قازپوشتا شقو-دا «ە-پيك» جوباسىن ەنگىزۋدە
شىعىس قازاقستان وبلىسىندا قازپوشتا اق وبلىس اكىمدىگىمەن بىرلەسىپ، «ە-پيك» جوباسىن ەنگىزۋدە.
«ە-پيك» جوباسىن ەنگىزۋدىڭ ارقاسىندا كوپپاتەرلى ۇيلەردىڭ تۇرعىندارى اكىمدىك پەن تۇرعىن ءۇي كووپەراتيۆتەرىنە ءوتىنىش قالدىرا الادى. سونىمەن قاتار تۇرعىن ۇيلەرگە قاجەتتى قىزمەتكەرلەردى تىركەيدى: مەديسينا قىزمەتكەرى، ۋچاسكەلىك پوليسيا، سانتەحنيك، ەلەكتريك جانە ت. ب.
21 قازان كۇنى «قازپوشتا» اق باسقارما ءتوراعاسى ساكەن سارسەنوۆ شقو-عا قازپوشتا ۇجىمىمەن كەزدەسكەن بولاتىن. كەزدەسۋ بارىسىندا قىزمەتكەرلەرمەن ەلەكتروندى ساۋدا جوبالارى جونىندە ءبىرقاتار جوسپارلارىن تالقىلادى.
كەزدەسۋ كەزىندە باسقارما ءتوراعاسى بيزنەس، IT، HR جانە e-commerce بلوكتارىنا جەتەكشىلىك ەتەتىن باسشىلارمەن بىرگە ارىپتەستەردىڭ سۇراقتارىنا جاۋاپ بەرىپ، كومپانيانىڭ ستراتەگيالىق دامۋى بويىنشا جوسپارىمەن، ەلەكتروندىق ساۋدا جوبالارىن ىلگەرىلەتۋ، ساتۋدى ىنتالاندىرۋ مەن بونۋستىق باعدارلامالار تۋرالى ويلارىمەن ءبولىستى.
سونداي-اق، س. سارسەنوۆ ءىسساپار كەزىندە «ال-فارابي» ج ش س وكىلدەرىمەن كەزدەسىپ، جۇمىس ماسەلەلەرى مەن ودان ءارى ىنتىماقتاستىق پەرسپەكتيۆالارىن تالقىلادى.
«شقو-دا قازپوشتا-پەن سەمەي، اياگوز، وسكەمەن قالالارىنان جانە بىرنەشە اۋدانداردان 6 كومپانيا فرانچايزينگتىك مودەل بويىنشا جۇمىس تۋرالى كەلىسىم جاسادى»، – دەپ ايتىپ ءوتتى ول.
ايتا كەتەلىك، بۇگىنگى تاڭدا اتالعان ءوڭىردىڭ قازپوشتا وپەراتورلارى 10 قالاعا، 15 اۋدانعا جانە 752 اۋىلعا قىزمەت كورسەتىپ وتىر. ال قىزمەت كورسەتەتىن جۇمىسشىلار سانى 1،5 مىڭعا جۋىق ادامدى قۇرايدى ەكەن.
اعىمداعى جىلدىڭ 9 ايىنداعى كورسەتكىش بويىنشا فيليال 4 جاڭا ساتۋ نۇكتەلەرىن، قوسىمشا ايىرباستاۋ پۋنكتتەرىن اشتى، تولەمدەردى قابىلداۋ كاسسالارى جوق عيماراتتاردا 23 بانكومات پەن 11 وزىنە-وزى قىزمەت كورسەتۋ تەرمينالدارىن ىسكە قوسىپ وتىر.
كەزدەسۋ سوڭىندا، باسشى كومپانيانىڭ 25 جىلدىعىنا وراي، ءداستۇر بويىنشا قازپوشتا شىعىس قازاقستان فيليالىنىڭ ەڭبەك سىڭىرگەن قىزمەتكەرلەرىن ديپلومدارمەن جانە العىس حاتتارمەن ماراپاتتاپ ءوتتى.
You Might Also Like
-
— شىلدە-تامىز ايلارىندا تاڭەرتەڭ ەرتە الۋان ءتۇرلى گۇل اشاتىن مىڭباس شىرماۋىقتى بىلمەيتىن كىم بار دەيسىڭ؟ ونى كەيبىرەۋلەر كولەڭكە ءۇشىن ءجىپ كەرىپ، ۇيىستىرا وسىرسە، ەندى بىرەۋلەر تەمىر توردان قۇ...
-
تەرىنىڭ ىسىكتەرى قاتەرلى وبىردىڭ ىشىندە ەڭ كەڭ تاراعان جانە ولاردى گيستولوگيالىق جىكتەۋ وتە كۇردەلى. بۇل ىسىكتەر كوبىنەسە تەرى ەپيدەرميسىنەن پايدا بولادى. تەرى كوپ قاباتتى جايىلمالى ەپيتەلييمەن قاپ...
