InfoHub Logo

1. بالا بالاباقشاعا تازا كيىممەن كەلەدى.
2. توپتا بالانىڭ اۋىستىراتىن اياق كيىمى بولۋ كەرەك (ەدەندە ءىز قالدىراتىن قارا تاباندى اياق كيىمدەر كيگىزبەۋگە تىرىسۋ قاجەت)
3. بالاباقشادا بالانىڭ كيىمدەرىن ساقتايتىن ارنايى ورىن بار، ونى اتا - اناسى رەتكە كەلتىرىپ وتىرادى.
4. بالاباقشادا ءاربىر بالادا ءوزىنىڭ جەكە تاراعى جانە تازا قول ورامالى بولۋى ءتيىس.
5. دەنە شىنىقتىرۋعا قاتىسۋ ءۇشىن بالانىڭ ارنايى دەنە شىنىقتىرۋ كيىمى بولۋى كەرەك، ول توپ تاربيەشىسى جانە باسقا اتا - انالارمەن كەلىسىلەدى. دالاداعى دەنە شىنىقتىرۋ ساباعى ءۇشىن بولەك ارنايى كيىمدەر بولۋى كەرەك.
6. دالادا سەرۋەنگە شىعۋ ءۇشىن بالانىڭ بەلسەندى قوزعالىسىنا كەدەرگى بولمايتىن كيىمدەر بولۋى كەرەك جانە ول تەز كەپتىرۋگە بولاتىن، كىر كوتەرەتىن بولعانى ءجون.
7. بالالاردىڭ كيىمىنە اتا - انانىڭ قالاۋى بويىنشا جوعالىپ كەتپەۋى ءۇشىن نەمەسە باسقا بالالاردىڭ كيىمىمەن اۋىسىپ كەتپەۋى ءۇشىن بەلگىلەر قويۋعا بولادى.
8. كيىم مەن اياق كيىم اۋا رايىنا سايكەس بولۋى ءتيىس.
9. قىستا جانە ىلعالدى اۋا رايىندا بالانىڭ قوسىمشا قۇرعاق قولعابى مەن كيىمدەرى بولعانى دۇرىس.
10. بالانىڭ كيىم سالعىشىندا مىندەتتى تۇردە اۋىستىرۋ ءۇشىن قوسىمشا قۇرعاق كيىمدەر جيناعى بولۋى ءتيىس.

بالاباقشانىڭ جۇمىس ۋاقىتى: 08. 00 – 18. 00
1. بالانى توپتىڭ كۇن تارتىبىنە ساكەس الىپ كەلىپ، الىپ كەتۋ كەرەك – بالانىڭ تاماقتانۋ، ۇيىقتاۋ جانە وقۋ ۇردىستەرىنە قۇقىعىن بۇزباڭىز.
2. تاڭعى قابىلداۋ - بۇل بالانى تاربيەشىگە تىكەلەي تاپسىرۋ جانە ونىڭ حال - جاعدايى تۋرالى قىسقاشا مالىمەت بەرۋ. تاربيەشى 09. 00 - گە دەيىن توپتاعى بالا سانىن تابەلگە بەلگىلەيدى.
3. توپ ءومىرىن ۇيىمداستىرۋ جونىندەگى اقپارات ستەندىگە ىلىنگەن.
4. ءاربىر توپ جىلدىق وقۋ - تاربيە جۇمىسىنىڭ جوسپارى نەگىزىندە بالا جاسىنا جانە مۇمكىندىگىنە سايكەس جۇمىس جاسايدى.
5. ءوز بالاڭىزدى جاقسى كورىڭىز جانە باسقا بالالاردى سىيلاڭىز – بالانىڭ دەنساۋلىعى بولماي تۇرسا بالاباقشاعا الىپ كەلمەڭىز (تاربيەشى بالانى قابىلداماۋعا قۇقىعى بار).
6. ەگەر بالاباقشادا بالا دەنساۋلىعىنىڭ ناشارلاعانىن سەزسە، وندا بالاباقشا مەدبيكەسى العاشقى كومەك كورسەتەدى، اتا - اناسىن شاقىرادى، وتە قاجەت بولعان جاعدايدا «جەدەل جاردەم» شاقىرادى.
7. بالا ناۋقاستانىپ كەلمەگەن جاعدايدا نەمەسە دەمالىستا بولعان جاعدايدا دارىگەردەن انىقتاما الىپ كەلۋى ءتيىس (تاڭەرتەڭگى قابىلداۋ كەزىندە توپ تاربيەشىسىنە تاپسىرۋ كەرەك).
8. بالا ءبىر كۇنگە قالاتىن بولسا الدىن الا نەمەسە تاڭەرتەڭگىلىك (09. 00 - گە دەيىن) 74 - 2 - 12 تەلەفون نومەرىنە حابارلاسىپ ەسكەرتۋ كەرەك.
9. كۇندەلىكتى سەرۋەنگە 2 رەت شىعارىلادى: «قولايلى كيىنسەڭىز جامان اۋا رايى جوق» (قولايسىز اۋا رايى نەمەسە باسقا دا جاعدايلاردا سەرۋەندەۋ كەيىنگە قالدارىلادى).
10. بالاباقشادا بالا كۇتۋ باعاسى 6000 تەڭگە.
11. اقىنى اي سايىن 5 - ءى كۇنگە دەيىن تولەپ وتىرۋ كەرەك. مەرزىمدى ساقتاڭىزدار.
12. اتا - انالار بالاباقشانىڭ قامقورشىلىق كەڭەسىندە ءوز توبىنىڭ وكىلى ارقىلى وقۋ باعدارلاماسى مەن بالاباقشانىڭ دامۋ جوسپارىنا جاقسارتۋ، وزگەرتۋ نەمەسە قوسىمشا ەنگىزۋ بويىنشا ۇسىنىس جاساي الادى


1. كوبىسى بالانى جىلىراق كيىندىرۋ كەرەك دەپ ويلايدى.
قىمتاپ كيىندىرە بەرگەن بالا وكىنىشكە وراي ءجيى اۋىرادى. قوزعالىس وزدىگىنەن دەنەنى قىزدىرادى، بالانى «قىرىق قابات» كيىندىرۋ ارتىق بولادى. اعزادا جىلۋ الماسۋ بۇزىلادى، ناتيجەسىندە ول ىسيدى. سول كەزدە بولماشى جەلدەن سالقىن ءتيىپ قالادى.
2. كوپشىلىكتىڭ ويى: جىلىنى ساقتاۋ ءۇشىن كيىم دەنەدە تىعىز تۇرۋ كەرەك.
سۋىقتان قورعانۋدىڭ ەڭ سەنىمدى جولى – اۋا. تومەن تەمپەراتۋرادان ساقتانۋ ءۇشىن، دەنە اينالاسىندا كەڭىستىك بولعانى دۇرىس ەكەن. ول ءۇشىن جىلى، ءبىراق مۇمكىندىگىنشە كەڭ كيىم بولۋ كەرەك. ال اياق كيىمنىڭ ىشىندە باس بارماق ەركىن قوزعالاتىنداي بولعانى ءجون.
3. كوپشىلىكتىڭ ويى: ەگەر بالا توڭسا ول مىندەتتى تۇردە ايتادى.
بالا تەرىسىنىڭ استىنداعى مايلى قابات وتە از، تەرمورەتتەگىش جۇيەسى تولىق قالىپتاسپاعان. بالا اسەردى تەز بايقاماۋى مۇمكىن. بالانى بەسىك - اربادا نەمەسە شانادا ۇزاق ۋاقىت الىپ جۇرمەڭىز. ول قوزعالىستا ەمەس – ول اياز قۇشاعىندا جاتىر.
4. كوپشىلىكتىڭ ويى: قىس ۋاقىتىندا ءبىر ساعات سەرۋەن جەتكىلىكتى.
بۇل ماسەلەدە قاتاڭ ءتارتىپ جوق. بارلىعى بالانىڭ شىنىققاندىعىنا جانە دالا تەمپەراتۋراسىنا بايلانىستى. قىسقى ۋاقىتتاعى اۋا ءقاۋپى – جوعارى ىلعالدىلىق جانە جەل. ەگەر سەرۋەنگە شىعار الدىندا بالانى جاقسىلاپ تاماقتاندىرسا بالالار سۋىققا شىدامدى بولادى – كومىرسۋ مەن مايعا باي تاماق ەرەكشە جىلۋ بەرەدى.
5. كوپشىلىكتىڭ ويى: ەگەر بالا توڭىپ قالسا، وندا بالانى تەزىرەك جىلىتۋ كەرەك.
جىلىتۋ كەرەك ءبىراق جەدەل تۇردە ەمەس. مىسالى، ەگەر بالانىڭ توڭىپ قالعان ساۋساقتارىن باتارەياعا قويسا نەمەسە ىستىق سۋدىڭ استىنا توسسا – قيىن جاعدايعا تاپ بولاسىزدار. ەكى ءتۇرلى تەمپەراتۋرانىڭ جەدەل ارالاسۋىنان دەنەنىڭ قاتتى توڭعان جەرلەرى اۋرۋى مۇمكىن نەمەسە ودان دا جامان، جۇرەك جۇمىسى ناشارلاۋى مۇمكىن. ەڭ دۇرىسى، بالانى جىلى، قۇرعاق كيىندىرىڭىز، جامىلعى جابىڭىز، جىلى سۋعا شومىلدىرىڭىز.
6. كوپشىلىكتىڭ ويى: سالقىن تيگەن بالا سەرۋەنگە شىقپاۋى ءتيىس.
ەگەر بالانىڭ تەمپەراتۋراسى جوعارى بولماسا، سەرۋەنگە مىندەتتى تۇردە شىعۋ كەرەك. ناۋقاس بالانى اپتا بويى پاتەردە ۇستاپ وتىرۋ ۇلكەن قاتەلىك. مۇمكىن ءوزىڭىز بايقاعان دا بولارسىز تازا اۋادا تىنىس الۋى جەڭىلدەيدى، مۇرىن تازالانادى، تەرەڭ دەمالۋى جاقسارادى. ەگەر ازداپ اياز بولسا دا كەدەرگى ەمەس. بالانىڭ اۋزىمەن تىنىس الماۋىن جانە تەرلەمەۋىن قاداعالاڭىز، سالقىن جەل ءتيىپ قالماسىن، وتە كوپ قيمىلداۋعا جول بەرمەڭىز.
7. كوپشىلىكتىڭ ويى: بالانىڭ قۇلاعى توڭعانى وتە قيىن.
بالاعا جەڭىل - جەلپى سالقىن تيگەندە مۇرىن جولدارى ارقىلى سۇيىق وزىمەن بىرگە ينفەكسيانى بىرگە الىپ مۇرىننان وڭاي اعىپ كەتەدى. وسىنىڭ سالدارىنان ءجيى قۇلاق اۋرۋى دا بولادى، ول قۇلاقتىڭ توڭعانىنان ەمەس. بالانىڭ مويىنىن جانە جەلكە تۇسىن جابۋعا تىرىسىڭىز – ءدال وسى جەرلەر جىلۋدى تەز جوعالتادى.
اتا - انالارعا كەڭەس جۇكتەۋ