InfoHub Logo

شىمكەنت قالاسى اكىمىنىڭ ورىنباسارى رۋسلان بەردەنوۆتى اتۋ دەرەگىنە بايلانىستى تەرگەۋ جالعاسىپ جاتقان تۇستا، كۇدىكتىنىڭ جۇبايى لۋيزا الدانوۆا الەۋمەتتىك جەلىدە العاشقى رەت مالىمدەمە جاسادى. ونىڭ ايتۋىنشا، سوڭعى ءبىر اي وتباسى ءۇشىن اۋىر سىناققا اينالعان.

▪️ «جاپا شەككەن بەردەنوۆتىڭ اماندىعىن تىلەدىك»
– وتكەن ءبىر ايدا ءار مينۋتىمىز ۋايىممەن ءوتتى. رۋسلان بەردەنوۆ مىرزانىڭ ساۋىعىپ، اۋرۋحانادان ۇيىنە ورالعانىن ەستىدىك. ەندى ەرتەرەك ايىعىپ، قىزمەتىنە قايتا ورالسىن دەپ تىلەيمىز، – دەدى الدانوۆا.

▪️ «بۇل ىسكە مەنىڭ قاتىسىم جوق»
الدانوۆا اتىشۋلى وقيعاعا ءوزىنىڭ قاتىسى بارى تۋرالى جەلىدە تاراعان قاۋەسەتتى جوققا شىعاردى.
– اتا-انامنىڭ بەرگەن تاربيەسى، يمانىم مەنى مۇنداي ارسىز ارەكەتتەن ساقتايدى. بۇل ىسكە ەشقانداي قاتىسىم جوق، – دەپ جازدى ول.

ەسكە سالا كەتەيىك، كۇدىكتى قاماۋعا الىنىپ، «قاساقانا كىسى ولتىرۋگە وقتالۋ» بابى بويىنشا تەرگەلىپ جاتىر. ول وقيعانى وتباسىلىق جانجالمەن بايلانىستىرىپ، «بەردەنوۆ مەنىڭ ايەلىمە تيىسكەن» دەگەن ءۋاج ايتقان.

ءىس قوعامدا ۇلكەن رەزونانس تۋدىرىپ وتىر. تەرگەۋ ورگاندارى ناقتى ءمان-جايدى انىقتاۋ جۇمىستارىن جالعاستىرۋدا.