الماتىدا ەرەكشە بالالارعا ارنالعان زاماناۋي مەكتەپ اشىلادى
الماتىدا ەرەكشە بالالارعا ارنالعان زاماناۋي مەكتەپ اشىلادى. بۇل تۋرالى ۇستازداردىڭ تامىز كەڭەسىندە ايتىلدى.
الماتى قالاسىنىڭ اكىمى باۋىرجان بايبەك ايتۋىنشا، مەگاپوليستە جاڭا وقۋ جىلىندا زاماناۋي مەكتەپ-گيمنازياسىنىڭ پايدالانۋعا بەرىلەدى. 1 200 ورىندىق وقۋ ورداسى ينكليۋزيۆتى وقىتۋ جۇيەسىنە باعىتتالعان. مەكتەپ قۇرىلىسى تاكتيلدى جولدار، ليفت، شاقىرۋ باتىرماسى قويىلعان ارنايى سانيتارلىق بولمەلەردەن تۇرادى.
قالا باسشىسىنىڭ ايتۋىنشا بۇل الماتىداعى بىرەگەي مەكتەپ بولىپ سانالادى. ءتىپتى رەسپۋبليكا كولەمىندە سوڭعى الەمدىك تاجىريبەگە سۇيەنىپ سالىنعان جالعىز عيمارات.
«ءبىز تاۋلى ايماقتا ءومىر سۇرگەندىكتەن سەيسموتۇراقتىلىق ساۋالى مازالايدى. اسىرەسە بالالارىن بالاباقشا مەن مەكتەپكە جىبەرەتىن اتا-انالاردىڭ ۋايىمى زور. ناۋرىزباي اۋدانىنداعى جاڭا مەكتەپ سەيسموقاۋىپسىزدىك تالاپتارىنا ساي. مۇنداعى جيھازدار قابىرعاعا بەكىتىلگەن. بۇل ءتارتىپتى بارلىق ءبىلىم ورىندارىنا تاراتۋعا ءتيىسپىز. ءبىز حالىقارالىق جەتەكشى ەلدەردىڭ، ونىڭ ىشىندە جاپونيانىڭ تاجىريبەسىنە سۇيەنەمىز. توتەنشە جاعدايلار بولا قالسا جيھازدار قۇلاپ، بالالاردىڭ سىرتقا شىعۋىنا كەدەرگى جاسايدى. مۇنىڭ كەسىرىنەن كوبى سول جەردە مەرت بولۋى مۇمكىن. بۇل كوپ شىعىندى تالاپ ەتپەيتىن قاراپايىم عانا ساقتىق شارالارى. ەسەسىنە وقۋ عيماراتتارىنىڭ قاۋىپسىزدىگى ارتا تۇسەدى»، - دەدى ب.بايبەك.
ونىڭ ايتۋىنشا، الماتىدا 4 مەكتەپتە سەيسموكۇشەيتۋ جۇمىستارى ءجۇرىپ جاتىر. وتكەن جىلى 28 مەكتەپكە وسىنداي جۇيە جاسالعان.
«جىل سوڭىنا دەيىن تاعى 7 مەكتەپتە سەيسموكۇشەيتۋ شارالارى جۇزەگە اسىرىلادى. بۇل جۇمىستار ساباققا كەدەرگى كەلتىرمەۋى ءتيىس. باسقارما وسىنى الدىن-الا ويلاستىرۋ كەرەك »، - دەپ نىقتاپ ايتتى قالا اكىمى.
You Might Also Like
-
بالانى مەكتەپكە ورنالاستىرۋ ءۇشىن تۇرعىلىقتى مەكەن-جايى بويىنشا تۇراقتى تىركەۋ كەرەك پە؟ بۇل سۇراققا ق ر ۇكىمەتىنىڭ باسپا ءسوز ورتالىعىندا ق ر ءبىلىم جانە عىلىم ۆيسە-مينيسترى اسحات ايماعامبەتوۆ جاۋاپ بەردى.
-
ا.ۇسەنوۆ اتىنداعى جالپى ورتا مەكتەبىنىڭ پەداگوگ-ۇيىمداستىرۋشىسى ۋتەبەكوۆا التىنكۇل
