ارداگەرلەرگە تاعزىم
بارشا حالىق بولىپ قۋانىپ، ەر ەسىمى ۇلىقتالار جەڭىس كۇنىنىڭ ورنى قاشان دا ايرىقشا. اساۋ ۋاقىت تىزگىنىمەن ۇلى وتان سوعىسىنىڭ كوزكورگەن ارداگەرلەرىنىڭ قاتارى جىلدان-جىلعا ازايىپ بارادى. ەل باسىنا كۇن تۋعاندا ەتىگىمەن سۋ كەشكەن ەرلەردىڭ باتىرلىعىن وسكەلەڭ ۇرپاققا ۇلگى ەتۋ ءاربىر ازاماتتىڭ مىندەتى. وسى ماقساتتا ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ وقۋ تەاترىندا «ەر ەسىمى ەل ەسىندە» اتتى كونسەرت ءوتتى.
ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىنىڭ اياسىندا ۇيىمداستىرىلعان كەش تاريحي قويىلىمنان باستالدى. ق ر ەڭبەك سىڭىرگەن قايراتەرى، پروفەسسور تولقىن زابيروۆانىڭ جەتەكشىلىگىمەن اكادەميانىڭ تالانتتى ستۋدەنتتەرى ونەر كورسەتتى. كونسەرتتە انمەن قاتار، قىسقامەتراجدى فيلمدەر كورسەتىلىپ، كرەرمەن كوزىنە ەرىكسىز جاس الدى.
كونسەرتمەيستەر سەمون بايەۆتىڭ سۇيەمەلدەۋىمەن ونەرپازدار سوعىس جىلدارىنداعى ەسكىرمەس اندەردى ورىنداپ، حورەوگرافيا ءبولىمىنىڭ بيشىلەرى كەشتىڭ ءسانىن كەلتىردى.
تولقىن زابيروۆا، ءانشى: – كونسەرتتى كينو جانە تەليەۆيدەنيە، حورەوگرافيا فاكۋلتەتىنىڭ ونەرلى جاستارىمەن ارداگەرلەرگە تاعزىم ەتىپ، العىس ءبىلدىرۋ ماقساتىندا ۇيىمداستىردىق. سۇراپىل سوعىس جىلدارى، ەرلەردىڭ جانكەشتى ەڭبەگى ەشكىمنىڭ جادىنان ۇمىتىلماۋى ءتيىس. بۇل – ءبىزدىڭ تاريحىمىز. كەشەگىنى ۇمىتۋمەن بولاشاق بولمايدى دەپ ويلايمىن. جەڭىس كۇنى – بارشامىزعا ورتاق كۇن. بەيبىت كۇندە ءومىر ءسۇرىپ وتىرعانىمىز ءۇشىن ارداگەرلەرگە باس يەمىز. سوعىستان قايتقان سولداتتار ازايسا دا، ولاردىڭ باتىرلىعى ۇمىتىلمايدى. ۇلى جەڭىس قۇتتى بولسىن! تەك قانا وسىنداي بەيبىت زاماندا ءومىر سۇرەيىك!
ۇلى وتان سوعىسى باتىرلارىن ەسكە الۋ ماقساتىندا وتكەن كونسەرت بارشا قاۋىمعا ەرەكشە اسەر سىيلادى. كەش سوڭىندا ارداگەرگەرلەرگە گۇل شوقتارى تابىس ەتىلىپ، كوپشىلىك ەستەلىك سۋرەتتەرگە ءتۇستى.
سۋرەت-دەرەك
اراي جۇماتاي
You Might Also Like
-
بۇگىنگى تاڭدا نەسيە – كەز-كەلگەن قارجىلىق ماسەلەنى شەشۋدىڭ ەڭ بەلگىلى جانە كەڭ تاراعان امالى. ناتيجەسىندە، نەسيە بەرۋ نارىعىندا ءسىزدىڭ اقشاڭىزعا الداۋ ارقىلى قول جەتكىزگىسى كەلەتىن ءارتۇرلى ال...
-
ماحاببات ابستراكتىلى، سوندىقتان دا تەوريالىق جاعى دامي بەرەدى دە، ناقتىلى ءمانىن جوعالتا بەرمەك. نەگىزىندە، سەزىم دەگەنىمىز ادامعا عانا ءتان قاسيەت، ءبىراق ول اينىعىش. اينىعىش بولاتىن سەبەبى – ا...
