ءامىر تەمىردىڭ ەل بيلەپ تۇرعان كەزى (ءى نۇسقا)
ورتالىق قالاسى سامارقان بولعان. ءامىر تەمىر وتە جاۋىنگەر بولىپتى. ءبىر جىلدا التى مەملەكەتتى شاۋىپ الىپتى، اقىرىندا قالاسىن الماقشى بولىپتى. سۇلتان بايازيت دەگەن كىسىنى تىزە بۇكتىرىپتى. سوعىسپاي كوپ ولجامەن قايتىپتى. قايتىپ كەلە جاتقاندا تەڭىزدىڭ جاعاسىندا بالىق اۋلاپ جۇرگەن كەدەيدىڭ ون التى جاسار بالاسىن الىپ كەتىپتى.
سامارقانعا كەلگەننەن كەيىن ۇلكەن توي جاساعان. سول توي جاساپ جاتقان جەرگە جالاڭ اياق، جالاڭ باس ءبىر ايەل كەلىپ، ءامىر تەمىردىڭ اۋلىندا تۇرعان ۋازىرلەرگە:
— مەنى بوسات، — دەپتى، — ءامىر تەمىرگە جولىعاتىن شارۋام بار، الىس جولدان كەلەم، — دەپتى. ءامىر تەمىر باجىلداپ جۇرگەن ايەلدىڭ داۋسىن ەستىپ، «بوسات!» دەپ ۋازىرلەرىنە ءامىر ەتىپتى.
— امىر-تەمىر ءسىز بولاسىز با؟ — دەپتى.
— مەن بولام، — دەپتى.
— سەن ءامىر بولساڭ، ماعان ءتاجىم ەت، باسىڭدى ي!
امىر-تەمىر:
— نە ءۇشىن ءتاجىم ەتەم؟ — دەپتى. ايەل بىلاي دەپتى:
— جەر جۇزىنە عىلىم تاراتقان گرەكتەن شىققان اريستوتەلدى تاپقان كىم؟ انا! قۇدايدان شىققان مۇحاممەد پايعامباردى تاپقان كىم؟ انا! ءبىر جىلدا التى مەملەكەتتى وزىنە باعىندىرىپ، جەتىنشى سۇلتان بايازيتتى تىزە بۇكتىرگەن كىم؟ مەن. سەنى تاپقان كىم؟ انا! ولاي بولسا، سول انانى قۇرمەتتەپ ءتاجىم ەت!
ءامىر تەمىر باسىن يەدى. سونان كەيىن ءجون سۇرايدى.
— سەن كىمسىڭ؟
— مەن ءسىز الىپ كەتكەن بالانىڭ اناسىمىن.
ءامىر تەمىر:
— جولشىباي قيىن قىستاۋ جەرلەر بار، جىرتقىش اڭدار بار، ودان قالاي ءوتتىڭىز؟
— ەكى ەمشەگىم ءيىپ، زار ەڭىرەپ جىلاپ كەلە جاتقانىمدا جىرتقىش اڭدار دا، اللا دا راقىم ەتتى. التى مەملەكەتتى جەڭىپ الىپ وتىرعان ءسىز دە ماعان راقىم ەتەرسىز.
ءامىر تەمىر دانىشپان ايەلدىڭ بالاسىن بەرىپ، كوپ ولجامەن ەلىنە اپارىپ سالادى.
You Might Also Like
-
كەيدە جامانشىلىقتىڭ ادامعا بىرىنەن كەيىن ءبىرى جامالار قاسيەتى بولادى. «باقىتسىزدىق كەلدى — قاقپاڭدى اش»—دەگەن ءسوز تەگىننەن-تەگىن ايتىلماسا كەرەك. ال ەگەر شىنىمەن ءبارى قيعاش ...
-
كۇندەردىڭ كۇنىندە ءامىر تەمىر ەل بيلەۋشى بولىپ، جورىققا شىعا باستاعان كەزىندە قوجا احمەت ياساۋي تۇسىندە ايان بەرىپتى. «سەن مەنىڭ باسىما عيمارات تۇرعىز، مەنىڭ ءارۋاعىم سەنى دەمەپ جۇرەدى»، &m...
