InfoHub Logo

بۇكىل الەم بويىنشا، ءتىپتى عالامتوردا تاماشا مۇسىندەردى بايقاۋعا بولادى. ونەر ءبىر قارقىندا توقتاپ قالمايدى. ءار كۇن سايىن الەمدە جاڭا جوبالار مەن ادام بالاسى تاڭدانارلىق تۋىندىلار دۇنيەگە كەلىپ جاتادى. كوزدىڭ جاۋىن الاتىن جاۋھارلار كوڭىلىڭە قۋانىش سىيلايتىنى دا انىق. بۇگىن ءبىز سىزدەردىڭ نازارلارىڭىزعا فيزيكا زاڭدارىنىڭ ۇستەمدىگى جۇرمەيتىندەي بولىپ كورىنەتىن قىزىقتى ارت-ينستاللياسيالىق جوبالارمەن تانىستىرامىز.

«عاجايىپتار ەلى»، كانادا

^{© Neil Howard}

سىرتاي قاراعاندا باس كەيىپىندە بولعان 12 مەترلىك سىم تەمىرلى قاڭقانى كورەسىز، ال ءىش جاعىنان بۇكىل الەمدى. بۇل ءمۇسىننىڭ اۆتورى يسپاندىق ءمۇسىنشى حايمە پلەنسا.

 

«كارما»، اقش

^{© Alyx Dellamonica}

كارىس ءمۇسىنشى دو-حو سۋ تۋىندىسى نيۋ-يوركتەگى ولبرات-نوكس كوركەم گالەرەياسىنىڭ الدىندا ورنالاسقان. بۇل ءمۇسىننىڭ بيىكتىگى بار بولعانى 7 مەتر، ءبىراق ول شەكسىز بولىپ كورىنەدى.

 

«سوڭعى كەش»، اقش

^{© Gord McKenna}

ريوليت ەلەس قالاسىنداعى البەرت شۋكالسكييدىڭ ءمۇسىنى. ءمۇسىننىڭ جاسالۋىنا لەوناردو دا ۆينچي فرەسكاسى نەگىز بولعان. اتاقتى اجال اڭعارىنىڭ اياسىنداعى بۇل مۇسىندەر، اسىرەسە تۇندە ىشكى جاعىنان ارنايى پروجەكتورلارمەن جارىق تۇسىرىلگەندەگى كورىنىسى سىرعا تولى بولىپ كورىنەدى.

 

«گاۋھارلار»، اۆستراليا

^{© russellstreet}

جاڭا زەلانديالىق شەبەر نيل دوۋسوننىڭ اۋادا قالىقتايتىن مۇسىندەرىنىڭ ماڭايىنان ءوتىپ كەتۋ مۇمكىن ەمەس. ويتكەنى اۋەدە قالقىپ ءتۇرعانداي بولىپ كورىنەدى. ال بۇل اسەر بىلىنەر-بىلىنبەس تروس ارقىلى جاسالادى.

 

تەپە-تەڭدىكتەگى ءپىشىن، دۋباي

^{© Deutsche Bank}

بۇل تەپە-تەڭدىكتەگى عاجايىپ قولا تىپتەن فيزيكا زاڭدارىنا باعىنبايدى. پولياك شەبەرى ەجي كەندزەردىڭ ءمۇسىنىنىڭ ءوز سالماعى مەن جەل سوققىسىنان قالاي اينالىپ كەتپەي تۇرعاندىعى – بارلىعىنا دەرلىك جۇمباق كۇيدە.

 

سكريپكاشىعا ەسكەرتكىش، گوللانديا

^{© Paul Arps}

امستەردامدا قالالىق باسقارما مەن مۋزىكالىق تەاتر ورنالاسقان اتاقتى «ستوپەراداعى» ءمارمار ەدەندى دە سكريپكاشىنىڭ ەسكەرتكىشىن ورناتۋ ءۇشىن عانا اياماي بۇزدى. تۋىندىنىڭ اۆتورى بەلگىسىز. قالالىق باسقارما مۇسىنگە جانە اۆتورىنا «ءمان بەرمەۋدى» ءجون سانايدى.

 

جىلدامدىق فەستيۆالىندەگى «پورشە»، ۇلىبريتانيا

^{© Bruno Postle}

دجەرري دجۋدا اۆتوكولىكتەردەن تاڭعاجايىپ مۇسىندەر جاسايدى. ولار شەكسىز الەمگە جول تارتقانداي بولىپ كورىنەدى. جىلسايىن وتەتىن گۋدۆۋدتەگى «جىلدامدىق»  فەستيۆالىندە ول الەمنىڭ ەڭ تانىمال برەندتەرمەن جۇمىس جاساپ ۇلگەردى.

 

«ازايۋ جانە شىعۋ»، اۆستراليا

^{© Matthew Perkins}

سيدنەيدە ورناتىلعان ديەۆيد ماككراكەننىڭ اسپانعا قاراي باعىتتالعان باسپالداعىنىڭ ءوز قۇپياسى بار. ءاربىر كەلەسى باسپالداق الدىڭعىسىنان كىشى. سوندىقتان دا وعان قاراعاندا ول، شەكسىز بولىپ كورىنەدى.

 

«ۋاقىت شاراسىزدىعى»

^{© Adam Martinakis /3d visual}

گرەك سۋرەتشىسى جانە ءمۇسىنشى ادام مارتيناكيس فۋتۋريستىك ۆيرتۋالدى ونەر جانرىندا ساندىق ارت مۇسىندەر جاسايدى. ولاردى تەك عالامتوردا نەمەسە پرينتتە عانا كورۋگە بولادى. بۇل زاماناۋي ونەردەگى سەزىمدى جەتكىزۋدىڭ جاڭا جولى دەسە دە بولادى.

 

«ءپىل ءۇشىن تارتىلىس كۇشىنىڭ ەرەكشەلىگى»

^{© Jean-Pierre Dalbéra}

دانيەل فريماننىڭ ساياحاتشى ءمۇسىنى پاريجدىك فونتەنبلو قامالىندا دا بولىپ ۇلگەردى. ءمۇسىن اۆتوردىڭ "جەردەن 18 مىڭ كم قاشىقتىقتا ءپىل ءوز تۇمسىعىنا تۇرىپ تەپە-تەڭدىك ساقتايدى" دەگەن تەورياسىنا ارنالىپ تۋىنداعان.

 

«جەلاياق»، گرەسيا

^{© G Da}

افيناداعى گرەكتىك «درومەاس». قاي قىرىنان قاراساڭىز دا ول قوزعالىستا سەكىلدى. تىم كوپ قارا جاسىل اينەك سىنىقتارىنان قۇرالعان ەرەكشە ءمۇسىننىڭ اۆتورى – كوستاس ۆاروتسوس.

 

سۋ استى مۇسىندەرى، مەكسيكا

^{© Scuba Catalog}

الەمنىڭ ءار تۇكپىرىندە ورنالاسقان سۋ استى ساياباقتاردىڭ اۆتورى ءمۇسىنشى دجەيسون تەيلور. جادىگەرلەرمەن قالىپتى سەلفي جاساۋ ءۇشىن اكۆالانگپەن قامدانۋعا تۋرا كەلەدى.

 

«ينۆوليۋسيا»

ساندىق ونەردىڭ تاعى ءبىر وكىلى – چاد نايت. ءوزىنىڭ ۆيرتۋالدى مۇسىندەرىنە ول شىنايىلىققا جاقىنداتا پەيزاج قوسادى. ال بۇلاردى تىپتەن تاڭعاجايىپ جاساعاندىقتان، فانتاستيكالىق وبرازدارعا جان بىتكەندەي كورىنەدى.

 

«الي جانە نينو»، گرۋزيا

تامارا كۆەسيتادزەنى بۇل ديناميكالىق مۇسىندەردى جاساۋعاقوس عاشىقتىڭ وقيعاسى شابىتتاندىرعان. ماڭگىلىك قوزعالىستاعى مۇسىندەر – باستاپقىدا بىر-بىرىنە بەتپە بەت كەلىپ بىرىگىپ كەتەدى، ال سودان كەيىن شاراسىز ايىرىلىسادى.

---