InfoHub Logo

ءبىر كۇنى ماستانعان باي اتاقتى جانعارا كۇيشىنى شاقىرىپ الىپ:

— مەنىڭ كىشى توقالىمدى كۇيىڭمەن ۇيىتىپ، ىسىنەن جاڭىلدىرساڭ، استىڭا ات مىنگىزەمىن، جەتەگىڭە تۇيە بەرەمىن. بۇل شارتىمدى ورىنداي الماساڭ، بۇدان بىلاي دومبىرانى قولىڭا ۇستاۋدى قوياسىڭ، — دەيدى.

— ماقۇل، — دەيدى كۇيشى.

— ەندەشە، ءقازىر ول ۇيگە كەلىپ قامىر يلەيدى. سول كەزدە كۇيىڭدى باستايسىڭ.

ءسويتىپ، كەلىنشەك قامىر يلەۋگە كىرىسە بەرگەندە، جاڭعارا دا ءبىر كۇيدى تارتا جونەلەدى. ءبىر كۇيدەن سوڭ ەكىنشى كۇيگە باسادى. ءبىر كەزدە كۇيگە ۇيىعان كەلىنشەكتىڭ قولى كەرسەننەن شىعىپ كەتىپ، جەر سيپاپ وتىرعانىن بايقايدى. قاراسا، بايدىڭ قاباعى ءتۇسىپ كەتىپتى. جاڭعارا دومبىرانى قاسىنا سۇيەپ قويىپ:

— بايەكە، ەندى كەزەك سىزدىكى، — دەيدى.

باي لاجسىزدان ورنىنان تۇرىپ، الگى ايتقان ۋادەسىن ورىنداۋ ءۇشىن، ەتەگىن ءبىر قاعىپ، تىسقا شىعىپ كەتەدى.

---