اقساق قۇلا (ءىى نۇسقا)
كىشى جۇزدەگى ون ەكى اتا باي ۇلىنىڭ ءبىر بۇتاعى اداي بولعاندا، ادايدان تارايتىن ىرگەلى رۋلاردىڭ ءبىرى قىرىقمىلتىق دەپ اتالادى. سول قىرىقمىلتىقتىڭ ءبىر تارماعى مۇقالدىڭ ىشىندە قاراباس دەگەن ءقادىرلى ادام وتكەن. قاراباس دۇنيە سالعاندا ءۇش ءجۇزدىڭ بىر-بىرىمەن قۇلاقتاس ادامدارى تەگىس كۇيزەلىپ ەدى دەيدى.
قاراباس بالالارى اكەسىنىڭ اسىن الشىننىڭ جۋان ورتاسى دەپ قۇماۋىتتا وتكىزىپتى. ءۇش جۇزگە ساۋىن ايتىپ، باس بايگەگە ەلۋ تۇيە، ەكى ءجۇز ەلۋ قوي تىگەدى.
قاراباستىڭ اسىندا ءۇش ءجۇزدىڭ نەبىر ءنانتالاپ ىعاي-سىعايلارىنان باسقا، قاتىسام دەگەن ۇمىتكەرلەردىڭ دە بەتىن قاقپايدى. سونداي ۇمىتكەرلەردىڭ ءبىرى تابىن اتا ەلىنەن كەلگەن جۇبان دەگەن جىگىت ەكەن. ءمىنىپ كەلگەن قۇلا قاسقا اتىنىڭ قولداۋى ءتۇسىپ، سىلتي باسىپ كەلگەنىنە قاراماي بايگەگە قوساتىنىن بىلدىرەدى. جۇرت ىشىندە جۇباندى قىجىرتا كەمسىتىپ، ءاجۋا ەتۋشىلەر دە بولادى. جۇبان مۇنىڭ ءبىرىن ەلەمەي، قۇلا قاسقاسىن تاۋەكەل دەپ بايگەگە قوسادى.
ۇزىن سانى الپىسقا تارتا بايگە اتتارىنىڭ ىشىندە جۇباننىڭ اقساق قۇلاسى جالعىز قارا بولىپ ءبىرىنشى كەلەدى.
وسى وقيعانى كوزىمەن كورىپ، كوڭىلىنە توقىعان سارىمالاي سىبىزعىسىنا كۇي ەتىپ تارتقان ەكەن.
You Might Also Like
-
قورقىنىش-جارقىن جولعا توسقاۋىل قوياتىن اۋىرتپالىق.ەگەر بويىڭىزداعى وسى ءبىر جاعىمسىز اسەرمەن قوشتاسقىڭىز كەلسە، تومەندەگى كەڭەستەردى ورىنداڭىز:
-
شۋ وزەنىنىڭ باس جاعىن مەكەندەيتىن ۇلى جۇزدەن شىققان ورتا شارۋاسى بار ءبىر ادام مۇقتاجسىز ءومىر ءسۇرىپتى. اقكوڭىل، قولى اشىق بولعاندىقتان اۋىلداستارى ونى «جومارت» اتاپ كەتىپتى. ءبىراق بالاسى...
