InfoHub Logo

كىتاپ جيعان قازاقتىڭ جيھازى ابايسىز بولماس، ابايى بولماسا ول قازاق ەمەس، جالپى وندايدى سانالى ادام دەۋ قيىن. تورىندە ابايدىڭ كىتابى تۇرعان ءۇيدىڭ ساۋلەسى دە مولىراق. اباي كىتابىنان ەرەكشە ساۋلە شاشىراپ تۇرادى.

سول سياقتى ابايدىڭ كىتابى ۇيىندە تۇرۋ ءبىر باسقا دا، ونىڭ شاپاعاتىنا شومىلۋ ءبىر باسقا.

ونى وقۋ بار دا، ءتۇسىنۋ بار. «ابايدى تانىپ بولدىق پا؟» دەپ گازەت بەكەر جازبايدى. ابايدى كوپ قازاق وقىدى، ءتۇسىنىپ وقيتىندار دا از ەمەس بولار. ال تۇسىنگەنىن بويىنا، مىنەزىنە، ادامگەرشىلىگىنە دارىتىپ جۇرگەندەر كوپ پە؟ مىنە، بۇل ويلاناتىن ماسەلە. ەگەر اركىم اباي ارقىلى اقىلىنا اقىل قوسسا؛ كەز نۇرىنا نۇر قوسىلسا؛ سەزىمىن بايىتا تۇسسە؛ جان دۇنيەسىن، رۋحاني الەمىن راحىمداندىرا بەرسە — شىركىن، وندا ارامدىق، ارىزقويلىق، قىزعانىش،تاكاپپار - تاقاستىق، وتىرىك - وسەك، جالاقورلىق، تاعى نە بار — بارلىق جاعىمسىز قىلىق ارامىزدان ءارقاشان الاستالار ەدى.

---