الماتىدا 12 جاستاعى ۆۋندەركيند العاشقى سەمەسترىن ۇزدىك تاپسىردى
قازاقستانداعى ەڭ جاس ستۋدەنت ابزال مىرزاش العاشقى سەمەسترىن ۇزدىك تاپسىردى.12 جاستاعى ۆۋندەركيند ءقازىر قازاق-بريتان تەحنيكالىق ۋنيۆەرسيتەتىنىڭ اقپاراتتىق تەحنولوگيالار فاكۋلتەتىنىڭ 1 كۋرسىندا وقىپ جاتىر. بۇل تۋرالى ابزالدىڭ اكەسى داۋرەنبەك نىسانوۆ فەيسبۋكتەگى پاراقشاسىندا جازدى.
«ءسۇيىنشى! قازاق-بريتان تەحنيكالىق ۋنيۆەرسيتەتىنىڭ ەڭ جاس ستۋدەنتى، 12 جاستاعى ۆۋندەركيند ابزال مىرزاش，العاشقى سەمەسترىن ۇزدىك ءبىتىرىپ جانە العاشقى سەسسياسىن ۇزدىك تاپسىرىپ، قىسقى دەمالىسقا شىقتى»، - دەدى اكەسى داۋرەنبەك نىسانوۆ.
1-كۋرستا ابزال اقپاراتتىق-كومۋنيكاسيالىق تەحنولوگيالار، كومپيۋتەرلىك ساۋلەت، فيزيكا، ينجەنەرلەرگە ارنالعان لينيالىق الگەبرا پاندەرىن وقىدى. زەرەك وقۋشىنى ۋنيۆەرسيتەت باسشىلىعى ەمتيحانسىز قابىلداعان بولاتىن.
اناسى جازيرا دوسكەيەۆانىڭ ايتۋىنشا، «ۆۋندەركيند» بالا 3 جاسىنا جەتپەي-اق، ارىپتەردى قوسىپ وقي باستاعان. ال 4 جاسىندا ەكى تاڭبالى سانداردى كوبەيتۋدى مەڭگەرگەن. ەرەكشە قابىلەتىنىڭ ارقاسىندا ول 3، 5، 7، 9، 11 سىنىپتاردى عانا وقىپ نەبارى 7 جىلدا 12 جاسىندا مەكتەپ تۇلەگى اتاندى. سونداي-ىق، ابزال مىرزاش ۇلى حالىقارالىق، رەسپۋبليكالىق وليمپيادالاردىڭ جەڭىمپازى.
You Might Also Like
-
سىنىپ كومپلەكتى: 3 - 2 سىنىپتار
-
نازاربايەۆ ۋنيۆەرسيتەتىنىڭ تۇلەكتەرى ترانسفورماتوردىڭ جۇمىس قابىلەتىن ۇزارتۋ ءۇشىن قۇرىلعى جاساپ شىعاردى، دەپ حابارلايدى ەلوردا اكىمدىگىنىڭ مەديا ورتالىعى.
