InfoHub Logo

بۇگىنگى تاڭدا نەسيە – كەز-كەلگەن قارجىلىق ماسەلەنى شەشۋدىڭ ەڭ بەلگىلى جانە كەڭ تاراعان امالى. ناتيجەسىندە، نەسيە بەرۋ نارىعىندا ءسىزدىڭ اقشاڭىزعا الداۋ ارقىلى قول جەتكىزگىسى كەلەتىن ءارتۇرلى الاياقتىق جۇيەلەر پايدا بولدى.

«حوۋم كرەديت بانكى» قازاقستاننىڭ ەدب (ەكىنشى دەڭگەيلى بانكتار) اراسىندا قارجىلىق ساۋاتتىلىقتى دامىتۋدا كوشباسشىسى بولا وتىرىپ، ءبىزدىڭ رەداكسيانىڭ ءوتىنىشى بويىنشا قارجىلىق ايلاكەرلەردىڭ ۋىسىنا ءتۇسىپ قالماۋعا كومەكتەسەتىن كەڭەستەرمەن ءبولىستى.

1. عالامتورعا جەكە باسىڭىز تۋرالى مالىمەتتەردى (جسن، كارتا ءنومىرى جانە ت.ب.) سالماڭىز. ءسىز تۋرالى از عانا مالىمەتتەردىڭ ءوزىن الاياقتار ارام پيعىلدارىنا پايدالانىپ كەتۋلەرى مۇمكىن.

2. جەكە كۋالىگىڭىزدى جوعالتىپ العان جاعدايدا بۇل تۋرالى تەز ارادا وكىلەتتى ورىندارعا حابار بەرىڭىز. مۇنداي ماڭىزدى قۇجاتتىڭ قانداي ادامنىڭ قولىنا ءتۇسىپ قالارىن بىلمەيسىز.

3. نەسيە تاريحىڭىزدى ءجيى تەكسەرىپ تۇرىڭىز. بۇل سىزگە جاعدايعا قانىق بولىپ وتىرۋعا كومەكتەسەدى. 

4. سەنىمسىز سايتتاردا نەسيە الۋعا ءوتىنىم بەرمەڭىز. مۇنداي ارەكەتتەردى تەك قانا بانكتەردىڭ رەسمي سايتتارىندا اتقارۋ كەرەك. 

5. نەسيە راسىمدەگەنى ءۇشىن سىياقى بەرمەڭىز. نەسيە بويىنشا شەشىمدى بانكتىڭ اۆتوماتتاندىرىلعان جۇيەسى قابىلدايدى. بوتەن ادامدار نەمەسە بانك قىزمەتكەرلەرى بۇل ۇردىسكە ەشقانداي اسەر ەتە المايدى.

6. ءوز اتىڭىزدان باسقا ادامدارعا (دوستارىڭىزعا، تۋىستارىڭىزعا، تانىستارىڭىزعا جانە ت.ب.) ەشقاشان نەسيە راسىمدەمەڭىز. ەسىڭىزدە بولسىن، نەسيە بويىنشا جاۋاپكەرشىلىك ءۇشىنشى تۇلعاعا جۇكتەلمەيدى جانە ەگەر ءسىز ءوز اتىڭىزدان نەسيە راسىمدەپ بەرگەن ادام ونى «جابا» الماسا، وندا نەسيە بەرۋشىلەردىڭ الدىندا ءوزىڭىز عانا جاۋاپ بەرەسىز.

7. نەسيەڭىز بويىنشا تولەمدى تولىق جاۋىپ بەرۋدى نەمەسە ءىشىنارا ازايتىپ بەرۋدى ۇسىنعان ۇيىمدارعا سەنبەڭىز. نەسيەنى جابۋ بويىنشا مىندەتتەمەلەردى ورىنداۋدان باس تارتقانى ءۇشىن سوت جاۋاپكەرشىلىگى قاراستىرىلعان.

ەگەر قارجىلىق ساۋاتتىلىق بويىنشا باسقا دا پايدالى كەڭەستەر مەن ۇسىنىمدار العىڭىز كەلسە، «حوۋم كرەديت بانكىنىڭ»  Facebook، Instagram جانە ۆكونتاكتە الەۋمەتتىك جەلىلەرىندەگى رەسمي پاراقشالارىنا جازىلىڭىز.  

---