بويىڭىزداعى قورقىنىشپەن قوشتاسىڭىز
قورقىنىش-جارقىن جولعا توسقاۋىل قوياتىن اۋىرتپالىق.ەگەر بويىڭىزداعى وسى ءبىر جاعىمسىز اسەرمەن قوشتاسقىڭىز كەلسە، تومەندەگى كەڭەستەردى ورىنداڭىز:
قورقىنىشتى ما؟ ارتقا شەگىنبەڭىز!
ءسىز بيىكتەردەن كورىنىپ، جەتىستىككە جەتۋدى قالاعان ساتتە ىشكى قورقىنىش ماقساتتارىڭىزدى تەجەپ، سەنىمدىلىكتى جويادى.سول سەبەپتى ۋاقىتىڭىزدى قورقىنىشقا بوي الدىرىپ وتكىزبەڭىز، جوسپارلارىڭىزدى جۇزەگە اسىرۋدان تانباڭىز.
قورقىنىشپەن جۇزبە-جۇز كەزدەسەر بولساڭىز، ىشكى سەزىمىڭىزدىڭ ايداعانىمەن جۇرەسىز.الايدا، قورقىنىشتى جەڭۋ ارقىلى جاڭا بەلەسكە جەتەسىز.
وتكەنىڭىزدى ۇمىتىڭىز
كەيبىر ساتتەردە قيىنشىلىقتى نەمەسە ساتسىزدىكتى باستان كەشىرىپ، بار اۋىرلىقتى جۇرەك تۇبىندە ساقتايمىز.بالكىم، ءسىز وتكەندى وتكەرۋگە بەل شەشە كىرىسكەن بولارسىز.ءبىراق ناتيجە جوق! بۇل ءسىزدىڭ جەڭىلىسىڭىزدىڭ بەلگىسى ەمەس! ءسىز ساتسىزدىكتەردى ەسكە العان سايىن قورقىنىش سەزىمى مازداپ، لاجسىزدان ءوز ماقساتىڭىزدان باس تارتاسىز.سىز-ەرەكشە ءارى باتىل جانسىز.ەگەر ارمانىڭىزدىڭ ورىندالمايتىنىنا سەنەر بولساڭىز، قورقىنىشپەن كۇرەسە المايسىز!
كەدەرگىلەر مەن سىلتاۋدى ىزدەستىرۋدى دوعارىڭىز
"بۇل تىم قيىن"، "مەن شارشادىم"، "مەنىڭ ۋاقىتىم از". بۇل سوزدەر بۇگىندە جانىڭىزعا جارا سالماعانىمەن، كەيىننەن وپىق جەۋىڭىزگە الىپ كەلەدى.كەدەرگىلەر مەن سىلتاۋلاردى ىزدەستىرگەن سايىن كەلەسى قيىندىققا تاپ بولاسىز.بويىڭىزداعى جالقاۋلىقتى جەڭىپ، تۇيمەدەيدى تۇيەدەي ەتپەي، العا جىلجىڭىز!
اسىعىس شەشىمدەر مەن وزگەلەردىڭ پىكىرىمەن ساناسپاڭىز
كەيدە بارلىق ىس-ارەكەتتەرىمىز ءبىز ويلاعانداي ورىندالماي جاتادى.ءبىز ماقساتىمىزدان تايىپ، كۇرەسۋگە كۇش-جىگەر ىزدەستىرەمىز.ال بىرنەشە ۋاقىت وتكەن سوڭ ارمانىڭىزدىڭ ايقىندىلىعىن سەزىنەسىز.وتكەن ساتسىزدىكتەردى قازبالاۋدان ساقتانىڭىز.مۇمكىن، ءسىز وسى ارقىلى جاڭا جەتىستىكتەرمەن قاۋىشارسىز.
ءبىر ناتيجەمەن شەكتەلمەڭىز، مۇمكىندىكتى باعالاڭىز
بەلگىلى ءبىر قورىتىندى شىعارۋ جولىندا اسىعىستىق تانىتىپ، ۋاقىت جوعالتاتىنىمىز حاق.ماسەلەنىڭ ءمانىسى مىنادا:قايتالانباس ساتتەرمەن قوش ايتىسىپ، مۇمكىنشىلىكتەرىڭىزدەن ايرىلىپ قالعانىڭىز ءۇشىن قورقىنىش سەزىمىن تۋدىراسىز.
جەڭىس پەن جەڭىلىس-ومىرىمىزدىڭ باستى شارتى.عۇمىرىمىز-ساياحات ىسپەتتەس، سوندىقتان دا بىزدەر ءۇشىن ناتيجە ەمەس، قورقىنىشىمىزدى جەڭۋ جولىنداعى جاساعان ارەكەتتەرىمىز ماڭىزدى!
ارۋجان ساميدين
You Might Also Like
-
ەرەكشە بەزدەر شىعارىپ، قۇلاق ءىنىنىڭ باسىندا كوبەيەءتىن قۇلاق قۇلىعى ءىس جۇزىندە پايدالى زات. ول سىرتتان كىرەتىن شاڭدى ۇستاپ، قۇلاق شىمىلدىعىنا قاراي جىبەرمەيدى. الايدا سەرۋمينوز بەزدەرى تىم...
-
كىشى جۇزدەگى ون ەكى اتا باي ۇلىنىڭ ءبىر بۇتاعى اداي بولعاندا، ادايدان تارايتىن ىرگەلى رۋلاردىڭ ءبىرى قىرىقمىلتىق دەپ اتالادى. سول قىرىقمىلتىقتىڭ ءبىر تارماعى مۇقالدىڭ ىشىندە قاراباس دەگەن ءقادىرلى ادام ...
