استانادا مۇعالىمدەردىڭ جالاقىسى قالاي كوتەرىلەدى
استانا قالاسىنىڭ اكىمى اسەت يسەكەشيەۆ جاڭا تەxنولوگيالاردىڭ نەگىزىندە قانشا قارجىنىڭ ۇنەمدەلگەنىن جاريالادى.
اكىمنىڭ سوزىنە قاراعاندا، مەكتەپتەردە «بۇلتتى بۋxگالتەريا» اتتى جاڭا تەxنولوگيانى ەنگىزۋدىڭ ناتيجەسىندە ءبىر جىلدا 350 ميلليون تەڭگە ۇنەمدەلدى. وسى اقشانىڭ 80 پروسەنتى مۇعالىمدەرگە سىياقى رەتىندە تاراتىلدى. الداعى ۋاقىتتا اتالعان جوباعا كوللەدجدەر مەن باسقا دا مەكەمەلەر قوسىلادى.
«ال جان باسىنا قاراي قارجىلاندىرۋ جۇيەسى ارقىلى مۇعالىمدەردىڭ لاۋازىمدىق جالاقىسىن كوتەرۋگە بولادى. استانادا ونداي جۇيەگە 8 مەكتەپ كوشىپ جاتىر. تالداۋعا سايكەس، قارجىنى ءتيىمدى تاراتۋدىڭ ناتيجەسىندە ءاربىر مەكتەپ بيۋدجەتتىڭ 20 پروسەنتىن ۇنەمدەپ، سوعان مۇعالىمدەردىڭ جالاقىسىن كوتەرە الادى. مىسالى، بىلتىر مۇعالىمدەردىڭ ورتاشا جالاقىسى 100 000 -110 000 تەڭگە بولسا، بيىل جاڭارتىلعان ءبىلىم مازمۇنى ءۇشىن بەرىلەتىن ۇستەماقى مەن جان باسىنا قاراي قارجىلاندىرۋ جۇيەسىمەن بىرگە ورتاشا جالاقى 150 000 تەڭگەدەن اسۋى ابدەن مۇمكىن»، - دەدى ءا.يسەكەشيەۆ ءبىلىم باسقارماسىنىڭ ۇيىمداستىرۋىمەن وتكەن تامىز كونفەرەنسياسىندا.
بۇگىنگى جيىندا قالا اكىمى قاي مۇعالىمدەرگە پاتەر بەرەتىنىن ايتتى.
اسەت يسەكەشيەۆتىڭ ايتۋىنشا، الداعى بەس جىلدا ونداعان جاڭا مەكتەپ اشىلادى. سونىڭ بارىنە 5 000-نان استام ءمۇعالىم قاجەت بولادى. "وسىعان بايلانىستى قالا اكىمدىگى مىقتى مامانداردى تارتىپ، ولارعا جاعداي جاساۋ جاعىن ويلاستىرىپ كەلەدى. سوڭعى ون جىلدىڭ ىشىندە مەملەكەتتىك باعدارلاما اياسىندا استانالىق مۇعالىمدەرگە 2 500-دەن استام پاتەر بەرىلدى. دەگەنمەن، قالا ءوسىپ كەلەدى. ەندى، بىزگە بارلىق سالالار بويىنشا مىقتى مامانداردىڭ كورپۋسىن قالىپتاستىرۋ قاجەت. ولاردىڭ ىشىندە مۇعالىمدەر، پوليسەيلەر، دارىگەرلەر، ءورت سوندىرۋشىلەر جانە تاعى باسقا ماماندار بار. ءقازىر مەملەكەت باسشىسىنىڭ باستاماسىمەن "7-20-25" باعدارلاماسىنىڭ قولعا الىنعانىن ءبارىمىز جاقسى بىلەمىز. كاسىبي ماماندار كورپۋسىن قولداۋ ماقساتىندا ءبىز وسى ساناتتاعى قىزمەتكەرلەردى باسپانامەن قامتۋ تەتىكتەرىن ازىرلەيمىز. ءسويتىپ، تۇرعىن ءۇي قۇرىلىس جيناق بانكىمەن بىرگە بيۋدجەتتىك سالانىڭ 10 مىڭ قىزمەتكەرىن پاتەرمەن قامتاماسىز ەتەمىز. سونىڭ ىشىندە 3 مىڭداي پاتەر مۇعالىمدەرگە تاراتىلادى"، - دەدى ءا.يسەكەشيەۆ ءبىلىم باسقارماسىنىڭ ۇيىمداستىرۋىمەن وتكەن تامىز كونفەرەنسياسىندا.
بۇگىندە رەسپۋبليكا بويىنشا ءبىر مەكتەپكە شامامەن 800-1500 وقۋشى كەلەدى. ال ەلوردادا اتالعان كورسەتكىش 1500-گە جەتىپ وتىر. الداعى بەس جىلدا استاناعا تاعى 120 مىڭنان استام وقۋشى كەلەدى دەگەن بولجام بار.
«2011 جىلى ەلوردا مەكتەپتەرىندە 75 مىڭ وقۋشى وقىسا، بىلتىر اتالعان كورسەتكىش 140 مىڭعا جەتتى. بيىل 155 مىڭ وقۋشى بولادى دەپ وتىرمىز. وسىعان بايلانىستى الداعى بەس جىلدا مەملەكەتتىك بيۋدجەتتىڭ ەسەبىنەن 24 مەكتەپ سالىنادى»، - دەيدى ءا.يسەكەشيەۆ.
You Might Also Like
-
ق ر ءبىلىم جانە عىلىم ءمينيسترى ەرلان ساعادييەۆ لاتىن گرافيكاسىنا اپروباسيا جاساۋعا قاتىستى پىكىر ءبىلدىردى.
