InfoHub Logo

ءدىني فاناتيزم –  سەكتانى ۇستانۋشىنىڭ عانا ەمەس، ونىڭ جانۇياسىنىڭ دا قايعىسى مەن اپاتىنا اكەلەتىن دەرت. مۇنداي ادامدار اداسۋشىلىققا، اقىلسىزدىققا بەيىم جانە باسقالاردى ەستىپ، تۇسىنە المايدى. ءدىني فاناتتار – ءبىر نارسەگە سوقىر سەنەتىن بەلگىلى ءبىر اعىمداردى ۇستانۋشىلار. دالىرەك ايتقاندا: ادام تەك ءوزىنىڭ دۇرىستىعىنا نەمەسە وسى جولدا نۇسقاۋشى جەتەكشىنىڭ دۇرىستىعىنا سەنىمدى. ويتكەنى ەشبىر دەسترۋكتيۆتى ۇيىم كوشباسشىسىز جۇمىس ىستەي المايدى. ەڭ الدىمەن، فانات ءوزىنىڭ سىني ويلاۋدان ادا ەكەنىن كورسەتەدى، ويتكەنى ول الىنعان اقپاراتتى تۇسىنبەيدى، ويلامايدى، سىني تۇرعىدان قاراستىرمايدى، ءبىراق شىندىقتى ءبىر عانا نارسەدەن كورە وتىرىپ، ونى تولىعىمەن وزىنە سىڭىرەدى. باسقاشا ويلايتىنداردىڭ ءبارى وعان جاۋ. «ولار شىندىقتى بىلمەيدى، ناداندار» دەپ ويلايدى. كەيدە فانات ونىمەن پىكىرلەسۋگە تىرىساتىن ادامداردان قۇتىلادى نەمەسە ولاردى وزىنەن اۋلاق ۇستايدى. پسيحولوگيا تۇرعىسىنان مۇنداي ادامداردىڭ مىنەزىنىڭ اكسەنتۋاسياسىنا بەيىمدىلىگى بار دەپ ايتۋعا بولادى. ولار نە نارسەگە سەنەتىنىن كورسەتۋى كەرەك،ولار مۇنى وزدەرىنىڭ ءدىني زاتتارى، سىرتقى ءتۇرى ارقىلى جاسايدى. ولار ودان وزدەرىنىڭ تىنىشتىعىن كورەدى، ءومىر سۇرەدى. قاراپايىم ومىردە ءار ادامنىڭ ءوز كۋميرلەرى بار جانە ادام ءارقاشان بىرەۋگە ەلىكتەۋگە تىرىسادى دەپ ايتا الامىز، مىسالى، كيىنۋ نەمەسە شاش ۇلگىسى بويىنشۇقساعىسى كەلۋى، ياعني ءوزىنىڭ ءبىر نارسەگە ادالدىعىن كورسەتۋ.

ەگەر سىرتقى اسەر تۋرالى ايتاتىن بولساق، وندا ادام ءارقاشان قوعامعا تاۋەلدى جانە ول ءۇشىن باسقا ادامنىڭ پىكىرى وتە ماڭىزدى. مىسالى، ونى باسقالار تۇسىنبەيدى نەمەسە ول بالالىق شاعىندا پسيحولوگيالىق جاراقات الدى، ءبىراق ول كەنەتتەن ونى جاقسى تۇسىنەتىن ادامداردى كەزدەستىردى (مەن مۇنداي ۇيىمداردىڭ جەتەكشىلەرى وتە جاقسى پسيحولوگتار ەكەنىن ەسكەرتەمىن، ولار ءارتۇرلى ادىستەردى قولدانادى، مەيلى ول ءارتۇرلى ەمپاتيا ادىستەرى بولسىن نەمەسە باسقاشا بولسىن). كوشباسشى ءوزىنىڭ بارلىق ىس-ارەكەتىمەن ونداي ادامعا جاناشىرلىق تانىتاتىنىن، ونىڭ ءدال وزىنە قاجەت ەكەنىن كورسەتەدى. بىرەۋدىڭ سىزگە بەي-جاي قارامايتىندىعى، ءسىز قانداي دا ءبىر يدەيا ءۇشىن ءومىر سۇرەتىنىڭىز تۋرالى سەزىم بەرەدى، ادام ءوزى ءۇشىن قانداي دا ءبىر ميسسيانى كورەدى. ءبىراق ولار بىرەۋدىڭ ساياسي جانە ەكونوميكالىق قىزمەتىنە  جەم بولعانىن تۇسىنبەيدى.  ءقازىر ءبىز ءارتۇرلى الەۋمەتتىك جەلىلەردە ەزوتەريكا، ساتانيزم ماسەلەلەرىنە قىزىعۋشىلىقتى بايقاي الامىز. بۇعان جاستاردىڭ قىزىعۋشىلىعى جوعارى، ونى جاسوسپىرىمدەر اراسىندا ەسترادالىق مادەنيەت پەن بەيرەسمي مادەنيەت ناسيحاتتايدى. فاناتيزم ءارقاشان بولاتىنىن اتاپ وتكىم كەلەدى. ەڭ باستىسى، ءبىزدىڭ قوعام، ءبىز نە ىستەيمىز، وسى فاناتيزمگە جول بەرەمىز بە؟ ەڭ الدىمەن، مەن بارلىق اتا-انالاردى بالا كەزىنەن باستاپ بالانىڭ مۇددەلەرى تۋرالى بىلۋگە ​​​​شاقىرعىم كەلەدى: ونىڭ كۋميرى كىم،كىمگە نەمەسە نەگە ەلىكتەيدى دەگەن سەكىلدى سۇراقتار قويۋ وتە ماڭىزدى.

م.جۇمابايەۆ: «جاس بالا – جاس ءبىر شىبىق، جاس كۇندە قاي تۇردە ءيىپ تاستاساڭ، ەسەيگەندە سول يىلگەن كۇيىندە قاتىپ قالماق»، – دەگەن ەكەن. سول سەبەپتى ۇرپاق تاربيەسى ول ەل بولاشاعى،وعان اسا ءمان اۋراماسقا بولمايدى.

بەكبولات ايدا ەرسىن قىزى. عىلىمي جەتەكشى: تۋنگاتوۆا ۋلجان اسكاربايەۆنا

---