رەسەي ەاەو ەلدەرىنە كولىكتىڭ الدىڭعى اينەكتەرىن قاراڭعىلاتۋعا رۇقسات بەرۋدى ۇسىنىپ وتىر
رەسەي ەاەو ەلدەرىنە كولىكتىڭ الدىڭعى اينەكتەرىن قاراڭعىلاتۋعا رۇقسات بەرۋدى ۇسىنىپ وتىر،-دەپ حابارلايدى ينفوحاب.كز ۇشقىنعا سىلتەپ.
رەسەي فەدەراسياسى ەۋرازيالىق ەكونوميكالىق وداق ەلدەرىنە كولىكتىڭ الدىڭعى تەرەزەلەرىن كۇڭگىرتتەۋگە رۇقسات بەرۋ ماسەلەسىن قاراستىرۋدى ۇسىندى. بۇل تۋرالى مەملەكەتتىك دۋما دەپۋتاتى، ەڭبەك جانە الەۋمەتتىك ساياسات كوميتەتىنىڭ ءتوراعاسى ياروسلاۆ نيلوۆ ەەك القاسىنىڭ ءتوراعاسى باقىتجان ساعىنتايەۆقا جولداعان حاتىندا ايتىلعان.
دەپۋتاتتىڭ ايتۋىنشا، ەاەو اۋماعىنداعى جاز مەزگىلىندەگى ىستىق اۋا رايى — جۇرگىزۋشىلەر ءۇشىن ايتارلىقتاي قولايسىزدىق تۋعىزاتىن فاكتورلاردىڭ ءبىرى. كۇن ساۋلەسىنىڭ تىكەلەي ءتۇسۋى سالوندا تەمپەراتۋرانى كۇرت جوعارىلاتىپ، جۇرگىزۋشىنىڭ نازارىن الاڭداتىپ، جول قاۋىپسىزدىگىنە كەرى اسەرىن تيگىزۋى مۇمكىن.
نيلوۆ قازىرگى جاعدايدا الدىڭعى تەرەزەلەردى تولىقتاي قاراڭعىلاتۋعا ەمەس، ەڭ بولماعاندا جارىقتى ءىشىنارا سۇزگىلەيتىن قورعانىش جاپسىرمالاردى زاڭداستىرۋدى ۇسىنىپ وتىر. ول بۇل باستاما جۇرگىزۋشىلەردىڭ جايلىلىعى مەن قوزعالىس قاۋىپسىزدىگىن ارتتىرادى دەپ ەسەپتەيدى.
ايتا كەتەيىك، قازاقستاندا كولىكتىڭ الدىڭعى اينەكتەرىن قاراڭعىلاۋ زاڭمەن شەكتەلگەن. جول قوزعالىسى ەرەجەلەرىنە سايكەس، بۇل تالاپتى بۇزعاندارعا ايىپپۇل سالىنادى جانە كولىك زاڭسىز جابدىقتالعان دەپ ەسەپتەلەدى.
ەەك بۇل ۇسىنىسقا قاتىستى رەسمي پىكىر بىلدىرگەن جوق.
You Might Also Like
-
تۇركىستان وبلىسىندا 9-سىنىپ وقۋشىسىنان بالا تۋىلدى: 23 جاستاعى ەر ادام كۇدىكتى رەتىندە ۇستالدى— دەپ حابارلايدى Infohub.kz ءتىلشىسى.
-
شىمكەنت قالاسىندا ءبىر اي كولەمىندە ونعا جۋىق ۇيگە ءتۇسىپ، ءىرى كولەمدە التىن بۇيىمداردى جىمقىرعان پاتەر ۇرىلارى قولعا ءتۇستى. بۇل تۋرالى Polisia.kz حابارلادى.
