اقپاراتتىق تەحنولوگيالار ارقىلى يننوۆاسيالىق ادىستەردى قولدانۋ بويىنشا ساباقتى ءوتۋ ءادىسى
ءححى عاسىر – جاڭا تەحنولوگيا مەن اقپاراتتاندىرۋ عاسىرى. بارلىق سالا كومپيۋتەرلەندىرىلە باستادى. سونىمەن بىرگە ەلىمىزدىڭ ەرتەڭى بولار جاس ۇرپاق كومپيۋتەردى تەرەڭ مەڭگەرۋى ءتيىس. اقپاراتتىق-كوممۋنيكاسيالىق تەحنولوگيانى دامىتۋ - ءبىلىم بەرۋدىڭ ءبىر بولىگى.
سوڭعى جىلدارى زامان اعىمىنا ساي ءبىلىم بەرۋ جۇيەسى ەلەكتروندىق بايلانىس، ونلاين ساباقتار ارقىلى ىسكە اسىرىلۋدا. كۇندەلىكتى ساباقتا كومپيۋتەر، ەلەكتروندىق وقۋلىق، ينتەراكتيۆتى تاقتا، ينتەرنەت قولدانۋ جاقسى ناتيجە بەرۋدە.
ينتەراكتيۆتىك وقىتۋ تەحنولوگياسى – بۇل ۇجىمدىق، ءوزىن-وزى تولىقتىراتىن، بارلىق قاتىسۋشىلاردىڭ ءوزارا ارەكەتىنە نەگىزدەلگەن، وقۋ ۇردىسىنە وقۋشىنىڭ قاتىسپاي قالۋى مۇمكىن بولمايتىن وقىتۋ ءۇردىسىن ۇيىمداستىرۋ بولىپ تابىلادى...
ءاربىر وقۋشىنىڭ وزدىگىنەن ءبىلىم الۋىنىڭ مەنشىكتى تراەكتورياسىن قامتاماسىز ەتەتىن ءبىلىم بەرۋدىڭ اشىق جۇيەسىن قۇرايدى، اقپاراتپەن جۇمىس ىستەي الۋ بىلىمدىلىگىن قالىپتاستىرادى جانە قاتىناس جاساۋ قابىلەتىن دامىتادى، تانىم پروسەسىن ۇيىمداستىرۋدى ونى جۇيەلى ويلاۋ جاعىنا جىلجىتۋ جولىمەن تۇبەگەيلى وزگەرتەدى. وقۋ پروسەسىندە وقۋشىلاردىڭ تانىمدىق ىس-ارەكەتىن قولايلى ۇيىمداستىرۋعا مۇمكىندىك تۋعىزادى، جاڭا تانىم قۇرالدارىن پايدالانۋعا جانە ۇيىمداستىرۋعا جاعداي جاسايدى، ءبىلىم بەرۋدى اقپاراتتىق-ادىستەمەلىك تۇرعىدا قامتاماسىز ەتەدى.
ءار وقىتۋشى ساباق وتكىزگەن كەزدە وقۋشىلارعا ساپالى ءبىلىم بەرۋ ءۇشىن جاڭا تەحنولوگيالاردى پايدالانا وتىرىپ، سونىمەن قاتار كومپيۋتەردى، ەلەكتروندىق وقۋلىق پەن ينتەراكتيۆتى تاقتانى قولدانۋ ارقىلى ءبىلىم بەرسە، وقۋشىلاردىڭ قىزىعۋشىلىعى ارتا تۇسەرى انىق.
ينتەراكتيۆتى تاقتا - توپتاعى وقۋشىلاردىڭ بارلىعىن وقىتۋ ءۇشىن جاقسى قۇرال. جاڭا ماتەريالدى وتە قىزىقتى جانە قارقىندى ەتىپ تۇسىندىرۋگە كومەكتەسەتىن كوزگە كورىنەتىن قۇندى قۇرال. ونىڭ اقپاراتتى ءتۇرلى مۋلتيمەديالىق رەسۋرستار كومەگى ارقىلى تانىسۋعا مۇمكىندىگى زور. ول سىزبالاردى ءتۇسىندىرۋدى جەڭىلدەتىپ، قيىن ماسەلەردى شەشۋگە كومەكتەسە الادى. وقىتۋشىلار وزدەرىنىڭ جاڭا ويلارىن، يدەيالارىن اسەرلى، تارتىمدى ەتىپ كورسەتۋ ءۇشىن وسى تاقتانى قولدانسا ماقساتتارىنا جەتەدى. بۇل تاقتادا وقىتۋشىلارمەن جاڭا ماتەريالدى بىرىگىپ تالداۋعا مۇمكىندىگى زور.
ينتەراكتيۆتى تاقتا توپتاعى بارلىق وقۋشىلاردىڭ باستى نازارىنا اينالادى . ال ەگەر دە كەرەكتى ماتەريالدىڭ بارلىعى الدىن الا دايىندالىپ، تۇسىنۋگە وڭاي بولسا، ساباقتىڭ جاقسى قارقىندى ءوتۋىن قامتاماسىز ەتەدى.
«قازىرگى زاماندا جاستارعا اقپاراتتىق تەحنولوگيامەن بايلانىستى الەمدىك ستاندارتقا ساي مۇددەلى جاڭا ءبىلىم بەرۋ وتە قاجەت» دەپ،
ەلباسى اتاپ كورسەتكەندەي جاس ۇرپاققا ءبىلىم بەرۋ جولىندا ينتەراكتيۆتى تەحنولوگيانى وقۋ ۇردىسىندە وڭتايلاندىرۋ مەن تيىمدىلىگىن ارتتىرۋدىڭ ماڭىزى زور.
قازىرگى زامانعى اقپاراتتىق تەحنولوگيالار ءاربىر وقۋشىنىڭ ءبىلىم بەرۋ ۇردىسىنە شىعارماشىلىق قابىلەتىن دامىتۋعا ايقىن مۇمكىندىكتەر بەرەدى.
سونداي-اق ىزدەنۋگە، ءوز جۇمىسىنىڭ ناتيجەسىن كورىپ، ءوز وزىنە سىن كوزبەن قاراۋىنا جانە جەتكەن جەتىستىگىنەن ءلاززات الۋعا مۇمكىندىك بەرەدى.
ول ءۇشىن ءمۇعالىم وتكىزەتىن ساباعىنىڭ ءتۇرىن دۇرىس تاڭداي ءبىلۋى قاجەت.
ساباقتى دۇرىس جوسپارلاپ، ماقساتىن ناقتى بەلگىلەپ، ساباقتىڭ مازمۇنىن، قۇرىلىسىن، دالدىگىن، جۇمىس جۇرگىزۋ ءتاسىلىن مۇقيات ويلاستىرۋى قاجەت.
قورىتىندى: قورىتا ايتقاندا، جوعارى سىنىپتا جاڭا اقپاراتتىق تەحنولوگيالاردى، يننوۆاسيالىق ءادىس – تاسىلدەردى پايدالانۋ - ءبىلىم ساپاسىن ارتتىرۋدىڭ بىردەن – ءبىر جولى. وقىتۋ ۇردىسىندە وقۋشىلاردىڭ ءبىلىم قورىن مولايتۋعا، بەلسەندىلىگىن ارتتىرۋعا، شىعارماشىلىق قابىلەتتەرىن جەتىلدىرۋگە كومەگى بار.
وقۋشىلاردى شىعارماشىلىققا، ءوز بەتىمەن ىس-ارەكەت ەتۋگە، ءوز پىكىرىن ايتا الاتىن، ونى دالەلدەي بىلەتىن، ومىرگە دەگەن وزىندىك كوزقاراسى قالىپتاسقان، ۇنەمى ىزدەنىس ۇستىندە بولاتىن،قوعام دامۋىنا ۇلەس قوسا الاتىن، جان-جاقتى جەتىلگەن جاس ۇرپاق وكىلدەرىن دايىنداي الامىز.
You Might Also Like
-
قازاق حالقىنا كەڭىنەن تانىمال كوركەم جىرلاردىڭ ءبىرى — «قىز جىبەك» جىرى. قازاق حالقىنىڭ ءسالت-داستۇرى مەن ادەت-عۇرپىن، دۇنيەگە كوزقاراسىن، ۇعىمىن بىلدىرەتىن اڭگەمە.
