اۋرۋحانادان شىققانىمىز وسى
قارت كىسى قاسىنا 25 شاماسىنداعى بالاسىن ەرتىپ، پوەزد ۆاگونىنا ءمىنىپ، ءوز ورىندارىنا جايعاستى. پوەزدىڭ ورنىنان قوزعالعانى سول ەدى. ول دالاداعى اۋا اعىمىن سەزىنگىسى كەلدى مە اشىق تۇرعان تەرەزە كوزىنەن قولىن سىرتقا شىعاردى. كەنەت ول:
— اكە، كوردىڭىز بە، بارلىق تالدار ارتقا قاراي ءجۇرىپ بارا جاتىر! — دەپ تاڭىرقاي ايقاي سالدى. اكەسى بالاسىنا قاراپ جىميدى دا قويدى. ولاردىڭ قاستارىنا ەرلى-زايىپتىلار جايعاسقان بولاتىن. ولار 25-تەگى ەرەسەك ازاماتتىڭ بالاشا سونشالىقتى قۋانعانىنا تاڭىرقاپ قاراپ قالىپتى. ءبىرازدان سوڭ جىگىت:
— اكە، قاراڭىزشى، جانۋارلار مەن كولدەر پوەزدبەن بىرگە ءجۇرىپ كەلەدى، — دەپ، تاعى دا قۋانا دا تاڭىرقاي ايقايلادى.
وتىرعان ەرلى-زايىپتىلار جىگىتتىڭ وقىس قىلىقتارىنا ۇركە دە ۇرەيلەنە، جىگىتكە، ونىڭ اكەسىنە كەزەك-كەزەك قارادى. ءبىراق اكەسىنىڭ بەتىنەن ەشقانداي قورقىنىش بايقالمادى. كەرىسىنشە قارت اكەنىڭ بالاسىنا كاراعان كوزدەرى مەيىرىمگە تولى ەدى.
ءبىر ۋاقىتتا جاۋعان جاڭبىر تامشىلارى جىگىتتىڭ قولدارىنا ءتيىپ جاتتى. جىگىت ءوزىن باقىتتى سەزىنگەنى سونشالىق، كوزدەرىن تارس جۇمىپ الىپ، تاعى دا ايقايلادى.
— اكە، جاڭبىر جاۋىپ جاتىر. مەنىڭ قولىما تامىپ جاتىر، قاراڭىزشى اكە، كورىپ تۇرسىز با؟
سىرتتاي باقىلاپ وتىرعان ەرلى-زايىپتىلار جاندارى اشىدىما، الدە كومەكتەسكىلەرى كەلدى ما، بەلگىسىز. قارتقا قاراپ:
— كەشىرىڭىز اكەي، نەگە بالاڭىزدى اۋرۋحاناعا اپارىپ، كورسەتپەيسىز؟ — دەپ سۇرادى.
ەش نارسە تۇسىنە الماي، كوزدەرى شاراسىنان شىققان ەكەۋگە قارت اكە بىلاي دەپ جاۋاپ قاتتى:
— ءبىزدىڭ سول اۋرۋحانادان شىققانىمىز وسى. مەنىڭ بالاما ءبىرىنشى رەت كوز جانارى ورالدى، — دەپ كوزىنە جاس الدى.
You Might Also Like
-
اباي تۇپكى ماقساتقا جەتۋدەگى كەدەرگىلەردى دە ەسكەرتەدى. ولار – پايدا، ماقتان، اۋەسقويلىق. پايدا – ادامدى ءپاني ءومىردىڭ شىرعالاڭىنا بايلاپ، ءومىرىن اللا ءۇشىن ەمەس، ءوزىنىڭ پايداسى ءۇشىن قۇرب...
