«تاريح» ءبىلىم بەرۋ باعدارلاماسى بويىنشا ستۋدەنتتەردىڭ XIV رەسپۋبليكالىق پاندىك ونلاين وليمپياداسى
ل.ن. گۋميليەۆ اتىنداعى ەۇۋ ۋنيۆەرسيتەتىندە «تاريح» ءبىلىم بەرۋ باعدارلاماسى بويىنشا ستۋدەنتتەردىڭ XIV رەسپۋبليكالىق پاندىك ونلاين فورماتىندا وتكەن وليمپياداسىدا ءال-فارابي اتىنداعى قازۇۋ-دىڭ تاريح فاكۋلتەتىنەن قاتىسىپ، 3 –ءشى ورىن يەلەنگەن 3 كۋرس ستۋدەنتتەرىنەن قۇرالعان كوماندا مۇشەلەرىن قازاقستان تاريحى كافەدراسىنىڭ ۇجىمى قۇتتىقتايدى.
ل.ن. گۋميليەۆ اتىنداعى ەۋرازيالىق ۇلتتىق ۋنيۆەرسيتەتىندە «تاريح» ءبىلىم بەرۋ باعدارلاماسى بويىنشا ستۋدەنتتەردىڭ XIV رەسپۋبليكالىق پاندىك وليمپياداسى 2022 جىلى ءساۋىردىڭ 22 كۇنى MICROSOFT TEAMS پلاتفورماسىندا ونلاين فورماتىندا ءوتتى. ەۇۋ تاريح فاكۋلتەتىنىڭ دەكانى ت.ع.د.، پروف ت.سادىكوۆ وليمپيادانى اشىلۋى سالتاناتىندا سويلەگەن سوزىندە: «ءبىلىمدى دە، بىلىكتى، ينتەلەكتۋالدى جاس ۇرپاقتى قالىپتاستىرۋدا جوعارى وقۋ ورىندارى اراسىندا وسىنداي ءوز-ارا دوداعا ءتۇسىپ، بىلىممەن كۇش سىناساتىن وليمپيادالىق جارىستاردىڭ وتكىزىلۋى ورىندى ەكەندىگىن ايتا كەلە، وليمپياداعا قاتىسۋشى 14 كوماندا ستۋدەنتتەرىنە ساتتىلىك پەن اقجول تىلەدى.
وليمپياداعا رەسپۋبلييكا بويىنشا 14 جوعارى وقۋ ورنىدارىنان كوماندالار قاتىستى. بىرنەشە كەزەڭنەن تۇرعان وليمپيادا بارىسىندا، ءار كەزەڭگە قاتىسۋشى كوماندالار وزدەرىنىڭ كرەاتيۆتىلىگىمەن كوزگە ءتۇسىپ، ءادىل-قازىلار القاسى باسەكەگە تولى جارىستىڭ كۋاسى بولدى. ءبىر توپ ءوزىنىنىڭ شىعارماشىلىق قابىلەتىمەن كوزگە تۇسسە، ەندى ءبىرى ءوزىنىڭ تاريحي ءبىلىمىن كورسەتىپ وق بويى وزا شاپتى بۇل سايىستا ءار كوماندا ستۋدەنتتەرىنىڭ سويلەۋ مانەرى، ءسوز ساپتاۋى مەن شەشەندىگى جانە ناقتى فاكتىلەردى قولدانۋى باستى نازارعا الىندى. سايىس تارتىستى، ءارى تارتىمدى ءوتتى، دوداعا تۇسكەن ءاربىر كوماندا مۇشەلەرى جوعارى دەنگەيدەگى دايىندىقپەن كەلگەندىگىن بايقاتتى.
وليمپيادا قورىتىندىسى بويىنشا 3-ورىندى ءال-فارابي اتىنداعى قازۇۋ- دىڭ تاريح فاكۋلتەتىنىڭ 3 كۋرسىنى4 ستۋدەنتتەرىنەن قۇرالعان كومانداسى يەلەندى. كوماندا مۇشەلەرىن قازاقستان تاريحى كافەدراسىنىڭ پروفەسسور وقىتۋشىلار ۇجىمى قۇتتىقتاپ، وقۋدا وزات، الداعى ۋاقىتتا وسىنداي سايىس مارەلەرىنەن سۇرىنبەي، ينتەلەكتۋالدىق وي-ورىستەرىن ارتتىرا بەرۋلەرىنە تىلەكتەس ەكەندىگىن بىلدىرەدى.
ءال-فارابي اتىنداعى قازۇۋ قازاقستان تاريحى كافەدراسىنىڭ دوسەنتى، ت.ع.ك.، قوزعامبايەۆا گۇلنار بەستىباي قىزى
You Might Also Like
-
ادام باسقا ادامدارمەن قارىم-قاتىناسقا ءتۇسۋ بارىسىندا نەمەسە ءوزىن ءوزى تانۋ ۇستىندە سەزىمدەرى مەن ىس-ارەكەتتەرىن جانە مىنەز-قۇلقى مەن اقىل ويىن يگەرە الۋى كەرەك، ياعني ءتيىمدى پايدالانۋدى جۇزەگە اسىرۋى...
-
حالىقارالىق ەسكەرتكىشتەر مەن تاريحي ورىندار كۇنى 1984 جىلدان باستاپ جىل سايىن 18 ءساۋىر كۇنى اتاپ وتىلەدى. مەرەكەنى 1983 جىلى يۋنەسكو جانىنداعى ەسكەرتكىشتەر مەن كورنەكتى ...
