InfoHub Logo

CareerCast سايتىنىڭ كومانداسى اقش-تا ايگىلى بولعان ەڭبەك جانە بوس جۇمىس ورىندارىنىڭ ءىت-نارىعىن ساراپتاپ، جۇمىس بەرۋشىلەر ءۇشىن ماڭىزدى جانە ەڭبەك اقىسى جوعارى ماماندىقتاردىڭ ءتىزىمىن جاساپ شىعاردى.  مۇنداي ۇردىستەردىڭ بىزگە ءسال كەشىگىپ جەتەتىنىن ەسكەرە وتىرىپ، ءىت-يندۋسترياسىنداعى ەڭبەك نارىعىن وزگەرتۋدە باعدار الۋ ءۇشىن جاقىن جىلدارى كوپ سۇرانىسقا يە بولاتىن ءىت ماماندىقتارىنىڭ رەيتينگىن جاريالايمىز.

بۇل رەيتينگتە باعدارلاماشىلار، web-جاساۋشىلار، اقپاراتتىق قاۋىپسىزدىك بويىنشا ماماندار، مالىمەتتەردى ساراپتاۋ جانە وڭدەۋ بويىنشا ماماندار جانە بىرنەشە ماماندىقتار باستى ورىننان كورىندى.

Web-جاساۋشى

ەڭ كوپ سۇرانىسقا يە بولاتىن ماماندىق - web-جاساۋشى (Web developer). ول ءىت-يندۋسترياعا قاتىستى باسقا ماماندىقتار ىشىنەن ءبىرىنشى ورىن الدى. ەڭبەك اقىسى ءسال ازداۋ بولعانىمەن web- جاساۋشىلار ءقازىردىڭ وزىندە ىت-ەڭبەك نارىعىندا كوپ سۇرانىسقا يە.

ەسەپتەۋ تەحنيكاسى سالاسىنىڭ ساراپشىسى (Computer Systems Analyst)

ەكىنشى ورىنعا ەسەپتەۋ تەحنيكاسى سالاسىنىڭ ساراپشى ماماندارى لايىق بولدى. ولاردىڭ قىزمەتىنە دەگەن سۇرانىس 21%-عا ارتادى. ويتكەنى، ميللونداعان ادامدار كومپيۋتەردى پايدالانىپ، باعدارلامالار جاساپ جاتقان كەزدە تۋىنداعان قيىندىقتاردى تۇزەتەتىن ماماندار اۋاداي قاجەت بولادى.

اقپاراتتىق قاۋىپسىزدىك بويىنشا ساراپشى (Information Security Analyst)

ءاربىر كومپيۋتەردە كوپتەگەن مالىمەتتەر ساقتالعان. ونىڭ ىشىندە جەكە مالىمەتتەر دە، كوممەرسيالىق مالىمەتتەر دە بار. كەز-كەلگەن اقپاراتتىڭ جوعالىپ كەتۋى – كومپانيا ءۇشىن، ونىڭ باسشىلىعى مەن قىزمەتكەرلەرى ءۇشىن ۇلكەن قيىندىق. كومپانيا كوممەرسيالىق قۇپيالارىنان، ىشكى قۇجاتنامالارى مەن كليەنتتەر بازاسىنان ايىرىلادى. بۇل جاعداي ولار ءۇشىن ۇلكەن قارجىلىق قيىندىق تۋدىرىپ، بەدەلدەرىنە سىزات تۇسىرەدى. سوندىقتان، وسى اقپاراتتاردىڭ بارلىعىن ساقتاپ، ونى ءقاۋىپسىز قورعاي الاتىن ماماندار كۇن وتكەن سايىن كەرەك بولا بەرەدى. بولجام بويىنشا بۇعان سۇرانىس  18%-عا ارتادى.

باعدارلامالىق قامتاماسىز ەتۋشى، باعدارلاماشىلار (Software Engineer)

بوس ورىن 17%-عا ارتادى، ال باعدارلاماشىلارعا بارلىق جەردە، بارلىق كومپانيادا، بارلىق قىزمەت سالاسىندا سۇرانىس جوعارلايدى. تەك جوعارىتەحنولوگيالىق جانە ىت-كومپانيالاردا عانا ەمەس، قىزمەتكەرلەرى تاپسىرىس بەرۋشىلەرمەن جانە كليەنتتەرمەن جۇمىس ىستەۋدە ارنايى سوفتتاردى قاجەت ەتەتىن قاراپايىم كومپانيالاردا دا بۇل ماماندىققا سۇرانىس ازايمايدى.

مالىمەتتەردى ساراپتاۋ جانە وڭدەۋ بويىنشا مامان (Data Scientist)

Big Data-نىڭ دامۋى مەن ايگىلى بولۋىنا بايلانىستى، قۇرىلىمدالماعان مالىمەتتتەردىڭ ۇلكەن كولەمى، وسىلارمەن جۇمىس ىستەۋ قابىلەتى ەڭبەك نارىعىندا وتە كوپ سۇرانىسقا يە بولادى. بۇل ماماندىقتار بويىنشا بوس ورىندار سانى ارتا بەرەدى. بولجانعان ءوسۋ – 16%.

جۇيەلىك اكىمشى (Network and computer systems administrator)

بۇلتتى ەسەپتەۋلەردىڭ كەڭ تاراۋى كومپانيالاردىڭ از كومپيۋتەر ساتىپ الۋىنا اكەپ سوعادى. كومپيۋتەرلىك جۇيەلەردى، بايلانىستاردى ورناتا الاتىن ماماندارعا دەگەن سۇرانىس كەمىمەيدى، كەرىسىنشە، 8%-عا ارتادى.

---