InfoHub Logo

اقتاۋدا بۇگىن ماڭعىستاۋ وبلىستىق سوتى مەن ش.ەسەنوۆ اتىنداعى كاسپيي مەملەكەتتىك تەحنولوگيا جانە ينجينيرينگ ۋنيۆەرسيتەتىنىڭ وكىلدەرى اراسىندا ىنتىماقتاستىق تۋرالى مەموراندۋمعا قول قويىلدى.

قول قويىلعان قۇجاتقا سايكەس، ۋنيۆەرسيتەتتەگى زاڭ فاكۋلتەتىنىڭ ستۋدەنتتەرى وبلىستىق سوتتا 100% تاجىريبەدەن ءوتىپ، ولارعا جۇمىسقا ورنالاسۋعا مۇمكىندىك بەرىلەدى. سونداي-اق، 8 سۋديا، سونىڭ ىشىندە ماڭعىستاۋ وبلىستىق سوتىنىڭ ءتوراعاسى جاقسىلىق الانوۆ ستۋدەنتتەرگە ءبىر اي بويى ءدارىس وقيدى.

مەموراندۋمعا ماڭعىستاۋ وبلىستىق سوتىنىڭ ءتوراعاسى جاقسىلىق الانوۆ، ش.ەسەنوۆ اتىنداعى كاسپيي مەملەكەتتىك تەحنولوگيا جانە ينجينيرينگ ۋنيۆەرسيتەتىنىڭ رەكتورى ادىلبەك بوتابەكوۆ قول قويدى.

«مەموراندۋمعا قول قويۋ - ستۋدەنتتەر دايىنداۋدا ماڭىزدى قادام بولىپ تابىلادى. بۇل وقۋ-تاربيە ۇردىسىندە سوت تورەلىگى بويىنشا عىلىمي زەرتتەۋلەردى جۇزەگە اسىرۋدا ماڭىزدى ءرول اتقارادى. بۇل تۋرالى ستۋدەنتتەرگە كەڭىرەك ءدارىس بارىسىندا ايتاتىن بولامىز. وقۋ جانە وندىرىستىك تاجىريبە، جۇمىسقا ورنالاستىرۋ، پرەسس-تۋرلار ۇيىمداستىرۋ ماسەلەلەرى توڭىرەگىندە جۇمىس جاسايمىز. سونداي-اق، ستۋدەنتتەردى كەڭسە، سوت ۇردىستەرىنىڭ اۋديو- ۆيدەوفيكساسياسى جانە باسقا دا جۇمىستارمەن تانىستىرۋ ءۇشىن اۋداندىق جانە قالالىق سوتتارعا ەكسكۋرسيا ۇيىمداستىرۋ قاراستىرىلعان»، - دەدى ماڭعىستاۋ وبلىستىق سوتىنىڭ ءتوراعاسى ج. الانوۆ.

---