ماڭعىستاۋدىڭ بەينەۋ اۋدانىندا بيولوگيا ءپانى ءۇش تىلدە وقىتىلادى
ماڭعىستاۋ وبلىسىنىڭ بەينەۋ اۋدانىنا جۇمىس ساپارىمەن بارعان وبلىس اكىمى ەرالى توعجانوۆ ءبىلىم بەرۋ نىساندارىن، ونىڭ ىشىندە بەينەۋ اۋىلىنداعى 320 ورىندىق «كۇيكەن» ورتا مەكتەبىنە، 80 ورىندىق «بولاشاق» بالاباقشاسىنا باردى، - دەپ «قازاقپارات» حابارلايدى.
مۇندا 23 بالاباقشا بار. وندا 2441 بالا تاربيەلەنۋدە. 3-تەن 6-عا دەيىنگى جاستاعى بالالاردى ءبىلىم جانە تاربيەمەن قامتۋ 91،1%-دى قۇرايدى.
بەينەۋ جانە بورانقۇل اۋىلدارىندا 150 ورىندىق بالاباقشا سالۋعا جوبالاۋ-سمەتالىق قۇجاتتارى ازىرلەنۋدە. ونى مەملەكەتتىك-جەكە ارىپتەستىك تەتىگى بويىنشا جۇزەگە اسىرۋ قاراستىرىلۋدا.
ءوڭىر باسشىسى بەينەۋ گيمنازياسىنىڭ قىزمەتىمەن تانىستى. پەداگوگتار 13 «التىن بەلگى» يەگەرى بار ەكەنىن ايتتى.
«ءبىلىم ساپاسى جوعارى دەڭگەيدە. 330 وقۋشى 2 اۋىسىمدا ءبىلىم الادى. تۇسكەن كەزدە ەمتيحان تاپسىرادى. ءقازىر ەكسپەريمەنتالدىق باعدارلاما ازىرلەۋگە كىرىسىپ جاتىرمىز. بيولوگيا ءۇش - قازاق، ورىس، اعىلشىن تىلىندە وتەدى»، - دەدى گيمنازيا ديرەكتورى بولات دوسانوۆ.
اۋدان بويىنشا ەكى مەكتەپتە ءۇش ءتىلدى وقىتۋعا كوشۋ بويىنشا پيلوتتىق جوبا ىسكە اسىرىلۋدا. وتكەن جىلى 102 ۇستاز جاڭارتىلعان ءبىلىم بەرۋ مازمۇنى بويىنشا كۋرس وقىدى. بيىل 305 پەداگوگ وقىتىلادى. اۋداندا 26 مەكتەپتىڭ بارلىعى كەڭ جولاقتى ينتەرنەتپەن قامتىلعان.
«بەينەۋ مەكتەپتەرى باسقا اۋداندارعا ساپالى ءبىلىم بەرۋدى دۇرىس ۇيىمداستىرۋ جاعىنان ۇلگى بولۋى ءتيىس. ءۇش تىلدىلىك ءبىلىم بەرۋدى ەنگىزۋدى جالعاستىرۋ قاجەت. فيزيكا، حيميا كابينەتتەرىنىڭ زەرتحانالارىنا جاڭا جابدىق ورناتىپ، مەكتەپتەردە پراكتيكالىق ساباقتار وتكىزۋگە ارنالعان شىعىن سمەتاسىن ۇسىنۋدى تاپسىرامىن»، - دەپ اتاپ ءوتتى ءوڭىر باسشىسى.
You Might Also Like
-
بۇگىنگى كۇنى نارىقتا ەتكە دەگەن سۇرانىس قىزىپ تۇرعان ۋاقىتتا قوي ءوسىرۋدىڭ ەكونوميكالىق تيىمدىلىگى باسقا مال شارۋاشىلىعىنا قاراعاندا الدەقايدا جوعارى. ويتكەنى، ەلىءمىزءدىڭ وڭتۇستىك جانە...
-
Delphi7 باعدارلامالاۋ ورتاسىندا بىرنەشە مالىمەتتەر قورىنا قاتىناۋ مەحانيزمدەرى بار: InterBase، Informix، IB Server، BDE، ODBC جانە دە ADO تەحنولوگياسى. سولاردىڭ ىشىنەن ءبىرازىنا توقتالىپ وتەيىك.
