InfoHub Logo

اعىمداعى  جىلدىڭ قىركۇيەك ايىنان باستاپ 2، 5 جانە 7 سىنىپ وقۋشىلارى جاڭا وقۋلىقپەن ءبىلىم الادى. بۇل تۋرالى بۇگىن ق ر ورتالىق كوممۋنيكاسيالار قىزمەتىندەگى بريفينگتە ەلىمىزدىڭ ءبىلىم جانە عىلىم ۆيسە-مينيسترى ەلميرا سۋحانبەردييەۆا ءمالىم ەتتى.

«رەسپۋبليكالىق كوميسسيا جۇمىسىنىڭ قورىتىندىسىن جاريا ەتۋگە رۇقسات ەتىڭىزدەر. ق ر ءبىلىم جانە عىلىم مينيسترلىگى تاريحىندا كوميسسيا مۇشەسى ەش ۋاقىتتا 13 ادامنان اسقان ەمەس جانە بۇل جۇمىستاردىڭ بارلىعى جابىق رەجىمدە جۇرگىزىلىپ كەلدى. ءبىز العاش رەت رەسپۋبليكالىق كوميسيا مۇشەلەرىنىڭ سانىن 40 ادامعا دەيىن كوبەيتتىك. ەلىمىزدىڭ بارلىق وڭىرلەرىنەن مۇعالىمدەر، سونىمەن بىرگە تاجىريبەلى عالىمدار مەن دەپۋتاتتار شاقىرىلدى. ولاردىڭ قاتارىندا ءبىرعانىم ءايتىموۆا، بەكبولات تىلەۋحان، جامبىل احمەتبەكوۆ بار. بۇل ادامدار رەسپۋبليكالىق كوميسسيا جۇمىسىنا قاتىستى. كونكۋرسقا وتاندىق جانە شەتەلدىك 12 باسپا قاتىستى»، - دەدى ول.

ونىڭ اتاپ وتۋىنشە، كوميسسيا جۇمىسى تولىقتاي كامەراعا تۇسىرىلگەن.

«ەگەر پاندىك كوميسسيالاردىڭ بارلىق مۇشەلەرىن الاتىن بولساق، وندا ولاردىڭ سانى 140 ادامنان اسادى. مۇنداي جايت تا ءبىرىنشى رەت بولىپ وتىر. مەنىڭشە، جۇمىس بارىنشا اشىق بولدى. وسى رەتتە 2، 5 جانە 7 سىنىپتارعا ارنالعان وقۋلىقتاردى ىرىكتەۋ جۇمىستارىنىڭ قورىتىندىسىن جاريا ەتپەكپىز»، - دەدى ۆيسە-مينيستر.

ونىڭ دەرەگىنە سايكەس، كوميسسيالاردىڭ قاراۋىنا مىڭنان استام وقۋلىق ۇسىنىلعان. ىرىكتەۋ بارىسىندا 240-ى قالدىرىلىپ، ودان كەيىن ونىڭ 197ء-سى رەسپۋبليكالىق كوميسسيا قاراۋىنا ۇسىنىلعان. كوميسسيا جۇمىسىنان كەيىن 130 وقۋلىقتى پايدالانۋعا كەڭەس بەرىلگەن.

«ولار وقۋشىنىڭ جاس ەرەكشەلىكتەرىن ەسكەرە وتىرىپ مەملەكەتتىك ستاندارتتار مەن باعدارلامالارعا تولىق ساي ازىرلەنگەن وقۋلىقتار. ءبىز 1 جىل بويى 2، 5 جانە 7 سىنىپ وقۋلىقتارىنا ساراپتاما جۇرگىزدىك»، - دەدى رەسپۋبليكالىق عىلىمي-تاجىريبەلىك ورتالىق ديرەكتورى بەيبىتگۇل كارىموۆا.

ونىڭ سوزىنە قاراعاندا، جاڭا وقۋلىقتار 2015 جىلدىڭ جاڭا ستاندارتتارى نەگىزىندە ازىرلەنگەن جانە مازمۇنى جاعىنان ەسكى وقۋلىقتار ءبىرشاما ايىرماشىلىعى بار.

---