اقيىق اقىن - مۇقاعالي ماقاتايەۆ
2021 جىلدىڭ 15 ساۋىرىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا جانە ساياساتتانۋ فاكۋلتەتىنىڭ ستۋدەنتتەرىمەن (ۇيىمداستىرۋشىلار گ.قوزعامبايەۆا، ءدىنتانۋ ماماندىعىنىڭ 1ء-شى كۋرس ستۋدەنتتەرى) ونلاين فورماتىندا مۇقاعالي ماقاتايەۆقا ارناپ تاربيە ساعاتىن ءوتتى.
ءىس-شارا بارىسىندا ستۋدەنتتەر اقىننىڭ بالالىق شاعىنان باستاپ شىعارماشىلىق ومىرىنە دەيىن ايقىنداپ ، توقتالىپ ءوتتى.
ماقاتايەۆ قازاقستاننىڭ ۇلتتىق مادەنيەتى مەن ونەرىنە زور ۇلەس قوستى. اقىن شىعارماشىلىعىنىڭ باستى تاقىرىبى: تۋعان ولكەسى، وتانى، قازاق حالقىنىڭ تاريحى، اناعا، ومىرگە سۇيىسپەنشىلىك، قورشاعان الەمگە قۇشتارلىق، مەيىرىمدىلىك، ايەلگە ماحاببات تۋرالى. اقىن قىسقا ومىرىندە، سوڭىنا جارقىن پوەتيكالىق ءىز قالدىردى. ول 1976 جىلى قايتىس بولدى. 1981 جىلى مۇقاعالي ەسىمى كوشە اتاۋىنا بەرىلىپ، ول تۇرعان ۇيگە مەموريالدىق تاقتا ورناتىلدى. 1985 جىلى قازاقستان جازۋشىلارى وداعىنىڭ باستاماسىمەن ۇزدىك ادەبي شىعارما اۆتورلارىنا م. ماقاتايەۆ اتىنداعى سىيلىق تاعايىندالدى.
ال، 2002 جىلى الماتى قالاسىنداعى ماقاتايەۆ جانە جەلتوقسان كوشەلەرىنىڭ قيىلىسىنداعى گۇلزارعا اقىننىڭ قولا ەسكەرتكىشى ورناتىلدى. رەسپۋبليكا بويىنشا مەكتەپتەرگە، سكۆەرلەرگە، ساياباقتارعا ماقاتايەۆ ەسىمى بەرىلگەن. 2000 جىلى مۇقاعاليدىڭ «امانات» اتتى كىتابى قازاقستاننىڭ مەملەكەتتىك سىيلىعىنا يە بولدى. ال بيىل اقيىق اقىننىڭ تۋعانىنا 90 جىل تولىپ وتىر. سوڭعى كەزدەرى اقيىق اقىننىڭ مەرەيتويلارى مەن تۋعان كۇنىنە ارنالعان يگى شارالار ءجيى وتكىزىلىپ ءجۇر.
وزىنەن كەيىنگى ۇرپاقتارىنا باعا جەتپەس رۋحاني قازىنا قالدىرىپ، ماڭگىلىك مۋزاعا اينالعان مۇقاعالي ماقاتايەۆتىڭ ەرەن ەسىمى مەن مول عيبرات، تاۋسىلماس تالىم-تاربيە الارلىق تۋىندىلارى قازاق حالقىمەن بىرگە ماڭگى جاساي بەرمەك. جالپى قالامگەرلەر جايلى تولعانعاندا جازۋشى مارحابات بايعۇتتىڭ: «كىتاپتان الىستاعان حالىقتىڭ بولاشاعى بۇلىڭعىر، كەلەشەگى كۇڭگىرت»، – دەپ قاتتى الاڭدايتىنى ەرىكسىز ويعا ورالادى.
ارداقتى اعامىز ايتقانداي، ءبىز، بۇگىنگى ستۋدەنت-ماماندار، بولاشاق تۋعان ءتىلىمىزدىڭ جاناشىرلارى ءتول ادەبيەتىمىزدىڭ التىن قازىناسىنان جالىقپاي سۋسىنداۋدى – ءوزىمىزدىڭ باستى ماقساتىمىز ەتىپ قويۋىمىز كەرەك. دەپ ستۋدەنتتەر ۇيىمداستىرعان ءىس-شارالارىن اياقتادى.
ا.ن. ءابدىنازار، ءال-فارابي اتىنداعى قازۇۋ 1-كۋرس ماگيسترانتى، تاريح فاكۋلتەتى
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتىندە 8ء-ساۋىر كۇنى تاريح فاكۋلتەتىنىڭ ۇيىمداستىرۋىمەن ۇلى عالىم، اعارتۋشى، ەتنوگراف ىبىراي ءالتىنساريننىڭ 180 جىلدىق مەرەيتويىنا ارنالعان، «ءبىلىم بەر...
-
ەلباسى ن.ءا. نازاربايەۆ ارداقتى الاش زيالىلارىنىڭ پاراساتتىلىعى، جالپى ادامگەرشىلىك تۇتاستىعى، كورەگەندىلىگىنىڭ نەگىزى ەرتەدەن باستاۋ العانىمەن ءسوز سارىنىن باستايدى. الپاۋىت حانداردىڭ ءىس – ارەك...
