الماتىدا قازپوشتانىڭ فۋلفيلمەنت ورتالىعى قىزمەتىن باستادى
الماتىدا «قازپوشتا» اق-نىڭ ءىرى جوباسى فۋلفيلمەنت-ورتالىعى ىسكە قوسىلدى.
پرەمەر-مينيستردىڭ ورىنباسارى اسقار جۇماعالييەۆ پەن الماتى قالاسىنىڭ اكىمى «قازپوشتا» اق-نىڭ اقپاراتتىق-لوگيستيكالىق ورتالىعىنىڭ جۇمىسىمەن تانىستى. مۇندا پوشتا ونىمدەرى اۆتوماتتى تۇردە سۇرىپتالادى، ول ساعاتىنا 6 545 سالەمدەمەنى جىبەرەدى. جۇيە سالماعى 10 كگ-عا دەيىنگى حالىقارالىق جانە ىشكى باندەرولدەر مەن حالىقارالىق شاعىن پاكەتتەردى ىرىكتەيدى.
«قازپوشتا» اق باسقارما ءتوراعاسى ساكەن سارسەنوۆتىڭ ايتۋىنشا، ينتەرنەت ارقىلى ساۋدا جاساۋ كۇن سايىن ارتىپ كەلە جاتىر. جىل باسىنان بەرى قازاقستانعا توعىز ملن-نان استام شەتەلدىك پوشتا ءونىمى تۇسكەن.
«ەگەر بيىلعى جىلدىڭ تامىز ايىنا دەيىن ءبىز تاۋلىگىنە 10 مىڭ پوشتا ءونىمىن ىرىكتەسەك، سۇرىپتاۋ ماشيناسى مەن ءموبيلدى تەرمينالدىڭ ارقاسىندا وڭدەۋ جىلدامدىعى ون ەسەگە ۇلعايتىلدى. تەحنولوگيالىق پروسەستى وپتيميزاسيانىڭ ارقاسىندا پوشتا ونىمدەرى 24 ساعات بويى سۇرىپتالادى. ونىڭ ۇستىنە، سۇرىپتاۋ جۇمىستارىن اۆتوماتتاندىرۋ پروسەسى پوشتا قالتاشالارىن ناقتى باعىتتار بويىنشا ىرىكتەۋگە جول اشتى، بۇل حات الۋشىعا سالەمدەمەنى جىلدام جەتكىزۋگە مۇمكىندىك بەرەدى»، – دەدى ول.
جاقسى بازانىڭ، دامىعان لوگيستيكانىڭ جانە پوشتا بولىمشەلەرىنىڭ جۇيەلەرى ارقاسىندا «قازپوشتا» بۇگىنگى كۇنى ەلەكتروندى ساۋدا ينفراقۇرىلىمىن جۇزەگە اسىرا الادى. الماتىدا ينتەرنەت-ماگازيندەرگە كومەك رەتىندە فۋلفيلمەنت قىزمەتى ىسكە قوسىلعان، ول پوشتا ءونىمىن سۇرىپتايدى، ساقتايدى، قاپتايدى جانە تۇتىنۋشىنىڭ قولىنا جەتكىزەدى.
«قازپوشتا» قازاقستان ارقىلى قىتايدان ەۋروپاعا نەمەسە كەرى باعىتتا ترانزيت ارقىلى حابتاردى ىسكە قوسۋمەن ءتۇرلى ءترانزيتتى جوبالارعا قاتىسادى. بۇل ەلىمىز ارقىلى قىتايدان رەسەيگە نەمەسە ەۋروپاعا ءترانزيتتى ونىمدەردىڭ 20%-دان استامىن وتكىزۋگە مۇمكىندىك بەرەدى. ەگەر 2016 جىلى «قازپوشتا» ارقىلى ءترانزيتتى لەكتىڭ كولەمى 53%-دى (10 ملن. ءونىم، 2015 جىلى 6،5 ملن. بولعان) قۇراسا، كومپانيا وسى جىلى 17 ملن. ونىمگە ارتادى دەپ كۇتىلۋدە.
You Might Also Like
-
ەلىمىزدىڭ ازاماتتارى «قازپوشتا» اق-نىڭ Vpost.kz قىزمەتى ارقىلى اقش-تىڭ تاۋارلارىنا بەرىلگەن ءبىرىنشى تاپسىرىستارىنا 15% جەڭىلدىكپەن جەتكىزۋ مۇمكىندىگىن الدى.
-
اقش-تىڭ كانادامەن شەكاراسىنداعى تولەدو ۋنيۆەرسيتەتىنىڭ زەرتتەۋشىلەرى پلانشەتتەر مەن سمارتفونداردىڭ كوك ءتۇستى جارىعى ءبىزدىڭ كوزىمىزدىڭ جاسۋشالارىنا تەرىس اسەر ەتەتىنىن انىقتادى. بۇل كورۋدىڭ ناشارلاۋ...
