InfoHub Logo

2021 جىلدىڭ 16 ساۋىرىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا جانە ساياساتتانۋ فاكۋلتەتىنىڭ  ستۋدەنتتەرىمەن (ۇيىمداستىرۋشىلار گ.قوزعامبايەۆا، يسلامتانۋ ماماندىعىنىڭ 1ء-شى كۋرس ستۋدەنتتەرى) ونلاين فورماتىندا ۇلت ماقتانىشى ءاليحان بوكەيحانوۆ تۋعانىنا 155 جىل تولۋىنا وراي ارنايى تاربيە ساعاتى وتكىزىلدى.

اسا كورنەكتى مەملەكەت جانە قوعام قايراتكەرى ءا.بوكەيحانوۆ  XX عاسىردىڭ  I-جارتىسىندا قازاق دالاسىندا كەڭىنەن قاناتىن جايعان ۇلت-ازاتتىق «الاش» قوزعالىسىنىڭ نەگىزىن قالاۋشى ، ءارى جەتەكشىسى، الاشوردا ۇلتتىق اۆتونومياسى حالىق كەڭەسىنىڭ ءتوراعاسى بولعان.

ءىس-شارا بارىسىندا ستۋدەنتتەر ءاليحان بوكەيحانوۆتىڭ ءومىرى مەن ەڭبەك جولىن، ەلگە تاۋەلسىزدىك جولىندا سىڭىرگەن ەڭبەگى مەن قىزمەتىنە جەكەلەي توقتالىپ ءوتتى.  سونىمەن قوسا، ۇلى تۇلعاعا ارناپ ارناۋ ولەڭدەردى دە شىرقاي كەتتى. كوپ قىرلى تالانت يەسى ءاليحان بوكەيحانوۆتىڭ جازبا مۇرالارى از ەمەس، الايدا سولاردىڭ ىشىندە، ءبىزدىڭ نازارىمىزدى ەرەكشە اۋدارعان ءبىر شوعىرى قاناتتى سوزدەرى دەپ ايتۋعا بولادى. بار ءومىرى حالىق قامىن ويلاۋمەن قايراتكەردىڭ قاناتتى سوزدەرىندەگى تاۋەلسىزدىك تاعىلىمى ءبىزدىڭ نازارىمىزدى ەرەكشە اۋدارتتى. وتكەن عاسىردىڭ باس كەزىندە حالقىمىزدىڭ سان الۋان پروبلەمالارى بولعان شىعار، الايدا ەڭ باستىسى بوستاندىق جولىنداعى كۇرەس ەدى. ۇلتتىڭ قامىن ويلاپ، باسىن بايگەگە تىگىپ كۇرەسكەن ازاماتتىڭ ءار كەزدەرى، ءار جىلدارى ايتقان قاناتتى قاعيداتتارىنىڭ دا بۇگىنگى جاس ۇرپاق ءۇشىن، تاۋەلسىز قازاق ەلى ءۇشىن بەرەر عيبراتى مول دەپ ويلايمىز. ءبىلىم كەنىشى مول، كورگەن-بىلگەنى، وقىعان-توقىعانى كوپ ءاليحان اتامىزدىڭ كەيىنگى ۇرپاققا قالدىرعان قاناتتى سوزدەرىنىڭ تاقىرىبى ءار الۋان. بۇگىنگى ماقساتىمىز قايراتكەر تۇلعانىڭ ەل، جەر، ءتىل تاعدىرى جايىنداعى تولعانىستارى، ازاتتىق، بوستاندىق، تەڭدىك، تاۋەلسىزدىك جايىنداعى تەبىرەنىستەرى توڭىرەگىندە عانا وي ساباقتاعاندى ءجون دەپ تاپتىق.

قورىتىندالاي كەلە، ۇلى بابا اماناتىنا عاسىرلار بويى جۇرگىزگەن كۇرەستىڭ ناتيجەسىندە قازاق حالقى 1990 جىلدارى عانا قول جەتكىزدى، تازا جولمەن تۋرا جولعا باستايتىن تۇڭعىش پرەزيدەنتى ن.ءا.نازاربايەۆپەن بىرگە ازاتتىق ايدىنىنا شىقتى. كوش تۇزەلدى، ەل ەگەمەندىگى باياندى بولىپ كەلەدى، عۇمىر بويى كۇرەستى كۇندەردى باسىنان وتكىزگەن بوكەيحانوۆتىڭ تۋعانىنا بيىلعى جىلى 155 جىل تولىپ وتىر. رۋح مايدانىنىڭ شىن مانىندەگى كۇرەسكەرى بولىپ ومىردەن وتكەن اياۋلى جاننىڭ تۋعان حالقىنىڭ قامىن ويلاپ ايتقان قاداۋ-قاداۋ قاعيداتتارى جايىندا عانا وي بولىستىك. تانىمى مول، تاعىلىمى تەرەڭ ويلاردىڭ بەرەر عيبراتى كەشە مەن بۇگىننىڭ، ەرتەڭگى بولاشاقتىڭ جەمىسى بولىپ تاۋەلسىز ۇرپاقتىڭ ساناسىندا ماڭگى جاڭعىرارى حاق.

 

---