InfoHub Logo

ادام كاپيتالىن دامىتۋ، ياعني بىلىكتىلىگىڭ مەن ءبىلىمىڭدى تەرەڭدەتۋ، باسەكەگە قابىلەتتىلىك پەن ەكونوميكامىزدىڭ دامۋىنا تىكەلەي اسەر ەتەدى دەپ حابارلايدى liter.kz پورتالىندا.

قازاقستان رەسپۋبليكاسى ءبىلىم جانە عىلىم ۆيسە-مينيسترى ايماعامبەتوۆ اسحات قانات ۇلىنىڭ ايتۋىنشا ءحىح-حح عاسىرلاردا دامىعان ەلدەر ادامي كاپيتالعا 20-30% -دى عانا ينۆەستيسيالاعان بولسا، ال فيزيكالىق قالعان ۇلەسىن الىپ وتىردى. ال XXI عاسىردىڭ باسىندا بۇل اراقاتىناس قاراما-قارسىعا وزگەردى: 80% — ادامنىڭ اكتيۆتەرىندە بولسا، 20% — فيزيكالىق كاپيتال ۇلەسىندە بولدى.

«ادام كاپيتالىنىڭ تەورياشىلارى ەكونوميكالىق ءوسۋ ءۇشىن وعان سالىم سالۋعا نازاراۋدارادى. بۇل جەردە جۇمىسپەن ۇتىمدى قامتۋ، ەڭبەك نارىعىنىڭ وڭتايلى قىزمەت ەتۋى ەرەكشە ماڭىزعا يە. ءبىلىم بەرۋ مەن دەنساۋلىق ساقتاۋدى، ەڭبەك ونىمدىلىگى مەن تابىس دەڭگەيلەرىنىڭ بايلانىسىن، كاسىپكەرلىك قىزمەتتى ۋاجدەۋدى ەكونوميكالىق قامتاماسىز ەتۋگە دالەلى جەتىك كوزقاراسقاجەت» — دەيدى liter.kz پورتالى تىلشىلەرى.

سونداي-اق، ادام كاپيتالى — مەملەكەتتىڭ، ەكونوميكاسى مەن ونىڭ ەڭبەككە جارامدى ازاماتتارىنىڭ باسەكەگە قابىلەتتىگىن ارتتىرۋدىڭ قاجەتتى رەسۋرسى. قازاقستاندا 2050 جىلعا قاراي دۇنيەجۇزىنىڭ نەعۇرلىم دامىعان 30 ەلىنىڭ قاتارىنا كىرۋگە باعىتتالعان كۋرس وزىندىك ادام كاپيتالىن دامىتۋعا وراسان مول ينۆەستيسيالار سالۋدى تالاپ ەتەدى.

تەك بىلىكتىلىگى جوعارى قىزمەتكەرلەر عانا پوستيندۋستريالىق قوعام، ياعني «ءبىلىم مەن جالپىعا بىردەي ەڭبەك قوعامى» جاعدايىندا قىزمەتتىڭ بارلىق تۇرلەرىندە جوعارى تيىمدىلىككە قول جەتكىزۋگە قابىلەتتى.

ايتا كەتەلىك، ەلباسى ن.نازاربايەۆتۆىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىنداعى «ادامي كاپيتال — جاڭعىرۋ نەگىزى» بولىمىندە: «بارلىق جاستاعى ازاماتتاردى قامتيتىن ءبىلىم بەرۋ ىسىندە ءوزىمىزدىڭ وزىق جۇيەمىزدى قۇرۋدى جەدەلدەتۋ قاجەت. ءبىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ بولۋعا ءتيىس. 2019 جىلدىڭ 1 قىركۇيەگىنە قاراي مەكتەپكە دەيىنگى ءبىلىم بەرۋ ىسىندە بالالاردىڭ ەرتە دامۋى ءۇشىن ءوز بەتىنشە وقۋ ماشىعى مەن الەۋمەتتىك داعدىسىن دامىتاتىن باعدارلامالاردىڭ ءبىرىڭعاي ستاندارتتارىن ەنگىزۋ قاجەت. ورتا ءبىلىم بەرۋ سالاسىندا جاڭارتىلعان مازمۇنعا كوشۋ باستالدى، ول 2021 جىلى اياقتالاتىن بولادى. بۇل – مۇلدە جاڭا باعدارلامالار، وقۋلىقتار، ستاندارتتار جانە كادرلار. پەداگوگتاردى وقىتۋ جانە ولاردىڭ بىلىكتىلىگىن ارتتىرۋ جولدارىن قايتا قاراۋ كەرەك بولادى. ەلىمىزدىڭ ۋنيۆەرسيتەتتەرىندەگى پەداگوگيكالىق كافەدرالار مەن فاكۋلتەتتەردى دامىتۋ قاجەت. ءبىلىم بەرۋدىڭ بارلىق دەڭگەيىندە ماتەماتيكا جانە جاراتىلىستانۋ عىلىمدارىن وقىتۋ ساپاسىن كۇشەيتۋ كەرەك. بۇل — جاستاردى جاڭا تەحنولوگيالىق قالىپقا دايىنداۋدىڭ ماڭىزدى شارتى» — دەپ اتاپ ءوتتى.

---