InfoHub Logo

اpple كورپوراسياسى 2026 جىلدىڭ سوڭىنا دەيىن اقش نارىعىنا ارنالعان بارلىق iPhone سمارتفوندارىن ءۇندىستاندا قۇراستىرۋدى جوسپارلاپ وتىر. Financial Times باسىلىمىنىڭ دەرەككوزدەرىنە سۇيەنسەك، جىل سايىنعى ءوندىرىس كولەمى 60 ميلليوننان استام قۇرىلعىنى قۇرايدى.

كومپانيانىڭ مۇنداي شەشىم قابىلداۋىنا اقش پەن جۇڭگو اراسىنداعى ساۋدا شيەلەنىسىنىڭ ۋشىعۋى اسەر ەتكەن. جۋىردا اقش پرەزيدەنتى دونالد ترامپ قىتايدان جەتكىزىلەتىن تاۋارلارعا 145% كولەمىندە جاڭا باج سالىعىن ەنگىزەتىنىن مالىمدەدى. ازىرگە ەلەكترونيكا يمپورتى بۇل سالىقتان بوساتىلعانىمەن، ترامپتىڭ ايتۋىنشا، بۇل جەڭىلدىك ۋاقىتشا عانا. سوندىقتان Apple كومپانياسى ءوندىرىس تىزبەگىن ءارتاراپتاندىرۋ ءۇشىن شۇعىل شارالار قابىلداۋعا ءماجبۇر.

دەرەككوزدەردىڭ مالىمەتىنشە، الداعى ءبىر جىل ىشىندە Apple ءۇندىستانداعى ءوندىرىس كولەمىن ەكى ەسەگە ارتتىرۋدى كوزدەپ وتىر. قازىرگى ۋاقىتتا كورپوراسيا ءۇندىستاننىڭ ءىرى وندىرىستىك سەرىكتەستەرى Tata Electronics جانە Foxconn كومپانيالارىمەن بەلسەندى تۇردە جۇمىس ىستەپ كەلەدى.

Appleء-دىڭ بۇل قادامى تەك ءوندىرىستى وڭتايلاندىرۋمەن عانا شەكتەلمەي، ءۇندىستان ەكونوميكاسى ءۇشىن دە جاڭا مۇمكىندىكتەر اشپاق. ساراپشىلاردىڭ پىكىرىنشە، الەمدىك تەحنوگيگانتتىڭ ءوندىرىستى ءۇندىستانعا كوشىرۋى ەلدىڭ تەحنولوگيالىق سەكتورىن ايتارلىقتاي نىعايتادى جانە جاھاندىق ەلەكترونيكا وندىرىسىندە جاڭا تەپە-تەڭدىك قالىپتاستىرۋى مۇمكىن.