزەگىندە حالىقتىڭ ءال-اۋقاتىنىڭ ارتۋىنا جاعداي جاساۋدا. ال، تولەم جۇيەسىنە كەلەر بولساق، ارنايى تەرمينالدار نەمەسە بانك كارتالارى ارقىلى جۇزەگە اسادى. وسى رەتتە، قازاقستاندىق بانكتەردىڭ دە قىزمەت كورسەتۋ اياسى كەڭىپ كەلەدى.

---