سپەكتاكلدەر ناۋقانى باستالدى
استاناداعى «شابىت» جانە الماتىداعى ت.جۇرگەنوۆ اتىنداعى قازاق ۇلتتىق ونەر اكادەمياسى اراسىنداعى دوستىق بايلانىس، تاجىريبە الماسۋ داستۇرگە اينالعان. وتكەن اپتادا استانالىق ونەرپازدار ت.جۇرگەنوۆ اتىنداعى ءقازۇوا-دا تەاترلىق قويىلىم كورسەتتى.
«شابىت» ۋنيۆەرسيتەتىنىڭ 20 جىلدىعىنا وراي «دراما تەاترى جانە كينو تۆ اكتەرى» فاكۋلتەتىنىڭ ءىV كۋرس ستۋدەنتتەرى ديپلومالدى جۇمىستارىنىڭ قويىلىمىن كورسەتتى. ق ر ەڭبەك سىڭىرگەن قايراتكەرى، پروديۋسسەر بەكنازار-حانينگا لەيلو اقنازار قىزىنىڭ جەتەكشىلىگىمەن م.اۋەزوۆتىڭ «قاراگوز» تراگەدياسى، مۇزتاي كارىمنىڭ «اي تۇتىلعان ءتۇن» جانە ي.كالماننىڭ «سيلۆا» وپەرەتتەسىنىڭ جەلىسى بويىنشا «مەن...» ستۋدەنتتىك كوللاجىن شبەرلىكپەن ورىنداپ شىقتى. ديپلومدىق سپەكتاكلدەر ناۋقانىنا وراي الداعى اپتادا الماتىلىق ونەرپازدار استاناداعى «شابىت» ۋنيۆەرسيتەتىنىڭ ساحناسىندا ونەر كورسەتپەك.
امان قۇلبايەۆ، ت.جۇرەنوۆ اتىنداعى ءقازۇوا تەاتر فاكۋلتەتىنىڭ دەكانى، پروفەسسور: – استانانىڭ 20 جىلدىعى جانە «شابىت» ۋنيۆەرسيتەتتىڭ 20 جىلدىق مەرەيتويىنا ارناپ ەكى ونەر شاڭىراعى كەلىسىمگە كەلگەن بولاتىن. ياعني ءىV كۋرس دراما ءبولىمىنىڭ اكتەرلارى ديپلومدىق قويىلىمدارىن ەكى ساحنادا وتكىزەدى. ەندى 24-26 مامىر كۇندەرى ءبىزدىڭ ستۋدەنتتەر استانادا م.اۋەزوۆتىڭ «قاراگوزىن»، شتراۋستىڭ «جارقانات» جانە «ارىستاندار پاتشالىعى»، «گەتسبي» قويىلىمىن قويادى. بىرىنشىدەن، ساحنا ونەرىندەگى بولاشاق اكتەرلەردىڭ ءبىز بەرگەن ءبىلىمى، دەڭگەيى، رەجيسسۋرا مەن وسى جولداعى ىزدەنىستەرى وسى ديپلومدىق سپەكتاكلدە كورىنەدى. ەكىنشىدەن، تاجىريبە الماسۋدا مۇنداي بايلانىستىڭ ماڭىزى ايرىقشا.
دارىندىلاردى دارالاپ، تالانتتى تانىتاتىن قوس ونەر وردالارىنىڭ ۇجىمىنا شىعارماشىلىق تابىس تىلەيمىز!
You Might Also Like
-
اباي اتامىز: «سەن دە ءبىر كىرپىش دۇنيەگە، كەتىگىن تاپ تا بار قالان» دەمەكشى كاسىپ تاڭداپ، جۇمىس تابۋ ۇلكەن ومىرگە قادام باسقان جاستاردىڭ باستى مۇرات-ماقساتى دەسەك ارتىق ەتپەس. كاسىپ - ءوم...
-
ستانسا باسىنان كولحوزعا قاراي باستاي بەرەتىن اتتىلى-جاياۋ تالاي جول قىلعان قارا جولدىڭ بويىندا جول قاپشىعىن ارقالاعان جەڭىسپەن ورالىپ كەلە جاتقان سولدات كەلەدى. سولداتتىڭ ءدال ءقازىر قاي مايداندا سوعى...
