InfoHub Logo

(اعا-جەڭگەلەر تىلەگى)

ەكەۋى دە بىردەي جوعارى ءبىلىم الىپ، ەكەۋى دە ادام جانىنا اراشاشى بولار ماماندىقتى ءوز ومىرلەرىنە سەرىك ەتىپ العان، استانا قالاسىندا ەڭبەك ەتىپ جاتقان ءىنىمىز بەن كەلىنىمىزدىڭ ءومىر جولعا بىرگە قادام باسقان تويلارىنىڭ دا، مىنە، بۇگىن ءوسىپ كەلە جاتقان كەيىنگى ۇرپاققا ۇلگى بەرەر شامشىراعى جاعىلعان ءسات. التى اتا الىمنەن وربىگەن اساننىڭ بايمىرزاسىنان تارايتىن وسى ۇيدەگى اعامىز بەن جەڭگەمىزدىڭ، ون ەكى اتا باي ۇلىنىڭ جاپپاس اتتى ىرگەلى ءبىر ەلىنەن وربىگەن قۇدالارىمىزدىڭ كوزىنىڭ قاراشىعىنداي قوس پەرزەنتى بۇگىن باس قوستى. وسىناۋ توي يەلەرىنە قۋانىشتارىڭىز قۇتتى بولسىن دەي وتىرىپ، بۇگىنگى تويدىڭ سەبەپكەرى بولىپ وتىرعان ەكى جاس – ەندىگى وتاعاسى اتانار ءىنىمىز بەن بايمىرزاداي ىرگەلى ەلگە كەلىن بولىپ ءتۇسىپ وتىرعان كەلىنىمىزگە بۇگىنگى كوتەرگەن اق وتاۋلارىڭ قۇتتى بولسىن دەيمىز! بۇگىنگى وزدەرىڭە تاپسىرىلعالى وتىرعان نەكەنىڭ كۋالىگى كۋالاندىراتىن اق نەكەلەرىڭ ءوز ومىرلەرىڭدە قانشالىقتى زاڭدى بولىپ تابىلسا، بولاشاق جۇبايلىق ومىرلەرىڭ دە سونشالىقتى ءماندى بولسىن! ەندىگى وزدەرىڭنىڭ جۇبايلىق ومىرلەرىڭە سەرىك بولعالى تۇرعان نەكەنىڭ قوس جۇزىگى قانشالىقتى ءساندى بولسا، جۇرەكتەگى سەزىمدەرىڭ دە سونشالىقتى ماڭگى بولسىن! بۇگىنگى تويدا اعا-جەڭگە بولىپ تىلەرىمىز: وسى تويدا ايتىلعان بارلىق اق تىلەكتەر سەندەردىڭ كەلەشەك ومىرلەرىڭدى جاقسىلىققا قاراي بىرىكتىرسىن، وتاۋلارىڭا ءاردايىم دا ىرىس پەن ب ا ق، داۋلەت پەن نەسىبە كۇلىپ كىرسىن! اتا-انانىڭ ادال پەرزەنتى بولىڭدار، قۇرعان وتاۋلارىڭنىڭ ىشىنە جۇبايلىق ادالدىقتىڭ شىراعىن جاعىڭدار! ىرىستارىڭ كوبەيە بەرسىن، كەرەگەلەرىڭ كەڭەيە بەرسىن! ءاربىر ىستەگەن ىستەرىڭ بەرەكەلى تابىس بوپ ەلەنە بەرسىن! تاعى دا تىلەرىمىز: بۇگىنگى جاس جۇبايلار بولاشاق ومىرلەرىندە باياندى باقىتقا كەنەلە بەرسىن! بۇگىنگى جاس وتاۋ يەلەرى، قۇرىلعان زاڭدى نەكەلەرىڭ قۇتتى بولسىن!

جەتتى، مىنە، ۇل مەن قىز تاعى باققا،
شىرقالدى اسەم سازدىڭ ءانى باقتا.
سۋمۇرىن جاپپاس ەلىنىڭ ءبىر ەركەسى،
كەلىن بولدى بايمىرزا اتتى شاڭىراققا.

كوڭىلدە سەزىم وتى وياندى شىن،
ايتادى اتا-انا دا اق العىسىن.
قادىرلەپ، قاستەرلەيتىن قۇدالار دا،
ۇزاتىپ بەردى بىزگە اياۋلىسىن.

شاتتىعىن شاڭىراقتىڭ ۇعادى شىن،
سوندىقتان ايتادى جۇرت مىڭ العىسىن.
بۇگىنگى توي يەسى اعا-جەڭگە،
ءبولىستى ەلمەن بىرگە قۋانىشىن.

مۇندايدا شىن تىلەكشى ەكەن ەلىم،
بىلەدى بابا پارىز وتەلەرىن.
جۇبايلار، سەندەرگە ەندى قۇتتى بولسىن،
اق وتاۋ قۇرعان زاڭدى نەكەلەرىڭ!

---