الماتىدا ەڭ ادال ۇستازدىڭ ەسىمى بەلگىلى بولدى
الماتىدا «ادال ۇستاز» قالالىق بايقاۋى مارەسىنە جەتتى. بۇل بايقاۋ بيىل ەكىنشى رەت وتكىزىلىپ وتىر.
ادال ۇستاز اتانۋ ءۇشىن قالا مەكتەپتەرىنىڭ 12 ۇستازى ب ا ق سىنادى.
«بۇل بايقاۋ بيىل ەكىنشى رەت وتكىزىلىپ وتىر. بىلتىر وتە جاقسى ناتيجە بايقادىق. وتە پايدالى ۇسىنىستار ايتىلدى. بايقاۋ سىبايلاس جەمقورلىققا قارسى ساياسات فورماتىندا ءوتىپ جاتىر. ءبىزدىڭ ۇستازدار، مۇعالىمدەر وزدەرىنىڭ وقۋشىلارىنا بەرگەن تاربيەسى ارقىلى سىبايلاس جەمقورلىق دەگەن زۇلىمدىق ەكەنىن جەتكىزۋى ءتيىس. وسى بايقاۋ سىبايلاس جەمقورلىقپەن بىرىگە وتىرىپ كۇرەسۋگە بولاتىندىعىن كورسەتۋى ءتيىس»، - دەدى ق ر مەملەكەتتىك قىزمەت ىستەرى جانە سىبايلاس جەمكورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى باسشىسىنىڭ ورىنباسارى گەناديي دانياروۆ.
2 ساعاتقا سوزىلعان سايىس قورىتىندىسى بويىنشا قازىلار القاسى باس جۇلدەگە №173 ليسەيدىڭ ءمۇعالىمى جانار كوپبايەۆانى لايىق دەپ تاپتى.
1 ورىن №148 مەكتەپ-گيمنازياسىنىڭ ءمۇعالىمى جەتكىنشەك مەڭدىعالييەۆكە بۇيىردى.
2-ورىنعا №53 مەكتەپ گيمنازياسىنىڭ ءمۇعالىمى ەركەجان ماكەشوۆا مەن №60 مەكتەپ-گيمنازياسىنىڭ ءمۇعالىمى نادەجدا فەندريكوۆا تۇراقتادى.
3-ورىندى №33 مەكتەپ-گيمنازياسىنىڭ ءمۇعالىمى ايگەرىم شايمەردەنوۆا، №178 مەكتەپ-گيمنازياسىنىڭ ءمۇعالىمى عالىمجان شىناسىل، №198 جالپى ءبىلىم بەرۋ مەكتەبىنىڭ ءمۇعالىمى بەرەكە كەڭەسوۆا ءبولىستى.
لاۋرەاتتارعا باعالى سىيلىقتار مەن سەرتيفيكاتتار تابىستالدى.
«بۇل سايىستىڭ «ادال ۇستاز» دەپ اتالۋى تەگىن ەمەس. بۇكىل ادامزاتتىڭ ەكىنشى ۇستازى ءال-فارابي اتامىزدىڭ «تاربيەدەن تىس بەرىلگەن ءبىلىم اسا ءقاۋىپتى» دەگەن ءسوزى قازىرگى تاڭدا ۇستازداردىڭ كاسىبي ۇستانىمىنا اينالدى. سوندىقتان ءار ۇستاز تاپبيە ماسەلەسىنە ەرەكشە كوڭىل ءبولۋى كەرەك. اسىرەسە، ۇستاز بويىندا نەگىزگى قاسيەتتەرى - ۇستازدىڭ ادالدىعى، ماقسات-مۇددەسىنە ادالدىعى، ءوز كاسىبىنە ادالدىعى، وقۋشىلارىنا ادالدىعى اسا ماڭىزدى»، - دەدى قالالىق ءبىلىم باسقارماسىنىڭ ادىستەمەلىك كابينەتىنىڭ ءبولىم باسشىسى اكىمجان سايلىبايەۆ.
قازاقپارات
You Might Also Like
