الماتىنىڭ تاريحي ەسكەرتكىشتەرى

سوڭعى جاڭارتۋ

(وزگەرتىلگەن ۋاقىتى 9 ساعات بۇرىن)

25 ءساۋ. 2022 00:00
228

الماتىنىڭ تاريحي ەسكەرتكىشتەرى

حالىقارالىق ەسكەرتكىشتەر مەن تاريحي ورىندار كۇنى 1984 جىلدان باستاپ جىل سايىن 18 ءساۋىر كۇنى اتاپ وتىلەدى. مەرەكەنى 1983 جىلى يۋنەسكو جانىنداعى ەسكەرتكىشتەر مەن كورنەكتى ورىنداردى قورعاۋ ماسەلەلەرى جونىندەگى حالىقارالىق كەڭەس اسسامبلەياسى بەلگىلەگەن. مەرەكەنىڭ باستى ماقساتى – تاريحي ەسكەرتكىشتەردىساقتاۋ جانە مادەني مۇرانى قورعاۋ ماسەلەلەرىنە قوعامنىڭ نازارىن اۋدارۋ. وسى ماقساتتا 18 ءساۋىر 2022 جىلى «شاڭىراق-1» ىقشام اۋدانىندا ورنالاسقان «بورالداي ساق قورعاندارى» ارحەولوگيالىق پاركىندە حالىقارالىق تاريحي ەسكەرتكىشتەر مەن تاريحي ورىنداردى قورعاۋ كۇنىنە ارنالعان «بورالداي – عاسىرلار كۋاسى» اتتى تاريحي تانىمدىق، مادەني ءىس-شارا ءوتتى.

تۋعان جەر مەن تۋعان تابيعاتتى ايالاپ، تامىرى تەرەڭ تاريحىمىزدى ناسيحاتتاۋعا ارنالعان بۇل شارا ءال-فارابي اتىنداعى قازۇۋ، تاريح فاكۋلتەتىمەن بىرلەسىپ ۇيىمداستىردى.

جوسپارلانىپ وتىرعان مەرەكەلىك ءىس-شارانىڭ باستىماقساتى – عاسىرلار كۋاسى بولعان، تاريحى تەرەڭنەن تامىر الاتىن ەسكەرتكىشتەردى ساقتاۋ جانە مادەني مۇرانى قورعاۋ ماسەلەلەرىنە قوعامنىڭ نازارىناۋدارۋ بولىپ تابىلدى.

ءىس-شارا بارىسىندا قوناقتار الماتى قالاسى اۋماعىنداعى ەسكەرتكىشتەر تۋرالى تولىق ماعلۇمات الىپ، مەرەكەلىك كونسەرتتىك باعدارلاماعا، قىزىقتى ۆيكتوريناعا قاتىستى.

ت. تولەبايەۆ ا. ماكسىمكانوۆا