استانا، الماتى جانە شىمكەنت قالالارىنىڭ اكىمدىكتەرى تۇرعىن ۇيلەردى جاڭارتۋ باعدارلاماسىن ازىرلەي الادى
استانا، الماتى جانە شىمكەنت قالالارىنىڭ اكىمدىكتەرى تۇرعىن ۇيلەردى جاڭارتۋ باعدارلاماسىن ازىرلەي الادى،دەپ حابارلايدى ينفوحاب.
ءماجىلىس مەملەكەت باسشىسىنىڭ تاپسىرماسىمەن ازىرلەنگەن استانانى جانە رەسپۋبليكالىق ماڭىزى بار قالالاردى دامىتۋ ماسەلەلەرى بويىنشا زاڭدى ەكىنشى وقىلىمدا قابىلدادى. زاڭ اياسىندا 9 كودەكس پەن 45 زاڭعا وزگەرىستەر مەن تولىقتىرۋلار ەنگىزىلگەن. قۇجات 2025 جىلدىڭ 5 ناۋرىزىندا ءبىرىنشى وقىلىمدا ماقۇلداندى.
زاڭ ارقىلى استانا مەن رەسپۋبليكالىق ماڭىزى بار قالالاردى اباتتاندىرۋ ماسەلەلەرى بويىنشا ستاندارتتار جەتىلدىرىلەدى. ولار قولجەتىمدى ورتانى قامتاماسىز ەتۋگە، ديزاين-كودتى ەنگىزۋگە، سونداي-اق جەرگىلىكتى وكىلدى جانە اتقارۋشى ورگانداردىڭ ديزاين-كودقا سايكەس قۇزىرەتتەرىن ناقتىلاۋعا، ستاسيونارلىق ەمەس وبەكتىلەردى ورناتۋعا جانە پايدالانۋعا قاتىستى.
سونىمەن قاتار جارناما قىزمەتى رەتتەلەدى. قوعامدىق ورىنداردا كوشەدەگى اۋديوجارناماعا، سونداي-اق تروتۋارلار مەن اۆتوجولداردىڭ بەتىنە سىرتقى جارناما ورنالاستىرۋعا تىيىم سالىنادى. تۇزەتۋلەردىڭ تاعى ءبىر بلوگى ەلورداداعى كوشى-قوندى رەتتەۋ تەتىكتەرىن جەتىلدىرۋگە باعىتتالعان.
قۇجاتپەن جۇمىس بارىسىندا دەپۋتاتتار استانانىڭ جانە رەسپۋبليكالىق ماڭىزى بار قالالاردىڭ جەرگىلىكتى وكىلدى جانە اتقارۋشى ورگاندارىنىڭ قۇزىرەتتەرىن كەڭەيتۋدى ۇسىندى. ولاردىڭ قۇزىرەتى تۇرعىنجاي رەنوۆاسيالاۋ باعدارلاماسىن بەكىتۋ، اۋماقتاردى اباتتاندىرۋ، ساۋدا، مەديسينالىق، قوناق ءۇي جانە وزگە دە قىزمەتتەر كورسەتۋ قاعيدالارىن بەكىتۋ، قالالىق قوعامدىق كولىكتە قولدانىلاتىن تاريفتىك ساياساتتى ازىرلەۋمەن تولىقتىرىلادى.
سونداي-اق ماجىلىسمەندەردىڭ باستاماسىمەن كوشى-قون سالاسىنداعى زاڭنامانى ودان ءارى جەتىلدىرۋ ماقساتىمەن «ۋاقىتشا كوشىپ كەلۋشىنى تىركەۋ» تۇجىرىمداماسى ەنگىزىلەدى.
مەملەكەت باسشىسىنىڭ تاپسىرماسى اياسىندا «ەنەرگەتيكالىق جانە كوممۋنالدىق سەكتوردى جاڭعىرتۋ» ۇلتتىق جوباسىن ىسكە اسىرۋ ماقساتىمەن جىلۋ-ەنەرگەتيكا، سۋمەن جابدىقتاۋ جانە سۋ بۇرۋدىڭ ۇزدىكسىز جۇمىس ىستەۋىن قامتاماسىز ەتۋ ءۇشىن ءبىرىنشى كەزەكتەگى ينفراقۇرىلىمدىق پروبلەمالاردى شەشۋگە باعىتتالعان تۇزەتۋلەر ەنگىزىلدى.
You Might Also Like
-
«مەكتەپپەن بىرگە ومىرىمەن دە قوشتاستى» الماتى وبلىسىندا 11-سىنىپ وقۋشىسى سىنىپتاسىنىڭ قولىنان قازا تاپتى
-
قازاقستاننىڭ بىرنەشە قالاسىندا ساياسي قۋعىن-سۇرگىن مەن اشارشىلىق قۇرباندارىن ەسكە الۋعا ارنالعان بەيبىت شەرۋ وتكىزۋگە تىيىم سالىندى،دەپ حابارلايدى ينفوحاب.
