InfoHub Logo

ناتيجەلى جۇمىسپەن قامتۋ باعدارلاماسى اياسىندا اتىراۋدا قانداي ماماندىقتاردىڭ تەگىن وقىتىلاتىنى ايتىلدى.

ۇسىنىلاتىن تيپتىك ماماندىقتاردىڭ اراسىندا دانەكەرلەۋشى، اسپاز، جۇرگىزۋشى، شاشتاراز، اعاش وڭدەۋشى، تىگىنشىلەر، سونداي-اق بالىق ءوندىرىسى، اۆتوموبيل جولىن سالۋ، تەمىرجول سالۋ، اۆتوماتتاۋ جانە باسقارۋ، اقپاراتتىق تەحنولوگيالار، فەرمەرلىك شارۋاشىلىق، ۆەتەرەناريا، اگرونوميا، جەر قاتىناستارى، قۇرىلىس، ءسۇت ونىمدەرىن ءوندىرۋ سالالارى بار. وبلىسقا ەڭ قاجەتتى ماماندىقتار ءالى دە ناقتىلانادى.  بۇل تۋرالى  اتىراۋ وبلىسىنىڭ اكىمىنىڭ باسپا ءسوز قىزمەتى حابارلادى.

^{سۋرەتتە: اتىراۋداعى بالىق وسىرۋمەن اينالىساتىن زاۋىتتىڭ مامانى.}  

تەحنيكالىق جانە كاسىپتىك ءبىلىم 4247 ادامعا تەگىن بەرىلمەك. بۇلاردىڭ 250ء-ى رەسپۋبليكالىق بيۋدجەتتەن، 3997ء-ى جەرگىلىكتى بيۋدجەتتەن وقىتىلادى.

500  ادامعا  قىسقا مەرزىمدى كۋرسار ۇيىمداستىرىلادى. ولاردىڭ ۇزاقتىعى 1 ايدان 6 ايعا دەيىن.

ءبىلىم الۋشىلار كۇنىنە ءبىر رەت تەگىن تاماقتانادى، وقۋ ورداسىنا بارىپ كەلۋ جولىنىڭ اقشاسى جانە شاكىرتاقى تولەنەدى.

قىسقا مەرزىمدى كۋرستار ءساۋىر ايىنان باستالادى. وعان جازىلۋ ءۇشىن تۇرعىلىقتى مەكەن-جايىڭىزعا بايلانىستى جۇمىسپەن قامتۋ ورتالىعىنا حابارلاسۋ قاجەت. قاجەتتى قۇجاتتار: ءتولقۇجات، ءبىلىم تۋرالى قۇجات، ەڭبەك كىتاپشاسى.

3 جىلدىق كاسىپتىك وقۋعا ءتۇسۋ ءۇشىن جەرگىلىكتى كوللەدجدەرگە حابارلاسۋ كەرەك باعدارلاما اياسىندا ءبىلىم بەرەتىن كوللەدجدەردىڭ ءتىزىمى ناقتىلانىپ جاتىر.

ايتا كەتەلىك، كەشە اتىراۋ وبلىسىنا جۇمىس ساپارىمەن كەلگەن تامارا دۇيسەنوۆامەن كەزدەسۋ كەزىندە وبلىس اكىمى نۇرلان نوعايەۆ تۇرعىنداردى نارىققا قاجەتتى ماماندىقتاردى يگەرۋگە شاقىرعان ەدى.

---