جۇڭگو Starlink جۇيەسىنە قارسى قورعانىس ازىرلەۋدە: ۇلتتىق قاۋىپسىزدىككە قاتەر مە؟
جۇڭگو بيلىگى يلون ماسكتىڭ Starlink سپۋتنيكتىك بايلانىس جۇيەسىنە قارسى قورعانىس مەحانيزمىن ازىرلەۋگە كىرىسكەن.
Starlink جۇيەسى – اقش-تا ورنالاسقان SpaceX كومپانياسىنىڭ جاھاندىق سپۋتنيكتىك ينتەرنەت جوباسى. جۇڭگو ونى ۇلتتىق قاۋىپسىزدىككە تىكەلەي ءقاۋىپ دەپ باعالاپ وتىر. عالىمدار مەن ساراپشىلار بۇل جۇيەگە قارسى ءتۇرلى قارسى شارالاردى قاراستىرۋدا، ونىڭ ىشىندە:
لازەرلىك قارۋلار ارقىلى جويۋ نەمەسە بۇعاتتاۋ؛
ارنايى قارسى سپۋتنيكتەردى وربيتاعا شىعارۋ؛
Starlink لوگيستيكالىق تىزبەكتەرىنە كيبەرشابۋىل نەمەسە ديۆەرسيا جاساۋ.
Starlink جۇيەسىنىڭ ۋكرايناداعى سوعىس قيمىلدارىندا قولدانىلۋى جانە يلون ماسكتىڭ گەوساياسي پروسەستەرگە ارالاسۋى بەيجىڭنىڭ الاڭداۋشىلىعىن ارتتىرا ءتۇستى. ءقازىردىڭ وزىندە بۇل سپۋتنيكتىك جۇيە مىڭداعان سپۋتنيك ارقىلى ينتەرنەت بايلانىسىن قامتاماسىز ەتىپ وتىر جانە ازيا مەن افريكا نارىقتارىنا بەلسەندى تۇردە ەنىپ كەلەدى.
ايتا كەتەيىك، بۇعان دەيىن Starlink جۇيەسىنىڭ قازاقستان نارىعىنا دا شىعاتىنى تۋرالى اقپارات تاراعان. بۇل جاعداي جۇڭگو ءۇشىن ستراتەگيالىق ماڭىزى بار وڭىرلەردەگى اقپاراتتىق تاۋەلسىزدىك پەن عارىشتاعى ۇستەمدىككە بايلانىستى الاڭداۋشىلىقتى تۋدىرىپ وتىر.
بەيجىڭنىڭ بۇل قادامى – عارىشتاعى گەوساياسي كۇرەستىڭ جاڭا كەزەڭىنە اياق باسقانىن بىلدىرەدى.
You Might Also Like
-
اقش بىرنەشە B61-12 ۇلگىسىندەگى تەرمويادرولىق بومباسىن ۇلىبريتانياداعى ساففولك گرافتىعىندا ورنالاسقان Lakenheath اسكەري بازاسىنا ورنالاستىردى. بۇل تۋرالى UK Defence Journal باسىلىمى حابارلادى.
-
جاڭا جىل قارساڭىندا كوپشىلىكتىڭ كوكەيىندەگى باستى سۇراقتاردىڭ ءبىرى – 31 جەلتوقساندى رەسمي مەرەكە كۇنى رەتىندە جاريالاۋ مۇمكىندىگى تاعى دا ۇكىمەت وتىرىسىندا كوتەرىلدى. بۇل جولى دا ناقتى جاۋاپتى ەڭبە...
