اقبوكەن ەتى ءقاۋىپسىز بە؟ مينيسترلىك ءتۇسىندىردى
سوڭعى ۋاقىتتا اقبوكەن ەتىن تۇتىنۋعا بايلانىستى قوعامدا ءتۇرلى ساۋالدار تۋىنداپ جاتىر. حالىق اراسىندا بۇل جانۋارلاردىڭ ەتىنەن جۇعاتىن ءقاۋىپتى اۋرۋلار بولۋى مۇمكىن دەگەن كۇمان بار. وسىعان وراي اۋىل شارۋاشىلىعى مينيسترلىگى رەسمي مالىمدەمە جاسادى.
ۆەدومستۆونىڭ حابارلاۋىنشا، وبا، ءسىبىر جاراسى، برۋسەللوز، اۋسىل، پاستەرەللوز سياقتى جۇقپالى دەرتتەردىڭ الدىن الۋ ءۇشىن اقبوكەندەر تۇراقتى تۇردە تەكسەرىلەدى. بۇل جۇمىستارمەن ۇلتتىق ۆەتەريناريا قىزمەتى اينالىسادى.
قازىرگى تاڭدا قازاقستاننىڭ التى وبلىسىندا 24 ارنايى سويۋ پۋنكتى جۇمىس ىستەپ تۇر. مينيسترلىك ولار تولىقتاي ۆەتەرينارلىق-سانيتارلىق تالاپتارعا ساي ەكەنىن اتاپ ءوتتى. اقبوكەننىڭ ەتى ارنايى توڭازىتقىش كولىكتەرمەن تاسىمالدانىپ، ءار پارتياسى مىندەتتى تۇردە ۆەتەرينارلىق باقىلاۋدان وتەدى.
ساراپتامادان وتكەن ەت قانا ساۋداعا جىبەرىلەدى. سول سەبەپتى مينيسترلىك تۇرعىندارعا اقبوكەن ەتىن ساتىپ الاردا ۆەتەرينارلىق انىقتاماسى بار جەرلەرگە عانا جۇگىنۋگە كەڭەس بەرىپ وتىر.
You Might Also Like
-
ءماجىلىس دەپۋتاتى اسحات ايماعامبەتوۆ ۇستازداردىڭ الەۋمەتتىك جەلىدەگى ارەكەتتەرىنە قاتىستى پىكىر ءبىلدىرىپ، ولاردىڭ قوعامداعى بەينەسى مەن بەدەلىنە نۇقسان كەلتىرمەۋگە شاقىردى. بۇل تۋرالى ول Adal Adam Y...
-
اقش اسكەري كومەكتى ازايتقان تۇستا رەسەي باسقىنشىلىعى كۇشەيۋى مۇمكىن
