الەۋمەتتىك جەلىدە وقۋلىقتاعى ينتيمدىك سۋرەت دەپ جالعان اقپارات تاراتقان ادام انىقتالدى - ق ر ءىىم
الەۋمەتتىك جەلىدە وقۋلىقتاعى ينتيمدىك سۋرەت دەپ جالعان اقپارات تاراتقان ادام انىقتالدى.
بۇل جايىندا ق ر ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ءمالىم ەتتى.
«استانا قالالىق ىشكى ىستەر دەپارتامەنتى سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك 274 بابى 3 تارماعى (قاساقانا جالعان اقپارات تاراتۋ) بويىنشا ق ر ءبىلىم جانە عىلىم مينيسترلىگىنىڭ ينتيمدىك سۋرەتتەرى بار وقۋلىقتار دەپ الەۋمەتتىك جەلىدە قاساقانا تاراتىلعان جالعان فاكتى بويىنشا ارىزى تىركەلدى. قازىرگى ۋاقىتتا كەشەندى تەرگەۋ ءىس-قيمىلدارى جانە جەدەل ىزدەۋ شارالارىنىڭ ناتيجەسىندە اتالعان قىلمىستى جاساۋعا قاتىسى بار تۇلعا انىقتالدى. ءىس بويىنشا قاجەتتى ساراپتامالار تاعايىندالدى، ورىن العان جاعدايدى تولىق، جان-جاقتى جانە وبەكتيۆتى زەرتتەۋگە باعىتتالعان باسقا دا تەرگەۋ امالدارى جۇرگىزىلۋدە. ناتيجەسى بويىنشا پروسەسسۋالدى شەشىم قابىلداناتىن بولادى»، - دەدى الماس سادۋبايەۆ.
ايتا كەتەيىك، بۇگىن ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن ق ر ءبىلىم جانە عىلىم ءمينيسترى ەرلان ساعادييەۆ ۆەدومستۆوعا قاراستى زاڭگەرلىك جۇمىستارمەن اينالىساتىن دەپارتامەنت اتالعان فاكتى بويىنشا قىلمىستىق ءىس قوزعاۋ تۋرالى ارىز بەرگەنىن ايتقان ەدى.
قازاقپارات
You Might Also Like
-
«الاش» پارتياسىنىڭ باسشىلارى، 1917، سولدان وڭعا قاراي: احمەت بايتۇرسىن ۇلى، ءاليحان نۇرمۇحامەد ۇلى بوكەيحان، ءمىرجاقىپ دۋلات ۇلى
-
بۇكىل الەم بويىنشا، ءتىپتى عالامتوردا تاماشا مۇسىندەردى بايقاۋعا بولادى. ونەر ءبىر قارقىندا توقتاپ قالمايدى. ءار كۇن سايىن الەمدە جاڭا جوبالار مەن ادام بالاسى تاڭدانارلىق تۋىندىلار دۇنيەگە كەلىپ جاتاد...
