التى اڭگىمە وقۋعا جايىڭ بار ما؟
ۇسىندىم جاڭا ءوسپىرىم عالىمدارعا.
انشەيىن بوس ءسوز دەمەي عيبرات ال،
وي جىبەر ىشكى سىرىن پايىمدارعا.

الدىڭعى ءبىز ەل جەدىك وبال دەمەي،
زارلادى تالاي مومىن، تالاي كەدەي.
ءناپسى، ماقتانعا الدانبا، قاراقتارىم،
ءۇمىتى كىم بۇل ەلدىڭ سەندەر ەمەي.

ورىس، قازاق — ادامنىڭ ءبارى بىردەي،
ەشكىمدى الالاما ونى بىلمەي.
كەم-كەتىككە بولىسۋ — ار مىندەتى،
حالقىڭا پايدا تيگىز بوسقا جۇرمەي.

جانىڭدى اياي كورمە جاردامىنان
سۇيتكەندە ارىڭ شىعار ارمانىنان.
ايتپەسە بۇل ءومىرىڭ ارتىق ەمەس،
ءتانىڭدى توپىراق باسىپ قالعانىنان.

---