سوڭعى جاڭارتۋ

(وزگەرتىلگەن ۋاقىتى 1 كۇن بۇرىن)
«جاڭاشىل ءمۇعالىم-2020» بايقاۋى

2019 جىلى 11 جەلتوقساندا «Bilim Media Group» كومپانياسىنىڭ ۇيىمداستىرۋىمەن شىعارماشىل ءارى جاڭاشىل ۇستازدارعا ارنالعان رەسپۋبليكالىق «جاڭاشىل ءمۇعالىم-2020» بايقاۋى باستالدى. بايقاۋدىڭ ماقساتى — ءبىلىم بەرۋ سالاسىندا اكت-نى دامىتىپ، قولدانىسقا ەنگىزىپ جۇرگەن پەداگوگتەرگە قولداۋ كورسەتۋ جانە ولاردىڭ الەۋمەتتىك جانە كاسىبي بەدەلىن ارتتىرۋ.

وسىمەن التىنشى مارتە وتكىزىلىپ وتىرعان بايقاۋعا ەلىمىزدىڭ بارلىق ايماعىنداعى مەكتەپكە دەيىنگى، باستاۋىش جانە ورتا ءبىلىم بەرۋ مەكەمەلەرىنىڭ (ورتا مەكتەپ، گيمنازيا، ليسەي، كوللەدج، سابيلەر بالاباقشاسى، بالاباقشا ورتالىقتارى، شاعىن ورتالىقتار) وقىتۋشىلارى مەن تاربيەشىلەرى قاتىسا الادى. بايقاۋعا قازاق، ورىس، اعىلشىن تىلدەرىندە جىبەرىلگەن جۇمىستار قابىلدانادى.

بايقاۋ جۇمىستارىنا قويىلاتىن باستى تالاپ — ءبىلىم بەرۋ مەن تاربيەلەۋدە اكت-نى، BilimLand رەسۋرستارىن ۇتىمدى قولدانا ءبىلۋ. سونداي-اق جۇمىستاردىڭ وزەكتىلىگى، مازمۇندىلىعى، ناتيجەلىلىگى مەن كورنەكىلىگى جانە جۇمىس ساپاسىنىڭ كوركەمدىك ءارى تەحنيكالىق تۇرعىداعى جوعارى بولۋىنا ءمان بەرىلەدى.

ەكى كەزەڭنەن تۇراتىن بايقاۋ كەلەسى اتالىمدار بويىنشا وتەدى:

1. ساباقتاعى اقپاراتتىق-كوممۋنيكاسيالىق تەحنولوگيالار؛

2. تاربيە ساعاتىنداعى اقپاراتتىق-كوممۋنيكاسيالىق تەحنولوگيالار؛

3. اقپاراتتىق-كوممۋنيكاسيالىق تەحنولوگيالاردى قورىتىندى اتتەستاتتاۋ مەن ۇبت-عا دايىندىقتا قولدانۋ؛

4. شاعىن جيناقتى مەكتەپتەگى (شجم) اقپاراتتىق-كوممۋنيكاسيالىق تەحنولوگيالار؛

5. مەكتەپكە دەيىنگى ءبىلىم بەرۋدەگى اقپاراتتىق-كوممۋنيكاسيالىق تەحنولوگيالار.

بۇعان دەيىن بايقاۋ ءتورت اتالىم بويىنشا ءوتىپ كەلگەن. بيىلعى جىلى بالاباقشا تاربيەشىلەرىنىڭ اكت قۇزىرەتتىلىگىن ارتتىرۋ ماقساتىندا «مەكتەپكە دەيىنگى ءبىلىم بەرۋدەگى اقپاراتتىق-كوممۋنيكاسيالىق تەحنولوگيالار» دەپ اتالاتىن جاڭا اتالىم قوسىلدى.

بايقاۋعا جىبەرىلگەن جۇمىستارعا تاجىريبەلى پەداگوگ-ادىسكەرلەر مەن Bilim Media Group كومپانياسىنىڭ باسشىلىعىنان قۇرالعان تاۋەلسىز ساراپتامالىق كوميسسيا باعا بەرەدى.

بايقاۋدىڭ جۇلدە قورى — 2 500 000 تەڭگە.

جەڭىمپازدار وقۋ جىلىنىڭ اياقتالۋىنا ارنالعان سالتاناتتى جيىندا رەسمي تۇردە ديپلومدارمەن ماراپاتتالادى، سونداي-اق ولاردىڭ اتى-جوندەرى bilimland.kz سايتىنداعى ارنايى بلوگتا جاريالاناتىن بولادى. ال بايقاۋ تۋرالى تولىق اقپاراتتى bilimland.kz سايتىنان جانە الەۋمەتتىك جەلىدەگى پاراقشالارىمىزدان (vk، facebook، instagram) وقي الاسىزدار.

Bilimland.kz ءبىلىم بەرۋ پلاتفورماسىن بەلسەندى پايدالاناتىن ءبىلىم جانە تاربيە بەرۋ مەكەمەلەرىنىڭ بارشا قىزمەتكەرىن «جاڭاشىل ءمۇعالىم-2020» بايقاۋىنا قاتىسۋعا شاقىرامىز!


You Might Also Like

جاڭالىقتار

جارناما