اقپاراتتىق تەحنولوگيا زامانى
ءيا، قازىرگى زامان، بىلەككە سەنەتىن ەمەس، بىلىمگە سەنەتىن وركەنيەتتى ەل. XXI عاسىر-كوشباسشىلار عاسىرى. وزىق تەحنولوگيالار، تىڭ يدەيالار، تەحنيكا مەن جاڭاشا اقپاراتتىڭ شارىقتاۋ كەزەڭى. "نادان جۇرتتىڭ كۇنى قاراڭ، كەلەشەگى تۇمان"،-دەپ م.دۋلاتوۆ اتامىز ايتقانداي، ەگەمەندى ەلىمىزدىڭ تىرەگى، جارقىن ءبولاشاعى-بىلىمدى ۇرپاق. قاشىقتىقتان وقىتۋدىڭ ءوز الدىنا ەرەكشەلىكتەرى وراسان زور، ءبىلىم بەرۋ دەڭگەيى مەن مازمۇنى، ءبىلىم الۋشىلاردىڭ سانى مەن قۇرامى ءوز الدىنا ۇلكەن مارتەبە. قازىرگى دۇنيەجۇزىندە الدىڭعى قاتارلى دامۋشى ەلدەردىڭ بارلىعى جوعارى دەڭگەيدە، ءوز تاجىريبەلەرى ارقىلى جۇمىس جاساپ، تەحنولوگيانىڭ ءتيىمدى جاقتارىن الدىعا تارتادى. ال وسى تۇستا سونشالىق سان قىرلى، الپاۋىت نارسەلەردى قيىنسىنباي اتقاراتىن وقىتۋشىنىڭ بەرەر باعىت-باعدارى ۇلكەن ءرول اتقارارى ءسوزسىز. قۇرعاق سۋسىز، تاسا كولەڭكەگە ءدان ەكسەڭ ونبەيتىنى سياقتى، جاس ۇرپاقتى، تاربيەلەپ، دارا جول نۇسقاماساق وسپەيدى، ونبەيدى. بۇگىنگى تاڭدا، ياعني قاشىقتىقتان ءبىلىم بەرۋ جۇيەسىندە، ۇلاعاتتى ۇستازداردىڭ الدىندا تۇرعان، كوكەيكەستى ماسەلەلەردىڭ بىرى-شاكىرتتەرىنىڭ شىعارماشىلىق ءبىلىم داعدىسىن، كەڭەيتۋ، ءوربىتۋ.
ەلدىڭ ەرتەڭى ورەسى بيىك، دۇنيەتانىمى كەڭ، كەمەل ويلى ۇرپاققا ۇلتتىق رۋحاني قازىنانى الەمدىك وي-پىكىرىمەن ۇشتاستىرعان، ساپالى ءبىلىم مەن سانالى تاربيە بەرىلۋ كەرەك دەپ تۇسىنەمىن.
بۇگىنگى وركەنيەتتى زاماندا، كىتاپ پەن جاستارعا ورتاق بايلانىسى بار مادەني ورتا ول-كىتاپحانا. كونە جازبالار مەن سوناۋ باعزى زاماننان بەرى باستاۋ الىپ، ۇرپاقتان ۇرپاققا جالعاسىن تاۋىپ كەلە جاتقان كىتاپتار سىقىلدى كىتاپحانانىڭ دا، تاريحى مەن تاعىلىمى سول زاماننىڭ شىندىعىن اشا تۇسكەندەي. وسى تۇستا ءابىش كەكىلبايەۆ اتامىزدىڭ ءسوزى ەسىمە ورالا ءتۇستى "«مەن كىتاپحانانى ءاقىل-بىلىم، ادامگەرشىلىك ورداسى دەپ بىلەمىن. ال كىتاپحاناشىلاردى ەشقاشان جوعالماۋعا ءتيىستى سول اسىل قازىنانىڭ ساقشىلارى سانايمىن» دەپ بەكەر ايتپاسا كەرەك. رۋحاني ءبىلىمنىڭ، قۇندىلىقتىڭ، مادەنيەتتىڭ ورداسى-كىتاپحانا ەشقاشان دا ءمانى مەن ماڭىزدىلىعىن جويعان ەمەس.
كىتاپ وقۋ رۋحاني جاعىنان جەتىلۋگە عانا ەمەس، شىعارماشىلىق تۇرعىدان بولسىن جانە دە ءتان ساۋلىعىنا دا ۇلكەن سەپتىگىن تيگىزەدى.. كىتاپ وقۋدىڭ پايداسى-ۇزاق ءومىر سۇرۋگە جەتەلەيدى، ميدىڭ ۇزدىكسىز باعىتتا جۇمىس ىستەۋىن قالىپتاستىرادى
كىتاپتى ءسۇيىپ وقيىق، بىلىمگە ۇمتىلايىق!
You Might Also Like
-
قالماق حانى عالدان سەرەن قايتىس بولدى. ەجەلگى ءداستۇر بويىنشا حان تاعىنا ونىڭ جۇراعاتتارىنىڭ ءبىرى يە بولۋعا ءتيىس. عالداننىڭ ءامىرسانادان باسقا بالاسى جوق، ارينە مۇراگەر سول عانا. ءبىراق ەل بۇل ءداستۇرد...
-
عالامدا ون سەگىز مىڭ جان بولىپتى، بۇل ءسوزىم بىلگەندەرگە تاڭ بولىپتى. الەۋمەت، قۇلاق سالىپ تىڭداساڭىز، قازاقتا ابىلايداي حان بولىپتى.
