بال بۇراۋىڭ
ەرتەدە ماڭعىستاۋ تۇبەگىندە ءبىر بايدىڭ بالبيكە دەگەن ايەلى بولىپتى. بالبيكە — ءارى اقىلدى، ءارى ەل-جۇرتىنا بەدەلدى بولعان ەكەن. ءبىراق ول بالا كوتەرمەي، باي بالبيكەنىڭ ۇستىنە جاس ايەل الىپتى. ەكىنشى ايەلدەن ءبىر بالا بولىپ، بايدىڭ كوڭىلى جاس ايەلى مەن بالاعا اۋادى. بالانىڭ جوقتىعى بالبيكەنىڭ جانىنا قاتتى باتادى. ول قامىعىپ، قايعىرىپ دومبىراسىن الىپ كۇي تارتىپ ءوزىن-وزى جۇباتادى.
ءبىر كۇنى اۋىلدا توي بولىپ، تويدا بالبيكە دومبىرا تارتادى. ول تارتقان كۇيلەردى حالىق قۇمارتا تىڭدايدى. اسىرەسە، بالبيكەنىڭ سوڭعى تارتقان كۇيىندەگى مۇڭدى سازدى سەزگەن ءبىر قارت:
— ە، شىراعىم-اي! ون ساۋساقتان شىققان ەكى شەكتى بال بۇراۋىڭ، بولىپ تۇر عوي سايراعان مۇڭدى جىراۋىڭ، — دەپ كۇرسىنىپتى. سول جەردە وتىرعان باسقا تىڭداۋشىلار دا:
— يا، بۇل ءجاي بۇراۋ ەمەس، بال بۇراۋدان شىققان زارلى كۇي بولدى، — دەسىپتى. ءسويتىپ، بالبيكە تارتقان وسى كۇي ەل اراسىندا «بال بۇراۋىڭ» اتالىپ كەتىپتى.
You Might Also Like
-
تۇركەشتىڭ تۇسىندا جولدىباي دەگەن كەدەي بولىپتى. جولدىبايدىڭ مال دەگەندە، ماڭدايىنا بىتكەن جالعىز قوڭىر الا اتى بار ەكەن. ول شاپسا، الدىنا قارا سالمايتىن جۇيرىك بولسا كەرەك. تالاي ات شابىس بايگىسىنى...
-
وتكەن عاسىردا ارعى بەت كەرەيدەگى ءتورت تايجىنىڭ ءبىرى — جايىردىڭ اسى بولىپ، اسقا ساۋىر سايقان، قابا، التايدان، بۇل جاعى ەرەنقابىرعا، بوعدادان ادام شاقىرىلادى. اتى جەر جارعان اسقا يگى جاقسىلار، ...
